#الجزء_الخامس_عشر
نضال:خلفتي الهدنة يلي بيناتنا
جوليا:لك حل عني ياه مو ناقصتك
بدها تمشي بيرجع بيسحبا وبيخبطا علحيط:سمعي منيح لاتفكري تقدري تبعدي عني،أو تتقربي من أي شخص تاني..حتى جود مارح يفيدك
(كان مقرب كتير وعيونو قريبة من عيونها وانفاسهم ختلطت..جوليا القوية كان فيها بكل بساطة تخبطة كف أو اي حركة تبعدو عنها..بس هية كانت تحت تأثير تخدير معين وماحدا حاسس فيها،كانت لسا تحت تأثير عطر جود وأنفاسو)
بيحاصرا بقوة اكتر:انتي رح تكوني ألي..ورح اكسر غرورك وكبريائك
فجأة في ايد بتنخبط عكتافو وبتسحبو لورا وبيبقا ساحبو ليطلعو من القاعة وجوليا عم تراقب فقط،شوي وبتلحقهم
كانو نضال وجود وجوهم غضب مقابلة لبعضا
جود بنبرة تهديد:سماع ولاك أنا سكتلك كتير،بس هاد مابيعني أنو تاركك بحالك انت ماعدت ستحيت
بيخبطو ضربة قوية عوجهو،نضال بيفقد توازنو بيوقع علأرض وبنفس الوقت بتأعد جوليا علأرض وبتحط ايدها عتمها،بيرجع نضال بيوقف ببطأ
نضال:هه انت مابتعرف حالك عن مين عم تدافع،لذلك ماتلومني لأنك انت يلي بديت
بيهجم عليه نضال وبيوجهلو ضربة ومابيقدر جود يتفاداها..بينحني عجنب،بنفس الوقت بيلمح جوليا بحالتها للغريبة
بيستعيد جود قوتو بيرجع بيضربو،
نضال بنبرة استفزاز:هي البنت يلي دمرتني،رح تدمرك كمان،هي وحدة بلاقلب وبلا ضمير،وسخة وانا رح اخد بتاري منها ومارح تقدر تمنعني
بيركد لعندو جود بيضربو ضربة قوية بيرقعو علأرض ساكن تماماً،وبيبقا نضال بلا حركة بنوب
بتوقف جوليا بزعر..بتقرب منهم وهية جامدة بنضال..
جوليا بصوت مهزوز:ج..جوود نضال ماعم يتحرك،،ليكون مات..
جود:لا مامات،،شبك انتي ليش هيك عم ترجفي؟؟
جوليا لسا سارحة بنضال..بيقرب جود وبينحني لعند نضال وبيبعدو بأيدو بيتأوه نضال
بتستعيد أنفاسها جوليا تأكدت أنو عايش..بس كان مستسلم ومتسطح بلأرض مو اكتر
بتبرم لعند جود،بتلاقي جبينو وجنب تمو في دم
جوليا بخوف:جود ليك انت عم تنزف
جود بعدم اهتمام:مو مهم،بسيطة
بتطلع جوليا بلأرض بحزن..بتلاقي جود طالع تلفونو وبدو يحكي مع حدا
جود:ألو،أي أنور منيح سمعت موبايلك..أي شو بدي قلك،أخي بعتذر اجتني شغلة مهمة ولازم امشي..سامحني ماقدرت ابقا للآخر...هههه تمام الله يهنيكم سلام
جوليا لسا عم تطلع بنضال..جود بيقلا:بحياتي ماتوقعت شوف الخوف بعيونك شي يوم
وقت ذكر هلكلمات في شي صار جواتها،تركتو ومشت
جود:جوليا..فوتي جيبي غراضك وتعي ناطرك
بتبرم بتطلع بعيونو بتحدي
جود:عم قول ناطرك إذا مابتطلعي معي رح فوت اخدك من ايدك وانا بهلمنظر
#سارة_العلي💙
أنت تقرأ
عندما يعشق رجُلاً
Romance#عندما_يعشق_رَجُلاً #المقدمة أيعقل أن يسمح العشق لي أن أتنازل عن كل مبادئي؟!.. ألهذا الحد كان الغرام يفيض في قلبي؟فبمجرد ظهوركِ فجرتي براكيني... آهٍ يافتاة روحي..ياملكة فؤادي آهٍ كم ينتابني الألم بسبب حبي لكِ الذي قضى على كثير من كبريائي..وجزء كبير...
