#الجزء_السابع_عشر
جود:عيونك..ونظراتهم(بيقرب منها كتير)ريحتك وانفاسك
مصدومة جوليا بس السبب مو كلمات جود..ونظراتو وقربو منها لهلدرجة..مصدومة من نفسها أنها لهلأ اعدة جنبو وماعم تتصرف كعادتها..ولاحتى منعتو يحكي هلكلام
جود:شبك جولي؟؟
جوليا:....
جود:خوفك..والتوتر يلي متملكك هلأ
جوليا كأنو هلكلمة ضربتها عراسها وصحتا..بتبعدو بقوة عنها:انت عم تتغابا؟؟مين سمحلك تحكي معي هيك وتقرب مني بهي الطريقة
جود ببرود:انتي
بتنقهر من جوابو بتفتح الباب بدها تنزل،بيرجع بيسحبا من ايدا:جولي لاتجني وين نازلة
جوليا:ليك جود سماع منيح،انا أنسانة بعمل كلشي بيجي ببالي لمجرد أنو فكرت فيه لازم يتنفذ،وهاد كلو مابيعني أنك تسمح لنفسك وتتعدا حدودك معي وتجبرني لحتى صدق اني خايفة،لو بدك توقف جنبي صح ماكنت ستمتعت وانت شايفني خايفة
جود:جولي شو هلكلام؟معقول مفكرتيني أنا مستمتع بخوفك؟كل القصة أنو أول مرة بشوفك هيك جولي مو عيب بنوب تطالعي يلي جواتك مع الانسان الصح
جوليا:ومين قرر أنك الانسان الصح؟
بينصدم وبيبقا ساكت،جوليا بتكمل:قلتلك مية مرة لاتنغر بحالك،ولاعاد تطلع بوجهي،بتعرف نضال يلي أجا لينتقم مني،وجودو جنبي أهون بكتير من وجودك
بتلتفت لتمشي بعد كم خطوة بتسمع صوتو:ليش؟
شو السبب جولي؟
بتبقا ساكتة وبارمتلو ضهرا وهو بيكمل:لأنك ضعيفة
بتبرم بكل قوتها وصوتها ونبرتها حتى نظرتها كانت قوية بترفع اصبعها بحركة تهديد☝️:أوعك تنطق هلكلمة مرة تانية عم تسمع
بيقرب منها خطوة وتنتين وتلاتة..ببطأ بيرجع بيحكي بهدوء:انتي ضعيفة جداً ياجولي
بتحط ايديها عأدنيها:لك سكوت..ولاحرف وألا مارح تتوقع شو بيطلع مني
جود ببرود اكتر:مارح يطلع شي لأنك بوجودي..قدامي أنا وبس انتي عم تضعفي ياجولي
بينغز قلبها وكأنو في ابرة نغزتو لجوا..بنص قلبها من قوتها لمعت دمعة كتييير بسيطة بعيونها،جود فوراً قدر يلمحا
بيبقا عم يقرب وهية حاطة عينها بعينو بتنظرلو بقوة
جوليا:انت غلطان
جود:حتى وانتي ضعيفة قدامي،رح كون قوتك لشوف هلنظرة
فجأة بيمسكا من أيدا وبيسحبا لجوا حضنو بحركة سريعة،بتخبط بجسمو خبط،بيشد عليها لدرجة كبيرة عشوي رح تختفي بين ايديه كان جسما عم يرتعش ومن كتر مو شادة اعصابها صايرة كأنها قطعة صلبة
مابتقاوم؟جوليا ماقاومت وكأنها كانت ناطرة..بيبقا غامرها بقوة لوقت طويل بدون مايتعبو،بتمر دقيقة وتنتين..بديت ترتخي اعصابها..حس فوراً بهاد الشي
بهلوقت أجاه دافع ينطق هلكلمة...(أنا حبيتك ياجولي)
اختل توازنها لما سمعتو بس مسكها منيح واخدها علسيارة،كملو طريقهم بصمت ماعاد في حكي اكتر من هيك،نزلت من السيارة حتى ماودعتو كانت بدا تبقا آخر كلمة بأدنها..هية كلماتو الأخيرة
