عندما يعشق رجُلاً

#الجزء_الثالث_عشر

بينزلو سوا وبيبدو برقصة بسيطة وبيقعدو..بيقرب جود وبيباركلهم..بيمزح شوي مع أنور..وبتقرب رنيم كمان لتبارك لميرا
وبس تلتفت رنيم بيصير وجها مباشرة عباب القاعة،وجنبها واقف جود بس عكسها يعني ضهرو لباب القاعة لأنو لسا كان عم يحكي مع أنور..ومن بين كل كلماتو والضجة يلي حوليه،بيسمع صوت رنيم بنبرة استغراب..:جوليا؟؟!!

بيلتفت فوراً ليتطلع علمكان يلي موجهة رنيم نظراتها عليه،صابتو رعشة هزت كيانو..
كان شي غريب..مو بشر،عم تتحرك بكل كبرياء وغرور وبتمشي بخطوات كتير بطيئة،بترفع ايدها وبتبعد خصل شعراتها لورا..ونظراتو كانت عم تتفحصها بأدق التفاصيل فيها..من فوووق لتحت..
(تخيلو المشهد وهو عم ينعرض بلبطيئ مع موسيقا هادية رومنسية😍)

سحرو جمالها..فستهانها كلشي فيها،بس واخيراً في شي خلاه يرجع لوعيو..صوت أنور وهو عم يناديلو..بيلتفت عصديقو ورنيم بتسرع خطواتها لعند جوليا..

رنيم:لك يابنت شو هاد..بتجنننني بتشلي،لك أنا بنت وجدبتنيني بجمالك،ليكي كيف الكل عم يتطلع فيكي
جوليا بجدية:رنيم فيكي تركزي شوي وتخففي صوتك،لك عيب تحكي بهي الطريقة اتقلي شوي..امشي خلينا نأعد بشي مكان..

بيقعدو تنيناتهن،ومن بعدا بتبلش نظرات جوليا بحملة التفتيش ع جود..أما هو حاول ماعاد يتطلع فيها بنوب،،لأنو بعد ماوعي من يلي كان صاير فيه وقت شافا،تذكر آخر موقف بيناتهم وقرر يبعد عنها طول فترة الحفلة..

بتبقا جوليا هيك لتشوفو..وماقدرت تنكر لنفسا انعجابا فيه،كانت بلويل عم تقدر تتماسك لحتى ماتقوم لعندو وتسلم عليه..
رنيم:شبك سارحة..مابدك تباركي لميرا..
جوليا:بدك أنا قوم لعندا وسلم عليها؟؟
رنيم:لكن انشالله عم تنتظري هية تجي تسلم..
جوليا:لك لاا..ليكي اذا صدفتا ونحن واقفين بسلم..
رنيم بتوقف وبتسحبا من ايدا:طيب تعالي ليكيها قامت ترقص مع صاحباتا تعي منرقص بعدا بتباركيلا..

بتمشي معاها وبلفعل بتقرب وبتسلم عليها..
جوليا:مبروك ميرا
ميرا بدون رضا:الله يبارك فيكي،عقبال يلي بتتمنيه
جوليا ببرود:شكراً
بتلتفت لتكمل رقص بس فجأة بتضرب عينها بعين جود..ماقدرت تتماسك،هو فوراً غير اتجاه نظراتو بس هية ماقدرت،وكأنو نظرتو عطتها دافع لتقرب منو..

جوليا:كيفك ..جود
جود:تمام بخير..
بيسكت وبيبقا واقف قدامها بيتطلع بمكان تاني..بيرجع بيكمل:كيفك انتي؟؟
جوليا:تمام..منيحة
فجأة بتجي رنيم:شباب يلا تعالو نرقص وربي بتجنن هلغنية..
جوليا:لك بلا جنان شبك رنيم
جود:رقصو انتو صبايا،أنا بلأذن بدي شوف اصحابي..

بيتركها والنار عم تاكل فيها،بلأخص وقت شافت بنت بتقرب عليه بتكون قريبة منو كتير
بترجع عكرسيها بس خلصت الغنية..وبتبدا موسيقا هادية جداً..
وفجأة بيظهر شب قدامها،بينحني شوي وبيمد ايدوا قدامها..
...:بتسمحيلي بهلرقصة يابرنسس

بتطلع فيه نظرة غرور وتكبر:هه..من كل عقلك جاية تطلب مني ارقص معك،كتير متوقع أقبل يعني..

مجهول:عتبريها تعهد لأنو ماعاد اتعرضلك،ونفتح صفحة جديدة
جوليا:روح لعاب لعبك بعيد عني..
مجهول:خايفة؟؟
جوليا:أنا بدي خاف منك؟؟
مجهول:عم قلك صفحة جديدة،لذلك لاعاد تغلطي،وبما أنو مابتخافي مني لازم تقبلي وترقصي معي،يلا ايدي وجعتني وانا ماددها ألك..لاتخجليني.
وبحركة سريعة بيسحبها