تنهدت بالم وهي تسمعه يتكلم عــلى رأسها متــى بيتركها بـحالها متى ب يحـــس عـــلى نفـــــسه تعبــت سنه كامله وهي صابره عليه مره يكــــون مــعها مافي احسن مـنه ومـــــره يقلب عليها ومــاكأنه يــعرفها ابد لفت له وهي ترفع الصــينيه بــيدها وتحاول تهــــدي نفســها :حسام وبعدين معك عيب عليك اخـــتي عندي قـــــصر صوتك مالــــه داعي أحد يسمعك
رفع حسام يده وهو يمسح وجهه بغضب :واللـــــه لو ما وجـــود أحـــد عندنا كان صارت علوم روحي عن وجهـي ومصيري اعرف الرقم الغـريب الي تدقين عليه آخر الليل
حاولت وريــف قد ماتقدر تـمــنع دموعها وتكلمت بــــغصه :قلت لك رقم نواف والله رقم أخوي انت ماتفهـــم كم مــره قلت لك
رفع حسام اصبعه وحــــطه عـلى خشمه وصك على اســنانــه :اصصصص ولا كلمــه ولاهمس روحي عنـد أهلك ولي كلام معك بــــعدين
ابتعد عنها بسرعه وطلع وتركها تمنع عـبراتها الي تحاول تخفيها ماتبــي أحد يحس فيها ماتبي تضايق أحــــد بحياتها الي عايشتـــــها بألم ومر تنهدت وأخذت نفــس عميق تبي تريح اعصابها ماتبي احد يـــــنتبــه لها ثبــتت الصينيه بيدينها وصارت تمشــــي بهدوء وبهـمس :وينك يا اخوي وينك يـــانواف اختك محتــــاجتك محتاجـــتك حـييييل
وقفت لحظات قبــل لاتدخل الصاله ورسمت ابتسامه حلوه على شفاتها دخلت بهـــدوء :يـــــاهـلا ياهلا والله ب اختــــي حبيبتي وديما
ابتسمت ام رعد من شافـــت أختها الصغيره :ياهلابك زود ياقلبـــي تعالي وريف إجــلــسي من جينــا وانـــــتي رايــــحه جايه
وقفت ديما وأخذت الصينيه من يد وريف :وأمــي صادقه من جينــــا وانتي رايحــــه جايه
ضـحكـــت وريف رغم الي تخــــفيـه بقلبها :ههههه ب جلس وبعدين انا مااصـدق وانتم تجوني
ام رعـد ببــتسامه اشرت لها :تعالي وريف إجلسـي جنــبي
قربت وريف وجلست جنب أختها حست بيديــــن أختها على يدها بلعت ريقها ورفعت راسها العبره خنقــتها بهالحظه ودها تبكي وتصيـــح بس ماتبـــي تعكر مزاج أي أحد وخـاصة أختها الــي تعبت عشانـــهم من زمن هي قويه وقــــادره تغيـر مـــــن حياتها هي وحـــسام واثقه أن حالها بـــــيـــتبدل ابتسمت بهدوء :ريـــــوف وش هالنظرات
ضــــحكت ام رعد بعد ما مررت نظراتها علـــــى أخـــتها وكأنهـــــا تتفحص ملامحها :كذا بس اشتقت لك يااختي
وريف وهي مازالت مبتسمه بتوتر :الله لايحرمني منك يااختي وأمي وابوي وكل دنيتي
توســــعت ابتسامة أم رعد :امـــــين ويـاك ياغلاتي
ضحكت ديما وهي تناظرهــــم بحب :يــــافديت الخوات يمه وريف شكلكــــم ماتبون تـــــتقهون
