#كسرت گلب
ضوء القمر
وَلو جرحي جرف تعبان تغفه الآخ بأكتاره
لچن بيه العتب شاره
صهيب.. فزيت من نومي حلمت بفراس يوصيني على بنته اوووف فراگك صعب
باوعت للسگف واذكر ايامنه سوه مرت على بالي حجيه
فراس.. صهيب حبيبي
صهيب.. عيوني يالغالي
.. سالمه عيونك اريد اوصيك بوصيه
.. هاا يول شنو تريد تودع
.. كلنه على هالدرب
.. يول تحجه عدل اشعندك بسيرة الموت
.. خليني احجي هي وصيه اشبيك
.. احجي واني بالخدمة
.. ادري بيك وشكد مااحجي مااوفي وگفاتك وياي
.. ولك بينه وگفات انت اخوي عيوني الك ابواريج
.. اريدك سالم المهم صهيب احجي صدك خاف يصير عليه زعلى مرتي شي اريج بوصايتك
.. خفت من كلامه لا على بختك فراس كول يالله ان شاءالله تتربه بعزكم وجاهكم
.. صهيب الموت محد يعرف اشوكت يجي واني اريد اوصي يخوي
.. ليش تأذيني بحجيك هذا هاا يول لا تلچم كلبي
.. ههه هاي اشبيك هسه قابل كايلك متت هو وصيه
.. وغلاتك وحگ الخوه البينه بنتك بنتي لا تكول موت ماموت
.. حجاهه بكسرت كلب
صهيب اني اول ماطلعت الدنيه وماعندي بس ابوي وامي الله مارزقهم بولد غيري وعشت عمري وحيد وزادت وحدتي من توفو اهلي وعرفت نفسي منحوس وانت واهلك شكول قليل بحقكم وگفتولي وگفت كرايبي ميگفولي هيج حسبتوني واحد منكم وانتو اتعهدو بزواجي اصلا مااطلع ماجزاتكم
.. فروسي يخوي انت اخوي الي ماجابته امي ولك لو يسمعك جدي كلامك هذا بعلي يكسر عوچيته على ظهرك صدك جذب اذا الك مااوگف المن لعد لعدوي وبالعباس ازعل عليك اذا حجيت مرة ثانيه هيج
.. ادري بيك والله بس واقع شايف الورث الي عافه ابوي الي عمري ماتهنيت بي جنت دوم اكول ليش اني وحيد لا اخو ولا اخت ولا عم وخال عزوه ماعندي بس تعرفت عليك احمد الله كل يوم لان عرفني عليكم انتو صرتو اهل اليه
صهيب.. من يومه وهو شايل هموم اخخ يافراس جنت حاس بنفسك راح تودع مو بس انت وحيد حتى بنتك مثلك
اذن الاذان كمت سبحت وتوضيت وصليت ودعيت الله يرحمه
لبست دشداشه سودة وچراويه سوده واخذت سبحتي ونزلت لكيت ابوي وامي كاعدين
.. صباحكم الله بالخير
راشد.. صبحك الله بالنور هاا ابني اشلونك اليوم
.. جريت الكرسي وكعدت
الحمدلله بويه عالله الشباب جهزو الذبايح
.. ايي خبرهم جدك هسه نروح للجامع بويه مكتلي الطفلة ليش جبته وياك
