Black Memory(U+Z)(Completed )

Part-63

Unicode

နှိုင်း ဘယ်ရောက်သွားတာလဲ ခုနလေးတင် သူ့ဘေးမှာ ရှိနေတာမဟုတ်ဘူးလား။ နားရေးပြီးလို့ ပစ္စည်းတွေ သိမ်းကူ ရှင်းစရာရှိတာတွေရှင်းဆိုတော့ သူလည်း နှိုင်းကို ခဏလေး စိတ်လွှတ်သွားမိတာပါ။

"နှိုင်း! "

ခေါင်လေးသည် အိမ်ပေါ်တွေရော အိမ်အောက်တွေရောပြေးရှာကာ ဖုန်းလည်းအဆက်မပြတ်ခေါ်နေမိ၏။ သို့သော် ဖုန်းက စက်ပိတ်ထားသည်ဖြစ်ရာ..နှိုင်းဖုန်းရော..
ခန့်ပိုင်ဖုန်းရော လုံးဝခေါ်မရဖြစ်နေ
သည်။

"အာ...ဘယ်သွားနေတာလဲကွာ "

"ခန့်ပိုင်...ကျော်ခန့်ပိုင်!"

မိုးဇေက တကြော်ကြော် လိုက်ခေါ်နေပြီး.. ရဲဇော်ကတော့ ဖုန်းတွေကို ခြေရာခံကြည့်ဖို့ ကြိုးစားနေ၏။ နှိုင်းဖုန်းမှာ သူGPSဖွင့်ထား ပေးခဲ့ပြီးသားဖြစ်သည်။

"မရဘူးလား! "

"မရဘူး.. စက်ပိတ်ထားတာ...."

အဖြေက အားရစရာမရှိလျှင် ခေါင်လေးသည် ခေါင်းကို တဗျင်းဗျင်းကုပ်ပြီး စိတ်ကိုအေးအေးထားကာ ဘယ်သွား တာလဲ အဖြေရှာဖို့ကြိုးစားကြည့်သည်။ သို့သော်
နှိုင်းက သူ့ကိုချစ်ဖို့ကလွှဲ၍ ဘာမှမသိသလို ဘယ်မှသွားတတ်သူမဟုတ်ရကား ... သူ့ရင်တွေ ပူလောင် လာရသည်။

"ကိုနှိုင်းရေ.. "

စိုင်လျန်ကလည်း အသံစူးစူးလေးဖြင့် ပတ်ရှာနေသည်။ ကိုကိုချစ်တဲ့ ကိုနှိုင်း ပျောက်သွားလို့မရပါ။ ကိုနှိုင်းသာ မရှိတော့ရင် ကိုက်ိုဟာ အရင်ကအတိုင်း အေးစက်စက်နှင့်
ကြောက်စရာ ကောင်းသည့် ကိုကိုပြန်ဖြစ်သွားလိမ့်မည်။

သူတို့အားလုံး တစ်ရွာလုံးအနှံ့ပတ်ရှာကြည့်ကြ၏။ ခေါင်လေးသည် နှိုင်း Lashioများ ပြန်သွားသလားဟု တွေးကာ လမင်းဆီ ဖုန်းဆက်မေးကြည့်သော်လည်း မလာဘူးဟုဆို၏။သို့ဖြင့် အမျိုးတွေရှိတဲ့ မန္တလေးများသွားခဲ့သလား' ဟူ၍ စုံစမ်းပေးရန် အကူအညီတောင်းရသည်။ နှိုင်းက နွေးနွေးဆီတော့
မသွားလောက်ဘူးထင်၏။ ခက်သည် နှိုင်းက တစ်ယောက်တည်း ရွာထဲလျှောက်သွားတတ်မှာ မဟုတ်ပေ။ဒါဆိုရင်တော့ ခန့်ပိုင်ခေါ်သွားတာပဲ ဖြစ်လိမ့်မည်။