أحببناها مريمية ( ٣ أجزاء )

قضاء ونصيب(الأخيرة)

قضاء ونصيب ♥️
الجزء الثاني من " أحببناها مـريـمـيـة" ♥️
بقلمـ : دنـيا الشملول ♥️

الحلقه الواحد والعشرون ♥️
الأخيييييييييييييييييرة ♥️

دلف للمنزل مع سفيان بصمت تام لتقابله مريم بعينين متسائلتين لكنه هرب بعينيه عنها لتتمتم في محاولة لكتم عبراتها :
- وليد .. وليد أي اللي حصل .. انت ما بتكدبش عليا ولا بتخبي عني .. بابا فين ؟

اقترب سفيان محتضنًا مريم التي تحدثت بخوف :
- عشان خاطري طمنوني طيب .. طمنوني بس والله مش عايزة حاجة .

وليد :
- هو كويس والله صدقيني .. هو بس حصلت معاه مشكله ومحتاج .. محتاج وقت يفضل مع نفسه شويه .

مريم وهي تنفي برفض :
- أنا .. أنا نفسه .. أنا نفسه يا وليد .. المفروض يفضل معايا أنا... أنا يا وليد ..

قاطعهما صوت الباب ليفتح وليد أملًا أن يكون والده لكنها أروى وأريج ..

أروى بهدوء :
- السلام عليكم ورحمة الله وبركاته .

اقتربت من مريم وهي ترى شحوب وجهها وتشاحن الأجواء :
- مريم !!.. مريم في أي ياحبيبتي؟

أعلن هاتف سفيان عن اتصال ليجيب فور أن وجده إسلام :
- السلام عليكم .. ها يا إسلام ؟

إسلام بتنهيده :
- سفيان .. خليك جنب مريم .. وابعتلي أروى وأريج على مستشفى  *** بس ما تتكلمش قدام مريم .. خليهم يجولي من غير ما مريم تحس بحاجه .

سفيان :
- ماشي .. هو كويس يعني ؟

إسلام بعدم فهم :
- هو مين ده ؟

سفيان :
- طب الحمد لله .. ربنا يهدي سره .. ما تقلقش أنا مع مريم وهعرفها حاضر .. يلا مع السلامه .

أغلق مع إسلام الذي فهم بأن سفيان تحدث هكذا ليطمئن مريم ..

مريم بلهفه :
- أي ؟؟

سفيان بتنهيده :
- ياحبيبتي والله ما تقلقيش خالص .. هو بخير بس محتاج يقعد شويه مع نفسه .

مريم وتكاد تفقد عقلها :
- أي الحكاية !!.. هو أي اللي يقعد مع نفسه ؟؟.. انتوا مخبيين عني إيه ؟

سفيان بعصبية :
- في أي يا مريم .. انتي مش هتخافي على جود لوحدك .. جود أخويا وأخو إسلام ومروان وأبو وليد لو ناسيه .. وكلنا قدامك أهو وبنقولك كويس ومحتاج يقعد شويه مع نفسه .. ما تبقيش أنانيه .. أوقات كتير بنحتاج نقعد مع نفسنا نفكر في حاجات كتير .. سيبيله مساحة يا مريم ما تفضليش قافلة عليه بالشكل ده .. هو من حقه ينفرد بنفسه ويعيد ترتيبات حياته مره واتنين .. ادي له مساحه .

انفجرت مريم باكية بين أحضان أروى التي تربت على كتفها بحزن من أجلها وهي تتمتم :
- سفيان عنده حق يا حبيبتي .. يلا يلا أدخلي اتوضي وصلي ركعتين لله .. يلا حبيبتي .