Black Memory(U+Z)(Completed )

Part-25

Unicode

ညောင်ရွက်တို့ အုံးမိုးနေသော လားရှိုး တက္ကသိုလ် ။ Dayကျောင်းသားတွေတော့ဘယ်လောက်များလဲ မသိပေမယ့် ကျွန်တော်တို့လို အဝေးသင်အချိန်တွင်တော့ ကျောင်း
သူကျောင်းသားတွေ ထောင်သောင်းမကရှိကာ ပြည့်ကျပ်လို့ နေပါသည်။

"စာမေးပွဲ မဖြေခင် စာမေးပွဲ စည်းကမ်းတွေကို ရွတ်ပြပါမယ်"

ဆရာမ တစ်ယောက်ရဲ့ သတိပေးသံ။ အဲ့ဒီနောက် စည်းကမ်းချက်တွေကို ရွတ်ပြနေရာ ကျောင်းသား ကျောင်းသူ တစ်ချို့ကတော့ မျက်နှာလေးတွေရှုံ့မဲ့လို့နေ၏။ စည်းကမ်း
ချက် တွေရွတ်ပြလို့မပြီးခင် သူတို့ကျက်ထားတဲ့ စာတွေအကုန်မေ့သွားနိုင်လို့ဖြစ်မည်။

"အကယ်၍ စည်းကမ်းမလိုက်နာဘူးဆိုရင် စာမေးပွဲဖြေခွင့် နှစ်နှစ်ကနေ သုံးနှစ်အထိ ရပ်ဆိုင်းပါမယ်"

အင်..ဟုတ်ပြီ..မေးခွန်းဝေလိုက်တော့။

ခေါင်လေးသည် နဂိုစိတ်မရှည်သူပီပီ စိတ်ထဲမှ တီးတိုးပြောလိုက်၏။

ကန်တော့ကန်တော့ ဆရာမကို မပြစ်မှာဘူးနော် ။

ဘုန်းကြီးခေါင်းခေါက်ပြီးမှ ကန်တော့ဆိုတာမျိုး ဖြစ်နေသလား တော့မသိ။ စာမေးပွဲဖြေနေစဉ် မေးခွန်းခက်တာတွေ မေးမည်စိုး၍ ထိုသို့ စိတ်ထဲက ပြောချင်ရာပြောပြီး ကန်တော့ရတာလဲ အခါခါပင်။

"ဖုန်းတွေပါလာရင် စက်ပိတ်ပြီး ဆရာမဆီလာအပ်ပါ။Airplane Modeလုပ်လို့မရပါဘူး။ Vibrate လုပ်လို့မရပါဘူး တစ်ခါတည်း စက်ပိတ်ထားပါ"

ကျောင်းသားကျောင်းသူလေးများ၏ သက်ပြင်းချသံ သဲ့သဲ့လေး ဆရာမ ကြားရင်သိပ်ကောင်းမှာပဲ။ ကျေးဇူးပြု၍
သိပ်ပြီး မတင်းကျပ်ပါနဲ့ ကျွန်တော် တို့ ခိုးချတယ်ဆိုရင်တောင် ကျောင်း အောင်ချက်ကောင်းပြီး ဂုဏ်တတ်ဖို့အတွက်ပါ။

သို့နှင့် သိပ်မကြာခင်မှာ အခန်းစောင့် ဆရာမများက မေးခွန်းတွေ စတင်ဝေကာ ကျွန်တော်တို့လည်း စာမေးပွဲဖြေခြင်းကို စတင်ရပါ၏။

ခေါင်လေးသည် လက်ထဲရောက်ရှိလာသည့် မေးခွန်းကို ရှေ့နောက်သေချာကြည့်ပြီး ပြုံးလိုက်၏။ မဆိုးဘူး သူကျက်ထားတာ သုံးပုဒ်ပါတယ်။ ကျန်တာ လျှောက်ရွှီးရင်
အောင်နိုင်တယ်။