انا مذكرتش أسماء الاتنين اللي في المشهد ده .. تتوقعوهم انتوا بقا 🙈
تجلس في شرفة غرفتها ويكاد الملل يفتك بها .. لم تعتد الجلوس بمفردها هكذا .. إما مع الفتيات أو تخرج للنادي من اجل ممارسة السباحه ..
زفرت في ضجر ومن ثم تحركت بخفه وقد انتوت علي ان تُحضِّر لنفسها وجبة سريعه حالما يعود ( .... ) .. وستتحدث اليه بشأن الخروج قليلًا ..
دلفت للمطبخ وقامت بفتح باب الثلاجة ونظرت بداخلها في قلة حيله .. ومن ثم أخرجت بعض قطع البانيه وقامت بلفها جيدًا في ورق ألومونيوم ووضعتها في طبق من الألومونيا .. وتجهزت لتسخينه ..
لم يمر الكثير من الوقت حتي بدأ حريق غريب في الإندلاع .. وشرارات تخرج وفرقعات ..
قامت بملء كوب كبير من الماء وسكبته حيث يندلع الحريق .. وفجأه انقطعت الكهرباء وأتاها صوته الذي يتمتم في غضب : بتعملي ايه يا مجنونه .. ايه اللي عملتيه ده ؟
عادت خطوتين للخلف وهي تنظر للفوضي التي خلفتها فوق الطاوله لتسدل عينيها في براءة رآها حينما قام بفتح نوافذ المطبخ وقام بتهويته ..
خرجت حيث الصاله وجلست في إرهاق ..
الي متي سيكون التخريب هو نتيجة وجودها بالمطبخ !!
خرج اليها بعد بعض الوقت وهو يجفف وجهه بعدما قام بغسله وتمتم بفقدان أمل : في حد عاقل في الدنيا يحط طبق الومونيا في الميكرويف ؟.. لا وكمان لفالي الأكل في ورق الومونيا !!
تمتمت في غيظ : وانا ايش عرفني .. وبعدين اي يعني لما احط طبق الومونيا والف البانيه في ورق الومونيا يعني واسخنهم ؟
نظر لها بإرهاق متمتمًا : في الميكرويييف ؟؟.. الومونيا في الميكروييييف !!.. الميكرويف مبيتحطش فيه الومونياااا عشان بتبقي النتيجه زي ما انتي شفتي كده .. شرار وحريقه .
أشارت بيدها علامة اللامبالاه وهي تتمتم : وليه العنصريه دي يعني ؟.. ليه ميسخنش أكل في ألومونيا يعني ؟.. ماله الألومونيا ؟!
مرر أصابعه فوق وجهه متمتمًا بغيظ : عنصريه !! .. طب بتكبي ميه عليه ليه ؟
تمتمت في براءه : لما بيكون فيه حريقه بنكب عليها ميه .. عادي يعني .
نظر لها بفقدان أمل وهو يتمتم : حريقه مش كهربا .
نظرت له في تساؤل ليتابع : الميكرويف ده آله كهربائيه .. يعني الحريقه نتجت عن كهربا .. يعني كان هيدخلك ميه ونوووور لو انا ملحقتش وفصلت الكهربا عن البيت .
فركت يديها معًا بعدما استشعرت مدي غبائها لتتمتم في قلة حيله : كنت زهقانه .. اعمل اي يعني ؟
هدأ قليلًا بعدما استشعر نبرتها المتألمه ليتمتم بهدوء : خلاص .. حصل خير .. ان شاء الله هجيب المصلح يصلحه .
تمتمت بهدوء : طيب .. وخليه يصلح حنفية المطبخ .. معرفش طلعت في إيدي وانا بقفلها .
نظر لها قليلًا ومن ثم أعاد ظهره لظهر المقعد وهو يتمتم : كنت عازب مستريح من الكساوى و المونة .. قام عقلى قال اتجوز .. جت وقعتى فى الشعنونة .
فتحت فمها علامة عدم الفهم ليتابع هو : ده مثل يا حبيبتي .. مثل بينطبق علي اللي انا فيه دلوقتي .
نظرت له في غيظ وهي تتمتم : اه يعني قصدك تقول ان انا مصلحش اني اكون زوجه ؟
نظر لها بجانب عينه متمتمًا : انا مقولتش كده .
تابعت : لا ما تقول .. ياخي بالله عليك لتقول .. هيحصلي حاجه لو مقولتش .. قول بس قول .
علت نبرته قليلًا متمتمًا : ما تبس بقا .. اي .. ماسورة غاز وانفجرت .. افصلي .
تمتمت بحزن : اي ده .. قصدك يعني ان انا رغايه ؟!
زفر بقلة حيله : انتي بتدوري علي اي نكد يا بنتي ؟
نظرت له في قوه : انا نكديه ؟
أغلق عينيه في قوه وترك المكان وهو يضرب كفيه معًا .. ولا إراديًا بدأ في الضحك حتي علا صوته لتشاركه هي الأخري ليصدح صوتهما في المكان بالضحك ..
انتهي الأمر بها جالسه بجانبه فوق الفراش يناظرها بحب ..
تمتمت بخجل : اي .. بتدور علي حاجه ضايعه منك في وشي ؟!
تمتم بهيام : لا .. بس بحب ابصلك .
تابعت في خجل : مش هتزهق مني ومن فشلي ؟
مال برأسه للجانب قليلًا وهو يتابع : عمري .. واحنا مع بعض هنتعلم كل حاجه بأمر الله .
ابتسمت في رضا ليقترب بخفه ويطبع قبله رقيقه فوق وجنتها وهو يتمتم : بحبك .
استفهمت ببراءه : قد ايه ؟
فكر قليلًا : اممم .. قد البحر وسمكاته .
تمتمت رافعه حاجبيها : كلهم كلهم ؟
اماء بضحكه خفيفه وهو يؤكد : كلهم كلهم بدون ما نستثني ولا سمكايه واحده .
ابتسمت بسعاده ليتساءل هو : طب وانتي ؟
تحمحمت وهي تتمتم بخجل : I love you too .
تابع بخفه : قد اي ؟
فكرت قليلًا : اممممم .. قد السما ونجومها .
رفع حاجبيه بإنبهار وهو يتابع : طب اي ؟!
تساءلت ببراءه : اي .. صغيرين ؟
اقترب بخفه متمتمًا : لا ..
ابتعدت قليلًا : طـ طب اي ؟
تساءل ببراءه مصطنعه : اي .. صغيرين ؟
ضحكت بقوه قبل ان تستعد للركض لكنه كان الأسرع وهو يمسك بها متمتمًا : زمن الهروب ولَّي وجبر يا روحي .
~~~~~🌸~~~~~🌸~~~~~🌸~~~~~
اشهد ان لا اله الا الله وانا محمدًا رسول الله ..
منهتش المشهد بكآبه ولا غموض اهووووو .. اشهد يا تاريخ .. اشهد يا زمن .. مفيش كآبه أهووووو 😂😂😂
يلا بقا .. تتخيلوا كده مين الشعنونه والشاطر حسن دول 😁🙊😎
أنت تقرأ
أحببناها مريمية ( ٣ أجزاء )
Tiểu Thuyết Chungإنها نصائح لكل قارئ وقارئة أكثر من كونها رواية متداوله ..