ركدت عغرفتها قبل مايشوفا حدا ويطالعها من الحالة يلي عايشتا،بتتسطح بهدء علتخت،مع مشاعر ملخبطة أول مرة بتعيشها
أما هو،كان لسا واقف بسيارتو بنفس المكان راضي جداً عن الخطوة يلي خطاها مبسوط لدرجة ماكان متوقعها..نسي كل كلمة زعجتو فيها،لأنو مقدر الشخصية يلي عم تعيشا جوليا وقبلان تماماً بحجة تقديم تنازلات لاستمرار الحب
أول مابيرجع يتذكر ريحة عطرها..وكيف قدر يلامس جسمها هلمدة هي بيفرح من جوا قلبو وكأنو ملك الدنيا
كان عم يراقب الغرفة يلي شتغل نورها بعد وقت قصير من فوتتها علبيت عرف انها غرفة جوليا بقي مراقبها هيك ليشوف نور غرفتها ختفا يطمن أنها غفيت كأنو عم يأمن عليها من جوات قلبو تمنالها أماني حلوة..غطاها بحب كبير من قلبو لحتى تدفا منيح..ورجع عبيتو
بهاد اليوم..خلقت مشاعر نابعة من طرفين..أول يوم على ولادة هي المشاعر،كانو التنين مبسوطين
مرء يومين وماعم يقدرو يحاكو بعض،بدون أي سبب معين
بس بمكان تاني
ميرا عم تحكي بلتلفون بعصبية:أنت ليش ماعم تفهم عليي أنور أنا ماكنت هيك قاصدة
أنور:لكن شو قصدتي؟وقت تجبريني أجي لعندك أنا تاني يوم الخطبة شو اسمو هاد
ميرا:بشو جبرتك؟لأنو كنت تعبانة انت اجيت برضاتك
أنور بعصبية:لأ،ميرا انا اجيت وماكان فيكي شي وماحكيت كرمال مااحرجك قدام أهلك،بعدين وطي صوتك انتي كيف عم ترفعي صوتك عليي
ميرا كان صوتها عالي لا إرادياً لأنو صارت تبكي ومقهورة كتير:أنور كرمال الله لاعاد تفكر هيك أنا بس خبرتك أني تعبانة من الحفلة وكان صوتي تعبان وانت فكرت الموضوع أكبر من هيك
أنور:ماعم أقدر صدقك ميرا،أنتي عم تحاولي بأي طريقة تستعطفي قلبي تجاهك..بس بدي ياكي تفهمي شغلة وحدة،اذا انتي مفكرتيني رجال بفكر بقلبو بتكوني غلطانة،بحياتو الرجال مافكر بعاطفة..أنا بفكر بعقلي وبس
ميرا عم تبكي بحرقة قلب:لاتحكي هيك أنور بترجاك والله الموضوع مو مستاهل
أنور:انتي شايفتي مو مستاهل لأنو هي البداية وبس..بخاطرك
ميرا:أأ..ألو..أنور
بيكون سكر التلفون،بترمي تلفونا وبتقعد بتكمل بكا
ميرا مع نفسا:ليش هيك عم يصير فيني؟ياربي حبو جوا قلبي عم يزيد بدون مااعرف السبب،معقول في شخص بحب انسان بيبقا هيك معصب عليه وعم يبهدلو😭انا تعبت..كتير تعبت ولسا هي البداية
بالجامعة
رنيم:كيفك جوليا
جوليا:منيحة انتي كيفك
أنت تقرأ
عندما يعشق رجُلاً
Roman d'amour#عندما_يعشق_رَجُلاً #المقدمة أيعقل أن يسمح العشق لي أن أتنازل عن كل مبادئي؟!.. ألهذا الحد كان الغرام يفيض في قلبي؟فبمجرد ظهوركِ فجرتي براكيني... آهٍ يافتاة روحي..ياملكة فؤادي آهٍ كم ينتابني الألم بسبب حبي لكِ الذي قضى على كثير من كبريائي..وجزء كبير...
