ليت السفر بين المحبين ممــــنـوع
تحجز جوازت المحبين بالذات
حتى لوأن السفر حق مـــشروع
المشكلة.. لأهل الهوى حزن وآهات
لاغاب خلّك والرجاء فيه مقـــطوع
لابه رسايل تاصلك واتصـــــــالات
الخط مغلق...كنّه الكرت مـــنزوع
من ضيقتك تلعن جميـع الاشتراكـــات
تضرب على الكفّين والقلب مفــجوع
تضيق بك عقبه جميـع المســـاحـات
في ليل دامس ضايعٍ مابه شمــــوع
الفكر تايه فـي دروب المتاهــــات
العين تذرف بالدقايق له دمــــــوع
والقلب عايش بين حسره وونـــــات
.
.
""الـفصـل الثاني والعـشـرون ""
نرجـع شوي لـقبل ثلاث ايام...
طلع مـن بـيـت ماهر وأفكاره متوقـفـه وشعـور الانـهزام يـحتويه توجـه لسـيـارته بثقـل كان يرتجـي ينـام ولـو سـاعه لـكن هالـساعـه زادت ارهاقه زود حرك سـيارته بهدوء لبيـتهم لازم يـرجع مـشـعـل لازم ماتغيـره هالـكوابيس لكن إلـي مسـتغرب مـنه احـسـاسه الـغريـب وكأنـه يـبي من هذاك الشاي يـمـكن يـعدل مـزاجـه ويطير هالهمـوم إلـي تراكمـت عـليـه فـجأه هز راسه بـالنـفـي وغير وجـهته بـعـد مـا ارسل لعـزام انه بيجـيـه زاد سرعة الـسياره الطرق فاضـيه وهدفه واحد عزام وبس
عـقـد حواجـبه وهو ينتبـه لـسـيـارة مـاهر تتبعـه شلون لحقه بهالـسـرعـه ووشـلـون عرف بروحته عض عـلـى شـفاته ماكان لازم يـوصل لـهالـجنون يعرف انه طريـقـه غلط ومتاكد ان عزام استغفلـه وحط لـه شي قلـب كيانـه لـكن إلـي مايعـرفه انـه صـار ضـعـيـف بشكل مـخزي جدا دخل مع إحدى الـحـواري لازم يضـيـع ماهر مافيه ابد يـواجهه دخل بسرعـه مـع لفات الـحي لـحتى طلـع عـلى الـشارع العـام وبوجـهه اشاره مـااعـطاها اي إهتمـام كل همـه يـبتعد عن مـاهر ثبـت عـيـونه لـقدام وهدفـه واحد ظغط عـلى الـبنزيـن وزاد السرعـه قـطع الاشاره لكن صـار الي مـاهو بالـحسبـان اصـتدمت سـيـارته بـشـكل سريع بـسياره ثانيه مـقـاطعه لـلطريـق الفـرعي .....
"""""""""""""""""
عـلـى عـتبات الـصمت تتركى روحـها الـمـوجـوعه وتستقر دمعـتها الـحـائره عـلى خدها ..قـلـبـها يـدق مـعـلن نبـرات الـفـراق وأفكار مـرهقه تجـتاح عقـلها وتزيـد ارهاقـها أكثر وأكثر اجل شلـون بـيكون حالـها لـو ابتعـد بـيـأخذ معـه اكسجيـنـها ويـختفي الأمان إلـي تحـس فـيه بـقربه اي سـفـر يـتكلـم عـنه فـجـأه واي ملامـح كانت تحـتويـه مـتاكده انـه مخبـي إلـي أكبر من الـقنـابـل يـاخوفها بس تفجـر قـلبها وقـلبـه غمضـت عيونـها تمـنـع دمـوعها الي تنزل بصـمت يـمـكن بس لو تشوفـه بهالـحظه تتفجـر بوجهه كل أحـاسيـسـها رفـعت شنـطتها بـخفـه اصلا مـاتحتوي الا علـى أشـياء بـسـيطه نـزلـت الدرجـات البـاقـيـه والـخيـبات تمـلـئها ..
:رحله سعـيـده ياحـلـوه
وش كثر فـاضـيه هالانـسـانه نـاظرتها بـحده نزلت الـشـنـطه على الدرج وعـيـونها مـعلـقه بـهاجر إلي واقـفـه وراسـمـه ابتسـامـه سـاخره :وش عنـدك هنـا
