عندما يعشق رجُلاً

#الجزء_الثالث

بس ووييين رنيم بعالم تاني..تدايقت جوليا لأنو تجاهلتا رنيم..بس بصير الشب عجنبهن لذلك بتخطف نظرة عليه..شب مختلف تماماً...مستحيل يكون هاد من الجامعة،بحياتا ماشافت هيك..يابتشوف الصايع الضايع،يأما يلي آكل كومة بهادل من أمو..تبع يلي بسكرو القميص كلو لآخر زر😐

نظرتو الثابتة يلي مختلطة بين البرود والقوة خلتها تحس بشي غريب بحياتها ماحستو بقيت تلحقو بنظراتها هية ورنيم لحتى وقف عند وحدة معينة..اوف ماعرف يوقف غير عند هي😓

عند ميرا..
جود:صباح الخير..كيفك ميرا
ميرا:اهلين جود،تمام انت كيفك
جود:بخير..

بعد صمت دام دقيقتين
ميرا:بلاقيك ساكت وبتمك حكي..قلي شو جابك علجامعة؟
جود:هههه كاشفتيني..بس بصراحة أنا حابب نحكي بمكان تاني
ميرا:ممم..بسس جود انا مابقدر لأنو..بخاف انفهم غلط بتعرف علاقتي بأنور
جود:اي صح..طيب اذا بسببلك مشكلة فينا نحكي هون
ميرا:طيب تمام تعال نشرب شي ونحكي..

بلطرف التاني

رنيم:لك هي مو كانت مع الشب يلي اسمو أنور؟؟
جوليا:ايي شبك ليش شو عمل الزلمة حتى تفهمي يلي فهمتيه؟؟
رنيم:لك هي متلك بحياتا ماقبلت توقف مع شب إلا يلي اسمو أنور،
جوليا:شو قصدك متلي ؟؟
رنيم:مابدنا نكذب عبعضنا،انتي مابتقبلي توقفي مع أي شب لأنو..
جوليا:مو من مستواي،،بدك اضحك عحالي وصغر نفسي كرمال هيك تافهين
رنيم بتطلع نظرة خيبة أمل..هي هية جوليا ومارح تتغير

منرجع عند جود وميرا..

كان آعد ونازل فيها اسئلة..
ميرا:جود بعتذر مابدي قاطعك بس ليك وقتي قصير لازم تفوت بلموضوع..
جود:بعتذر لأنو عم اخد من وقتك بس بصراحة..أنا عم فكر ارتبط وكنت بس بدي افهم كيف بفكرو البنات
ميرا:اها..اذا هيك ربي يوفقك ويخترلك الخير..بس لاحكيلك شي البنات مو كلن متل بعض،يعني مو كلياتنا منفكر بطريقة وحدة
حس باحراج ويمكن ميرا كشفت كذبتو كمان..

ودعها ومشي،اتصل فوراً بأنور..
أنور:ههههه لك ميرا بنت ذكية كتير اكيد عرفت انك عم تكذب
جود:مو مهم،المهم انتو مالازم تتركو بعض،ميرا بتحبك كتير ولما يكون بدك شي هية مارح تتمسك برأيها اذا قدرت تقنعها بوجهة نظرك..
أنور:المعنى؟؟
جود:المعنى انو لازم تستمرو،وحبكم الكبير مالازم ينتهي بسبب افكارك الغريبة..

وبدون ماينتبه بتخبط فيه بنت وبيرتمو كتبها بلأرض🤷🏻‍♀️