أحببناها مريمية ( ٣ أجزاء )

قضاء ونصيب(١٩)

قضاء ونصيب ♥️
الجزء الثاني من " أحببناها مـريـمـيـة" ♥️
بقلمـ : دنـيا الشملول ♥️

الحلقه التاسعة عشر ♥️

تحدثت الفتيات مع والداتهن واتفقن على أن يجتمعن يوم الجمعة في منزل مريم .. وحينما علم جود بالأمر قرر أن يجتمع بالرجال في النادي ويتحدث مع وليد في الأمر الذي اتخذ فيه قراره ..

كن يجلسن في الصالة .. أريج ومريم تقرآن إحدى الروايات .. ملك وشهد تُشاهدان " روبانزل " المعروض على شاشة التلفزيون الآن .. وأروى تشاركهما ..

تحدثت أروى بهدوء موجهة حديثها لملك :
- بتقولي يا ملاك الجماعة هييجوا العصر ؟

ملك بابتسامه :
- آه يا طنط إن شاء الله .. بجد سبأ طيبة أوي وعايزة تتغير .. بصراحة كلنا عايزين نتغير .

مريم بانتباه :
- قصدكوا أي بالتغيير ؟

ملك بهدوء :
- يعني سبأ فجأه كده قالتلي تعالوا معايا أشتري لبس جديد عشان مش عايزة ألبس بنطلونات تاني .. ولما بتقابلني ما بتقولش تحية الإسلام بتقول هاي وكده .. فـ أنا قلتلها نتمسك بالحاجات البسيطة اللي في ديننا دي لإنها عظيمه عند ربنا .

مريم بابتسامه :
- انتوا لو اتمسكتوا بالبسيطة دي هتوصلكم للكبيرة والأكبر والأكبر .

ملك بابتسامة :
-  بصراحة ياطنط أنا نفسي أكون زيك .. في لبسك وهدوئك و قوة إيمانك .. نفسي أحفظ القرآن ونفسي أهتم بالسنه .. نفسي أكون محاطه بالهاله اللي بتشدني إني أفضل بصالك وأنا مبسوطة .

مريم بابتسامة خجولة :
- أي يا ملك !!

ضحكت أروى وشهد عليها .. لتتمتم شهد بابتسامه :
- الزمن بيعيد نفسه يا مريم .. سبأ محتاجه اللي ياخد بإيديها وتغير طريقة لبسها وتمشي الطريق بالهداوه زي ما أنا كنت محتاجه ده .. وخدتي بإيدي انتي وأروى .

أروى بابتسامه :
- والله وكبرتوا يا عيال .

ملك بضحكه :
- آه كبرنا أهو ..

قاطعهم صوت طرقات على الباب لتذهب أريج وتفتح الباب بهدوء لتطل سبأ من خلفه وبجانبها والدتها ..
أريج بابتسامه :
- أهلا وسهلا اتفضلوا .

صافحت أريج كل من سبأ ووالدتها .. ودلفن للمنزل ووقفت مريم وأروى وشهد لاستقبالهما ..

مريم بدهشه :
- سـ سالي !!

تجمدت سالي لثوانٍ قبل أن تتمتم :
- مريم !

تقدمت شهد وعانقت سالي بقوه وقد بادلتها سالي ومن ثم أروى ومريم ..

ملك :
- انتوا تعرفوا بعض ولا اي ؟؟

شهد بسرعه :
- طبعا .. إحنا كنا جيران وإحنا صغيرين .. عامله إيه يا سالي ؟

سالي بهدوء وابتسامه :
- كويسه الحمد لله .. معاذ ورقيه عاملين أي ؟.. وهما فين دلوقتي ؟