Black Memory(U+Z)(Completed )

18.11 Day

Unicode

ဆောင်းရာသီမှာစခဲ့တဲ့ဇာတ်လမ်းလေး နွေရာသီမှာ အဆုံးသတ်လို့မဖြစ်သေးပေ။ ရာသီတွေကူးပြောင်းလို့ ချစ်သက်တွေတောင်တိုးလာခဲ့ပြီ။ယခုမှမွေးနေ့တူ သုံးနှစ်ခြား ချစ်သူနှစ်ဦး တို့၏ အတူရှိသည့် မွေးနေ့လေး
စတင်ခဲ့သည်။

ဒီနေ့တော့ အိပ်ချင်ယောင်ဆောင်ပြီး ညဆယ်နှစ်ထိုးမှ မောင့်ကိုsupriseလုပ်မည်ဟူသောအတွေးဖြင့် နှိုင်းရင်ထဲကြိတ်ပျော်နေမိသည်။ မွေးနေ့တူပေမယ့် မွေးနေ့မတိုင်ခင်ကွဲကွာခဲ့ရပြီး မွေးနေ့ပြီးမှပြန်တွေ့ရတဲ့ အဖြစ်က တကယ်ရင်နာစရာ။

အသက်လေးမျှင်မျှင်ရှူပြီး အိပ်မောကျနေတဲ့ မောင်ကတော့ မွေးနေ့ကိုသတိမရတာလား စိတ်မဝင်စားတာလား...အပူအပင်ကင်းကင်းအိပ်နိုင်ရှာသည်။ ဒီကကောင်ကြီး
မှာသာ အချစ်ကြီးတော့မလွယ် ...အသေးအမွှားကအစ အမေအိုကြီးလိုလိုက်စိတ်ပူပြီး လိုက်လုပ်ပေးနေသမျှ
မောင်ကတစ်နေ့ထက်တစ်နေ့ သူမှမလုပ်ပေးရင် ထမင်းတောင်မစားပဲအငတ်နေတော့မည့်အတိုင်း။

ဆယ့်နှစ်နာရီထိုးဖို့ ၅မိနစ်သာလိုတော့သည် မို့ နှိုင်းရင် တွေခုန်လာပါ၏။အိပ်ပျော်နေလည်း မရရအောင်နှိုး ....BD wishလုပ်ပြီးမှပြန်အိပ်ခိုင်းမည် ဟူသော ကြည်နူးစရာအတွေးက ဖုန်းသံကြောင့်ပျက်တော့သည်။

Ring!!!

ဒီချိန်ကြီး ဘယ်ကဖုန်းလဲ။ ကောက်ကိုင်ဖို့ လုပ်တော့ နွေးနွေးငြိမ်းအောင် ဖြစ်နေသဖြင့်... သူ စိတ်ညစ်သွားကာ ကိုင်ဖို့ရန်တော်တော်ကြာအောင် စဉ်းစားနေရသည်။

"Ph လာနေတာလား "

"အင်.. "

ဆူညံသံကြောင့် နှိုးသွားသည်ထင်။ သိပ်တော့မကျေနပ်ချင်ပေမယ့် မောင့်လက်ထဲဖုန်းထည့်ပေးပြီး ခေါင်းမြီးခြုံကာ
အိပ်လိုက်တော့သည်။ဒီလိုမွေးနေ့လေးတော့ ကိုယ့်ချစ်သူကိုယ် ပထဆုံးHappybirthday လို့ ပြောမယ့်သူက ကိုယ်ကိုယ်တိုင်ပဲဖြစ်ချင်တာပေါ့။ ဆိုင်သူကိုယ်စီရှိနေ တာတောင် ဘာလို့များ အလွတ်မပေးကြသေးတာလဲ
တွေးမရ။ ပြောပြန်ရင်လည်း ဒီကကောင်က နားမလည် ပေးနိုင်တဲ့ သူကြီးဖြစ်ဦးမည်။ အကြီးဖြစ်ရတာ ဒီနေရာတွင်တကယ်ကောင်းကို မကောင်းပေ။