فدوه عيونك لو غـدت روح مغليـك
وش عاد لو راحـت لعينـك عشايـر
ابيع ما يغلى على الكـون واشريـك
واسوق لـى جتنـي علومـك بشايـر
وازعل جميع الناس بالحيل وارضيـك
واصبـر ولـو دارت علـي الـدوايـر
واخذ من ايامي لـك ايـام واعطيـك
وان راح عمري لـك فـلا هـو خايـر
احب انا شوفـك وصوتـك وطاريـك
دايـم وفكـري فيـك هايـم و حايـر
بالصمت اهوجس بك وبالصوت اناديك
والله علـيـم بالنـيـه والـسـرايـر
انا وقلبـي والهـوى بيـن اياديـك
عنـدك مفاتيـح الهـنـا للضمـايـر
من روحي احبك ومن روحـي افديـك
يا من غرامـه والحسـن فيـه ثايـر
""الفصل الثامن الجزء (1 ) ""
صرخت وهي تهز راسها بالنفي ملامح وجـهه كلها الم وشـــــفايفه صارت بيضاء يـــاخوفها يصير فيه شي ويرجع ينعاد الماضي مع سعـود
شدت على شفايفها المرتجــفه وصوت شهقاتها تطـلع من غــير شعور :ااالحين قلـــي وشلون أشغل السيــــاره تكلم تكـــــفى يا سعـــــود تكلم لازم أخذك للمستشفى سعوووووود أاانطق .....لاااتسكـــــت لآآآآآآ
ركزت نظراتها المــــشـتته علــيه مرجـــــع رأسه لورا ومغمـــــض عيونه حست انها بتنــجن الدم مازال ينزف من رأسه وجهه حيل تعبان اول مره تـــــشوفـه كذا أو مره تتألم معه تحس وكأن الــوجع فيها ماتدري ليش هالشعور بس الأكيد انه من الخـــوف حركت يدها الــمرتجفــه وحــــطتها على كتفه صارت تهـــزه برجفـــه وتتكلم بنبرة حيله :سسعود تــــكـفى رد علي قـــــلي انك بخير
فتح عــــيونـــــه ببـطى يحــس حتى جفـونه ثقيله مابعد غاب عن الوعي يـسمـع انــهيارهــا وخـوفها بس مافيه حــيل حتى يتحرك رأسه ثقيل ولسانه بعد تـــــكلم بهمس : أنا بـــــخير
رمشـــــت بعيونها كـــذا مره هذا صوته ايه صوتـــــه حركت يدهـا وحــطتها خلف رقبتــه ضغطت عــــلى الجرح خايفه أن هالنــــزيف يسبب له شي :انـــت بخـير لييييش سكتــت ليييــــيش خـــــوفتني
رجع سعود غمض عيونه وتكلم بهمس :أسف ..أســــف وعـد مـاكنت ابي اخوفك
حركت وعـد راسها بالنفي :طيب لاتتكلــم انت ارتاح وانا بــــأخـــذك للمستشفى
ناظرت يميـن ويسار تبي شي تربط فيه على راس ســعود النزيف حيل مخوفها طرت على بالها فكره رفعت يدها وسحبت شيلتهـا من على كــتفها رفعـــــتها لفوق وحاولــت بكل قوتها لحتى شقـــتـــها نصين
ناظرت لـــسعود بــقلق قربت مــنه وحاوطت رأسه بيدينها دخـلــت الشيله خــــلـف رأســــه ورفـــعتها لـــــفوق ربطتـــــها بحركه ســـريعـــه وكلهــا رجفه و ارتباك
