عندما يعشق رجُلاً

#الجزء_السادس

""ياترى هي البنت المختلفة يلي كان ناطر شي يوم يلاقيها..معقول قصة حب من نظرة الأولى ماتلاقي غير هلانسان لتصير معو..لأ ومع هيك بنت كمان..""

جوليا:رح تسرح كتير؟؟ليش وقفتني شو بدك مني؟؟
جود:انتي هيك بتبقي عصبية عطول؟
جوليا:وانت هيك بتحكي كتير عطول؟
جود بيقرب عباب السيارة وبيفتحو...:تفضلي فنجان قهوة وبس
جوليا بتفكر شوي بعدا بتقلو:لا جد واثق بحالك كتير..
جود:فوق ماتتصوري..
جوليا:طيب وشو سبب هلعزيمة؟؟
جود:فضول...انتي انسانة اثرتي فضولي..
بتطلع فيه نظرة بتقتلو...
بيكمل جود:جدددداً

جوليا:تمام..روح أرضي فضولك بعيد عني..
بتلتفت لتمشي،بتطلع بخيالها صورة رنيم..وهية عم تتحداها  بخصوص هاد الشب..بتقول لنفسها بهمس:لعما..لك هي فرصتي،بكون غبية إذا بضيعها..أنا بورجيكي يارنيم..

بتبرم عليه،بتلاقي ساند حالو علسيارة وعم يراقهبا..!!بيقرب لعندها وبيمد ايدو:جود..
بتبتسم وبتسلم عليه:جولي..بس اوقات بينادولي جولي
بيتطلع فيها بأعجاب ولسا ماسك ايدا..:اسمك بجنن..اكيد بتعرفي معناه،ولابقلك كتير.."الفتاة يلي شخصيتها قوية وصلبة،وبنفس الوقت الجميلة بشكل كبير"حبيت اسمك كتير،وكتير بيشبهك
جوليا:هههه أول مرة حدا بيتجرأ يشرح اسمي
بيتطلع فيها كيف ضحكت..
جوليا:شبك لعادة بتسرح كتير..
جود:هههه،تمام خلص يلا طلعي خلينا نروح عشي كافيه..

كانت جوليا مابدها تستعجل هلقد لذلك قررت تخبرو أنو فيهن يشربوها تاني يوم بلجامعة..بس لما شافت رنيم بعيد عنهم ولمحتن،تقصدت تطلع معو..
جوليا:أوك يلا بس مافيني اتأخر..

المكان.."الكافيه"

جوليا:اذا خبرتك مارح تصدق ورح تفكرني عم قول هيك كرمال الفت انتباهك...
جود:أوك قولي رح أعرف من عيونك اذا صادقة أو لا..
جوليا:المهم..أنا أول مرة بقبل اطلع مع شب،ولو انت بلجامعة رح تعرف بهاد الشي..وشغلة تانية أنا مابكذب لأنو مو مضطرة ومابخاف من شي
جود:حبيت صراحتك..ومبسوط كتير أنو عطيتيني شرف كأول شب بيقعد قبال عيونك وبيتطلع بسحرهن..
جوليا:اعتبرها مجاملة
جود:أبداً.. ليكي أنا كمان انسان صادق ومابحب كذب وجامل..عمري ٢٥ سنة وماتقربت من بنت زيادة عن اللزوم لأنو مالقيت بنت مميزة عن التانية
جوليا:وانت ناطر تلاقي شي مميز،مكل البنات صارو يشبهو بعضن..
جود:بس لقيتك...
جوليا بضحكتها المميزة يلي كلها كبرياء:ههههه طبعاً،ومستحيل تقارن بيني وبين اي بنت..
جود ماتوقع غرورها واصل لهون بس حاول يتغاضى عن الموضوع..طلبو القهوة وشربوها...

جوليا:طيب انت قابلتني لوقت كتير قصير..مو معقول تكون لاقيت شي مميز فيني