عندما يعشق رجُلاً

#الجزء_الثامن_عشر

رنيم:أووه اي شو هلصباح الحلو وهلبسمة الحلوة،شو صاير بلدنيا انا بحلم ولا بعلم
جوليا بتكشر:انتي مُصرة تنرفزيني
رنيم:لا لا بعتذر ارجوكي رجعي ابتسمي،انا ماصدقت شوفك هيك..بس يعني بدي اعرف السبب
جوليا:تمام
بيوصلها مسج
جود(صباح الخير،بعدك مصدومة؟بدي شوفك ضروري كتير،وإلا الاسرار يلي بيناتنا رح تنفضح)

بتفتح عيونها وبتهمس:لعما هاد شبو؟شو قصدو
رنيم:شو قلتي؟ماسمعت
جوليا:أنا رايحة،سلام
رنيم:لك لوين
جوليا:بااي بعدين بحكيلك

جود بكون لسا ماسك موبايلو ومبتسم بيرن التلفون
جود:ألو
جوليا:ألو وينك جود
جود:بلكافيه نفسها يلا ناطرك
جوليا:لا ماحزرت،مافيني شوفك بلكافيه
جود:لكن وين حابة تشوفيني
جوليا:أنا جاية عباب الكافيه فوراً بتاخدني ومنمشي بس لاقي مكان مناسب منوقف
جود:أوك

بيفرح كتير لما نرفزها هيك،من صوتها باين اديش معصبة ورفضت تكون بلكافيه مشان تقدر تعصب عكيفها🤣
بتجي جوليا بيقرب لعندا
جود:كيفك جولي
جوليا بهمس:لك انت شو قصدك بهلكلام يلي بعتو..خلينا نمشي ماعاد اقدر امسك حالي

بتتوجه عباب السيارة وهو عم يضحك عليها،بياخدا وبيمشو بيروحو عمكان اطلالتو حلوة بلشارع وبنفس الوقت مافي حدا

بينزلو فوراً بتبلش تحكي بعصبية:لك انت شو مفكر حالك عم تعمل؟وشو قصدك أنك رح تفضح اسراري،ليك جود لهون وبس أنا ماعدت فهمانتك
بيبتسم بخبث وبيقرب منها:أي هيك أنا بدي جننك،ومارح تقبلي تشوفيني إلا اذا ستفزيتك
جوليا:شو
جود:متل ماسمعتي..شيلينا من هلسيرة،جولي...أنا شتقتلك
بتفتح عيونها بصدمة وهو بيضحك عشكلا

جود:لك يابنت بهيك لحظة رومنسية ياأما بتنزلي عيونك عأساس خجلتي،أو بيورّد وجهك وبتقولي أنا كمان
جوليا:وحدا قلك أني بنت رومنسية يعني؟ليك جود أنا مارح اسكتلك بنوب عهلعملة
جود بيقرب اكتر:وشو ممكن تعملي احكي؟
جوليا بتبلش حكي وماعاد تسكت:ليك انت غلطت كتير وقت قلتلي بحبك لأنو أنا انسانة مابعرف حب ولابعرف كون رومنسية وكل مارح تحاول تفوتني بهيك جو رح اصدمك بطريقتي،وشغلة تانية أوعك ترجع تفكر أنك تستفزني،انت لسا ماشفت مني شي وربي بعمل فيك يلي مانعمل وبح...

فجأة بيختفي صوتها،وقت بيفاجأها بحركة سريعة وبيقرب منها..وبيسكتها بطريقتو😘😉

ثواني قصيرة بتمرء،بتبعدو عنها بكل قوتها ومع هيك مابتقدر تبعد غير مسافة صغيرة
جوليا وبصدمة بحياتا مانصدمتا بتقول بحروف مقطعة:لك..لك أنت..انت مجنون،ك..ككيف هيك...كيف هيك بتعمل

بيضحك عشكلا وبيقلا:لك انتي كيف رح اقدر سكتك؟جربت كل الحيل معك حتى هي ماظبطت وباقي شغلة وحيدة

بيرجع بيقرب منها بس بتكون اسرع منو وبتهرب
جود بيضحك بصوت عالي:هههههه لك يامجنونة رجعي
بيصير يركد وراها علرصيف وبيقدر يمسكا ببساطة،بيصيرو عيونن مقابل لبعض تمام وهية أول مرة بحياتا بتحس بهلخجل
جوليا:ج..جود تركني..بليز
بيرفع حواجبو لفوق أنو لأ
جوليا:تركني خلص أنا...
جود:انتي شو؟؟أنا مارح اتركك لتقوليها
جوليا:شو بدك قول
جود:يلي هلأ عم تحسي جواتك،وإلا رح ارجع..
وقبل مايكمل:لا لا خلص بحكي
جود بيتطلع فيها وعيونو كلها حب،ناطرا
جوليا:بتوعدني تتركني روح بعدا
جود:أي بوعدك
جوليا بتقرب من ادنو كتير وبتهمس:بحبك جود

بترجع بتبعد..وهو بيسلطن وكأنو اخدلو شي حبة🤣😧
هية بتضحك عشكلو:لك شبك؟جود
وهو مابيرد عليها انفاسها وصوتها سحرو،بتكمل:أي طيب..اذا مارح ترد انا ماشية

بتلتفت لتمشي بيسحبا من خصرها وبيرجع بيوقفا قدامو،وبيحاوط خصرها بأيديه
جود:ويين بدك تمشي،تأخرتي ياآنسة..ماعاد في هروب

فجأة بيصيح متوجع وبينحني وهو ماسك بطنو،وجوليا عم تخبي ضحكتها..ضربتو الهبلة عمعدتو

جوليا:هه بتستاهل،انت وعدتني تتركني
جود:لك لك وجعتيني
جوليا:أي الله يشفيك..سلام
جود:ستني،جولي؟؟

##بعد مرور سنة##

واقفة ميرا قدام أنور وبنظرة قوية
ميرا:لكن منترك
أنور بضحكة استهزاء:توقعتا منك،ومن زمان..الله ستر أنو ماتزوجنا
ميرا:بلله؟لك انت كل مالك عم تزيد عناد وجبروت وقسوة،شبك لك أنور
أنور:سمعي ميرا؛انا بسكتلك كتير لذلك لهون وبس مابسمحلك تقولي عني هلحكي
ميرا:ليش؟عندك مشاعر وبتحس
أنور بيسحبا من ايدا لعندو بيحكي وشادد عسنانو:ميرا اوعك تغلطي لأنو ساعتا مارح اقدر امسك حالي
ميرا بتنزل دمعة من عينها بلغلط:تركني..عم توجعني
أنور:ولسا بدي وجعك كمان،أنا قلتلك هاد الشي من قبل وانتي قبلتي مشان هيك لازم تتحملي
ميرا بعصبية:معناها انت قصداً عم تقسا علي لحتى اتراجع عن قراري وانا يلي اطلب انو نترك صح؟
أنور بيصرخ:لك سكتي،حاج ترفعي صوتك ميرا أنا الرجال هون وانتي مرا عم تفهمي
ميرا بصوت عالي اكتر:لاماعم أفهم..ولا رح افهم صرعتني بهلجملة روح فهما ياها للي خلتك تكون هيك
أنور:شو؟انتي عن مين عم تحكي
ميرا:انت لازمك طبيب نفسي،لتتعالج من مرضك الذكوري هاد،وابقا خود معك أمك..يلي خلتك تفكر كل النسوان عاملين نفسهن رجال

صوت الكف،كان قادر يخترق كلشي،واول شي خترقو قلبها الضعيف

#سارة_العلي💙