Black Memory(U+Z)(Completed )

Part-28

Unicode

"ကိုနှိုင်း နားရှုပ် သွားလား..အဟင်း"

နွေးက မိမိကိုယ်ကိုယ်အားပေးသလို ခပ်နွမ်းနွမ်းရယ်လျက် စကားဆက်ပါ၏။

"ကိုယ့်ပေါင် ကိုယ်ပြန်လှန်ထောင်း ဆိုသလိုပဲ ပြောရတာ သိပ်ခက်တယ်။ .....နွေး မှာ တစ်ဝမ်းကွဲ ညီမလေး တစ်ယောက်ရှိတယ် ကိုနှိုင်း။ သူ့ရည်းစားနဲ့ အလည်သွားပြီး
မဖြစ်သင့်တာတွေ ဖြစ်ခဲ့ကြတယ်ဆ်ိုပါတော့။ နှစ်ယောက်လုံးက ကျောင်းလည်းမပြီးကြသေးတဲ့အပြင် အလုပ်အကိုင် ဆိုတာလည်း ဘာမှမယ်မယ်ရရ မလုပ်တတ်ကြဘူး။
အခုခေတ်က သိတဲ့အတိုင်း ချစ်တယ်ဆိုတာနဲ့ အတူတူ အိပ်ဖို့လောက်တွေးနေတာ။ သူတို့မှာ ကိုယ့်ကိုယ်ကို ဘယ်လိုတန်ဖိုးထားရမယ်ဆိုတာ မသိကြတော့ဘူး။ အချစ်ကsexမဟုတ်သလို...sexကလည်း အချစ်မဟုတ်ဘူး။ မပါဝင်ရဘူးလို့မဆိုလိုပေမယ့် အချိန်အတိုင်းအတာ တစ်ခုအထိတော့ ထိန်းသိမ်းသင့်တာပေါ့လေ။ ပိုဆိုးတာက
ကြိုတင်ကာကွယ်ရမယ့် ဆေးတွေကလည်း မျိုးစုံပေါ်နေတော့... မကြောက်တတ်ကြတော့ဘူး"

"...."

"ဘယ်လို ပြောရမလဲ...ဒါကို နွေးကိုယ်တိုင်ခံစားဖူးတော့ သိတယ်ကိုနှိုင်းရယ်။နာကျင်ရတယ်။ငါအရမ်းချစ်တာကို သူမို့လုပ်ရက်တယ်ဆိုတာထက် သူငါ့ကို မချစ်ဘူး
တန်ဖိုးမထားဘူးဆိုတဲ့ အတွေးက တစ်ချိန်လုံးနှိပ်စက်နေတယ်"

ပြောရင်းပင် နွေးက မျက်ရည်လေးဝေ့လာပါ၏။

"နွေး ကို အနိုင်ကျင့်စော်ကားဖို့ကြံစည်တဲ့လူကိုလေ နွေး အရမ်းချစ်ခဲ့တာ။ နွေး တတ်နိုင်သမျှ ငြင်းဆန်ခဲ့တယ်။ သူ့စကားနားမထောင်လို့ နွေးကိုရိုက်တယ်။ ဒါပေမယ့်လေ
အသားနာတာထက် နှလုံးသား နာတာက မတူဘူး သိလား။ နောက်ဆုံး နွေး ဘယ်လိုမှ မရုန်းနိုင်တော့လို့ လက်လျော့လိုက်တဲ့အချိန်မှာ 'သူ့ညီ သတိရလာပြီ ဆေးရုံအမြန်လာခဲ့ပါလို့' ဆေးရုံကဖုန်းဆက်ခေါ်တယ်
ထင်ပါရဲ့..သတိလက်လွတ် သူပြေးထွက်သွားတယ်။ ဒါကြောင့်ပဲ နွေး သူ့လက်က လွတ်ခဲ့တယ်ဆိုပါတော့။ အကြမ်းဖက်မခံရဘူးဆိုပေမယ့် အဆုံးစွန်ထိ မပြီးမြောက်
ခဲ့တာပဲရှိတာပါ"