أحببناها مريمية ( ٣ أجزاء )

قضاء ونصيب(١٨)

قضاء ونصيب ♥️
الجزء الثاني من " أحببناها مـريـمـيـة" ♥️
بقلمـ : دنـيا الشملول ♥️

الحلقه الثامنة عشر ♥️

خرجت سبأ من المنزل وقبل خروجها من البناية رأته يسير على بُعد منها .. أخذتها قدماها خلفه دون أن تدري سببًا لذلك .. لكنها ستلقنه درسًا لن ينساه على ما فعله بها وإحراجه لها أمام الجميع .

بقيت تسير خلفه حتى وقف فجأة والتفت إليها ببرود .. بقيت نظراتهما معلقة لبعض الوقت حتى تمتم وهو لا يزال على موقفه من البرود التام :
- ماشيه ورايا ليه بسلامتك ؟!

هدرت بغيظ :
- عايزه أعرف سبب عداوتك ليا .. أنا لا أذيتك ولا جيت جنبك .

مالك بابتسامة جانبية :
- وأنا عايز أعرف سبب لفِّك ورا عيلتي .. في الأول وليد وقربتي من مرات عمي زيادة عن اللزوم .. وبعدين حاولتي محاولة فاشلة معايا وبعدها ملك صاحبتيها وخليتيها تعزمك عندنا وكونتوا قال أي .. صداقه .. أي سببك لكل ده ؟

ابتلعت غصه مريرة بحلقها وهي تتمتم بخفوت :
- معنديش أسباب .. أنا لما خبطت فيك ما كانش قصدي .. كنت معديه ومشغولة بالتليفون وما خدتش بالي .. ووليد رحت بيته أشكره وأعتذر عن اللي حصل مني في المستشفى .. بس أريج قابلتني بعداوه غريبة ما فهمتهاش .. ظنيت إنها بتحبه جايز لكن ملك نفت ده وقالت إنها بتغير عليكم كلكم زي اخواتها وإنها ما بتحبش غريب يدخل بينكم .. أنا صاحبت ملك عشان طيبه وحبيتها واحترمتها عشان تستاهل .. لكن أنا ما عنديش أسباب .. بطل تجرحني كل ما تشوفني أنا مش بني آدمه للملطشة ولا أنا تافهه أوي كده .. أنا أقدر أوقفك إنت وأمثالك عند حدكوا كويس أوي .. لكن أنا عامله إحترام لوليد اللي ليه فضل عليا ولوالدته اللي ما بخلتش عليا بالاحترام والترحاب ولوالدتك اللي استقبلتني في بيتها ولملك اللي سعت تصلح بيني وبين أريج .. غير دول ما حدش له عندي حاجه .. وأنا صاحبة ملك غصب عنك وعن أي حد .. فما تنساش نفسك واعرف حجمك ومكانك عشان المرة الجاية مش هعمل إحترام لحد وهسترد كرامتي في التو والحال .

أنهت ما كانت تتفوه به بعصبية ومن ثم أوقفت سيارة أجرة وذهبت ..
ذهبت تاركه إياه ينظر في أثرها بصدمة .. هل سمع ما سمعه الآن حقًا ؟!!.. ألم يرد عليهت بأي حرف حتى ؟!!

🖊️سبحان الله 🖊️ الحمد لله 🖊️ لا اله الا الله 🖊️ الله اكبر 🖊️

إنها الإمتحانات ..
خرجت من لجنتها بهدوء وهي تعبث بالهاتف ومن ثم رفعته لأذنها ليأتيها صوته :
- حبيبة بابا السلام عليكم .

أريج بابتسامه :
- وعليكم السلام حبيبي .. أنا خلصت الحمد لله .. وكان الامتحان الي حد ما يعني كويس .

إسلام بهدوء :
- الحمد لله .. أهم حاجه تكوني راضيه عن حلك .

أريج :
- ان شاء الله .. مشغول ؟