عندما يعشق رجُلاً

#الجزء_الخامس

بترفع نظرها لفوق بتطلع فيه نظرة حقد الكل بيسكت وبيمشي لأنو بيعرفو شو ممكن تعمل فيهم واحد واحد..بس من بين هلاحداث كلها..بتقرب رنيم وقبل لاتوصل لعندها،بتلاقي شخص تاني واقف ومادد ايدو لجوليا لحتى يساعدها(جود)..بس جوليا بتعمل حالا مو منتبهة ألو بتوقف بنفسها،وبتقرب عنضال

بترفعلو اصبعا ☝️وبنظرة غضب بتقلو بنبرة تهديد:وحياتك رح تندم..ورح دفعك تمن غالي ياتافه،،فكرك إذا ضحكت عليي كم شخص رح تسترجع كرامتك يلي مسحتلك ياها بلأرض..

نضال:هه روحي ياحلوة خدي صورة ذكرى لكرامتك..لأنو صار دورك لأمسح فيكي الزفت
بترفع ايدا وبكل قوتها بتوجه كف لنضال بس قبل مايلامس كفها خدو..بيمسكلا ايدها بقوة بيعتصرا وكأنو رح يكسرها..

فوراً ملامح الألم متلكت وجها،،بس في شخص تاني بيمسك ايد نضال وبيشدها بقوة اكبر لدرجة نضال من الألم بيترك ايدها...
بتطلع لتشوف مين...
جود:انت لو عندك ذرة رجولة،مابتعمل يلي عملتو....انت مكانك مو بلجامعات لأنك صغير كتير..
نضال:انتبه عحالك ورجاع عجنب..ماخصك عم تفهم..
جود بعصبية:ذوق عحالك..حركات الولاد وتفركشها بعدين تمسك ايدها بهلطريقة مابتفيد لتسترجع كرامتك..روح دور عليها بطريقة تانية..

بيجي ليردلو نضال بس بتقاطعو جوليا..:ليش مين حضرتك؟مين مفكر حالك لتدافع عني..حلو والله،،ليك سمعني منيح لاعاد تعملي حركات رجولة ومدري شو وتتعرضلي وتقدم مساعدات..أنا بعرف اتعامل مع هيك شكيلات كتير منيح..وبتشوف يانضال

بتقرب رنيم وبتسحبا عجنب
جوليا بتنتر ايدها من رنيم بقوة وبتقلا بعصبية:تركيني انتي التانية..جاية تشفقي عليي صح..روحي من هون وتركيني بحالي
رنيم تدايقت كتير بتتركها وبتمشي،نضال بيترك الجامعة وبيروح..أما جود كانت لسا نظراتو موجهة ع جوليا..شو هلقوة يلي عندا..وكمان مغرورة🙄سكت وكمل طريقو..بس ماكانت تروح من بالو

بعد وقت قصير،جوليا بتطلع من الجامعة وبتقول للشوفير الخاص يروح لأنو حابة تتمشا شوي،بتفكر كتير هيك لحتى تطالع كلشي من مخا..مو جوليا يلي بيعكر مزاجها هيك شخص تافه بس رح تردلو ياها بأقرب فرصة

بتنأز من صوت سيارة،بتلتفت وبتوقف السيارة لينزل منها الشب..مابتطلع علشب بتكمل مشيتها بكل غرور..
جود:لو سمحتي..لو سمحتي ياآنسة..
بتلتفت:تفضل😒
جود:بدي حاكيكي كلمتين..مشان يلي صار بلجامعة..
جوليا:مافي داعي لأنو راحت القصة من بالي..وشغلة تانية لاتفكر أنو ممكن اتشكرك لأنك دافعت عني..انت اصلاً ماكان من حقك تدّخل...

كان سارح فيها بدون ماينطق،طريقتها بلكلام..غرورها..ثقتها الكبيرة بنفسها..
#سارة_العلي💙