أحببناها مريمية ( ٣ أجزاء )

قضاء ونصيب(١٢)

قضاء و نصيب ♥
الجزء الثاني من " أحببناها مـريـمـيـة" ♥️
بقلمـ : دنـيا الشملول ♥️

الحلقة الثانية عشر ♥️

ذهب إلى النادي ودلف إلى غرفة مكتب عمه بعدما أذن له بالدلوف .. صافحه مروان وطلب شاي وبسكوت من أجلهما ..
وبدآ يتحدثان قليلًا حتى طُرق باب المكتب ودلف مالك بابتسامة اختفت بمجرد رؤيته لوليد جالسًا مع والده يتضاحكان ..

مروان بابتسامه :
- تعالى يا مالك .. أدخل .

مالك بهدوء ونظره معلق بوليد :
- قطعت عليكم حاجه مهمه .

مروان بابتسامه :
- حاجه مهمه أي ياض .. أقعد أقعد هناكل بسكوت بشاي سوا .. وبعدها نجهز للصلاه .. وكويس أصلا إنك جيت .. عايز آخد رأيكم في حاجه .

نظر مالك تجاه والده بترقب .. منذ متى ورأيه يهم ؟.. أكان ليتصل به كي يأتي ويأخذ رأيه ؟.. يشك في ذلك .. حتى أنه يثق تمام الثقه أنه هو من هاتف وليد وطلب منه المجئ .

أخرجه من أفكاره حديث والده الذي تحدث بهدوء :
- شوفوا يا شباب .. أول حاجه .. بعد أربع أيام النادي هيتم سنه إنشاء .. فعايزين نعمل حفلة صغيرة تكون خاصة بالرجاله هنا .. يعني العمال والمدربين وإحنا .. نعمل يوم أجازه أو حتى نحتفل بليل مثلا ..
اقترحوا عليا أراء بقا للموضوع ده .. عشان ندخل في الموضوع التاني .

وليد بهدوء :
- أي نوع من الحفلات بالظبط ؟

مروان :
- ما أنا لسا مش عارف .. يعني إحنا دي أول مره هنحتفل .. فتفتكروا أي الحفله المناسبه .

مالك :
- عادي الحفلات بتاعة الإنشاء بتبقى فيها مشروبات وزينه .. حاجات عادية يعني .

مروان :
- وأكيد بيبقى في موسيقي طبعا .

مالك :
- أكيد .

وليد بعفوية :
- عندي فكره .. أي رأيكم لو الموضوع ياخد مجرى مختلف .. يعني نعمل عشا بسيط وإن يكن صواني مثلا .. ونعمل تربيزات طويلة .. والسواقع عادي وموضوع الأضواء برضو تمام جدا بس بلاش ميوزيك في الموضوع .. يعني ممكن يبقى جو هادي حلو برضو .. إحنا حتى بنحتفل بمصدر رزق .. فبلاش نشوهه بسيئات .. ونسميها حفلة عشا .. ونجيب فيها هدية مناسبة لكل عامل ولكل مدرب .. وحضرتك وبابا وعمو إسلام تقدموهم .. وتكلموا المدربين وتسألوهم عن المتدربين المميزين عندهم وكل واحد يرشح اتنين أو تلاته .. وأنا ومالك نقدملهم الهدايا دي .

صمت وليد ليرى مالك نظرة الفخر بعيون والده تجاه وليد .. ومن ثم تحدث مروان بابتسامه :
- والله إنت واد ما لكش مثيل .. ربنا يحميك يا بني .. أنا هكلم جود النهارده بعد الصلاه ونهتم فعلا بالموضوع .. ونتفق على العشا .

وليد :
- بلاش يبقى عشا من بره .. خليه عشا بيتي .. والصواني الحريم يقوموا بيها .. هما قدها وقدود .. وكمان الأكل البيتي له لذته الخاصه .