وقف سيارته بوسط الحاره القديمه الناس رايحه جايه والأطفال يلعبون بالشــــارع بدون خوف والموسيقى التقليدية المصريه تنتشر بكل مكان ابتسـم من تذكر أن اليوم جارته سميره مسويه يــوم سابع لولد بنتها تـــنــفس براحه وجــــوده بهالــــحي يحسسه وكأنه بين اهلـه الناس هنـا طـيـبه وقـــلوبهم على بعض سمع طق على شباك سيارته رفع رأسه وانتبه للخاله سميـره فتح الشباك وابتســـــم بهدوء :أهــلين خـــاله سميره
سميــــره ابتسمت :هلا ياولدي يـلا ماراح تنزل وتشرب معنا الـعصير وإلا ناسي أن اليوم عندنـا حفله
ابتسم نواف ونزل من السياره قفل الباب وراه :اعذريني ياخــاله حدي تـعــــبــــان بروح انام
سميره قربـــــت مــــنه وسحبته مع يده :امـــشي معي ماراح يأخرك كوب عـــصيــــر اشربه وروح الله معـك
مشى نواف معهـــا وهو يضحـــــك بخفه عارف ان سميره ماراح تتــركه حتى يشرب يعرفها زيـــــن
مروا من جنب حنين و نهى بنات سميره رفعت حنين يدها وحطتها على صدرها وهي تناظر أختها :نهى قلبي بيوقــــف من اشوفه احس بشعور غريب
دقت نهى أختها بيدها وضحكـــت : ههههه حنين وش هالحب توك صغيره وعمـــــرك ماتعدى 15 اسكتــــي بس لو تـسمعك امي والله لتقلب الـــدنيا عليك
تنهدت حنين بهيام :آآآه هذا الحب يااخـتي مـــــايعرف لاصغير ولا كبير نواف هـــالولد دخل بـقلـــبي تـــــدرين كأنه ملاك بوسـط حــارتنا
سحبـــت نهى أخــتها الي أكبر منها بسنه معهـــا ودخلوا البيت اكـــــيد أمهم تـــدورهـــم الحين وفعلا مـــــن شافـــتــهم أمهم صرخت بــوجيهـــــهــــم :حنين نهى وينك انتي وياها من اليوم أنادي يلا شوفوا شـغلكم أغــلب الضيوف وصلوا
قربت حنين مـــــن نهى وهمست لـــها بإذنـــها وهي تناظر نواف :شــــوفي ملاكي
هزت نهى رأسهـــــا بملل من كلام أختها وتكلمت بهمس وهي تنــــاظر لجهة أمـــهـــــا :حنين شوفي شغلك ولا بـقول ل امي ووقتها حليها انتي
تأفأفت حنين ورفعت يدها رجعت شـعرها الأشقر المجدول لورا وابتعدت عن أختها وهي تتذمر وماهو عاجـبها شي وكل تفكيرها ب نواف الإنسان الي توصفه دوم بالملاك الي بحارتهم
شرب نواف العصير ونزله على الطـاوله وقف بهدوء وتوجه ل سمـــيره الي شايله الولد الصغــــير بيدها دخل يده بجيبه وطلع فلوس وحطـــــهـــا بلفة الـــبيبي :هــاذي هدية البيبي اعذريـــني ياخاله نـسيت مـــــااجيب له هـــديه
سميــــره ناظرت له بزعل :لا ياولدي ماينفع هالكلام
نواف ابتسم بهدوء :هاذي هديه والهدية ماترد تامرين على شي ياخاله قبل لااروح
