#كسرت گلب
ضوء القمر
وادري حجايتي # تعور💔
وينه المايخون #الزاد🥀
او وينه الوفي # المايغدر😔
فتت سوك الوفه# وياحيف 😣
لكيته معزل #ويصفر
عند الباشا
سليم.. باشا اشوكت راح ننفذ الخطة ماظل عدنه وكت لازم نطلع من العراق
الباشا كاعد على مكتبه وجكارة بحلكه واكو مجموعه اوراق كدامه باوع على سليم
الباشا.. اسمع لك انتو اتنفذون وبس مفهووومممم مابقه شي ونبدي بالتنفيذ وبعده نطلع
سليم.. تآمر باشا الي تشوفهه تأمرني بشي
.. جهز الزلم والاسحلة وطلعوهه وخلوهه بالسيارة راح نحول مكانه
.. تامر باشا بس نسد عيونهه لو لا
.. شتشوف سلييم يله فضه
.. امرك باشا
.. سليم
.. نعم باشا
.. خليك وياهه وسيارة وخليكم ورانه اي شي يصير تبلغني ماشي
.. تأمر باشا
الباشا.. وهو ياخذ نفس من جكارته و يبتسم بمكر ويحاجي نفسه
هه خلي نشوف اشلون تخلصوهه مني اني الباشا محد يوكف بوجهي هههه
جوري.. كاعدة على الكرسي ولامه رجليه حسيت ببرد وكلبي يدگ قوي عيوني كوه مسيطرة فاتحتهن من قلة النوم مااكدر انام لان راح اغط بنوم طويل لازم اظل كاعدة اني بخطر حتى النفس كوه اخذه مخنوكه كولش
فزيت على فتحت الباب ودخلو اثنين من رجال يمه عملاقه شكلهم يخوف واحد منهم زمخ بيه
سليم.. كومي لجج اربط عيونه واديه يلههه الباشا امرنه نجهزهه
جوري.. بخوف انتو وين ماخذيني اخخ عوفوني
.. اسكتييي ولا حرف والا نهايتج على ايدي خليج حبابة واسمعي الحجي
.. انجبرت اسكت اخاف يسوون بيه شي ربطوا عيوني واديه واخذني وين مااعرف بس اهواي مشينه ويمكن نزلنه درج لان اكو بايات وكل اشوية اعثر وصلنه لمكان وكفوني بي وفتح باب اي صوت باب سيارة ودخلوني غصب وبمكن هذا الوحش كعد يمي لزكت نفسي بالباب حركت السيارة وكلبي كثر ميدك احس طبل باذني اسمعه يكل احنه وراكم يمكن الباشا هو المتصل
.. خليك وره سيارة الباشا وانتبه زين اي غلطة انروح بيه
.. تامر سيدي
جوري.. كل اشويه وصار مطب كدامه وخوفي يزيد شنو هاي المنطقة هالكثر بيه تعرجات ومطبات جسمي كله يرجف والخوف راح يموتني مشينه مسافة طويلة حسب ما جاي احس لان من زمان واحنه بالسيارة وهي تمشي بيه وين الى المجهول هذا الي وصل بي فكري
وره اشويه اصوات السيارات قريبه اهواي منه واصوات طلق وحجي ما مفهوم
