عندما يعشق رجُلاً

#الجزء_الأول

شبين بعمر ال 25 اعدين بكافيه وعم يتناقشو..من اشكالهم واضح النضوج..من طريقة لبسهم المختلف عن "الموضة"المنتشرة بين شباب جيلهم..

جود..شب طويل وشعرو اسود مرتب ولحيتو مرتبة جداً ومو طويلة بنوب..عيونو كبار عسلية..مهمة اناقتو بلنسبة ألو لكن بحدود...

جود باستغراب:كيف يعني؟شو هللغز هاد
أنور:مو لغز ولا شي..كل القصة أنو هي فكرة عندي وماشي عليها
جود:بعتذر منك بس لأول مرة من صداقتنا الطويلة بخالفك الرأي..
أنور:ولا يهمك،أصلاً هلفكرة مو من زمان طالعة بمخي،بس انت بتعرف اديش كرامتي غالية عليي..لذلك لازم مانستمر

جود عم يتفاجأ بكلامو اكتر:عنجد مو قادر استوعب،،معقول لأنك بتحبها كتير رح تتركو..لك مو بس بتحبها انت بتعشقها
أنور:ياصاحبي الانثى عندا اطباع وبلأخص (ميرا)حبيبتي..عندها كتير اشياء يمكن بلمستقبل مااقدر نفذهم..وبنفس الوقت حبي الها بيمنعني ارفضلها طلب
جود:بتقوم بتتركها؟؟
أنور:اي..بتركها..هية رح تهين رجولتي لانها انثى قوية وبتحب الحرية وانا مارح اقدر اعطيها هلشي كلو

بيسكت جود وبيسرح...
أنور:هلقد شايف القصة معقدة؟؟
جود:بصراحة عم فكر..معقول حب قوي متل حبكم ينتهي بسبب خوفك عكرامتك
أنور:وقوتها كمان...هية شخصيتا كتير قوية..يعني برجع بقلك لاهية رح تخليني ارفضلا شي ولا انا رح اقدر ارفض..شوفت عينك من عشقي الها وبدون زواج اديش تنازلت عن قصص

جود:بس الحب لازمو تضحية وتنازلات..
أنور:إلا الكرامة..
سكتوا هني التنين..تقريباً أول مرة بيختلفوا بآرائهم وبعد ماحكا كل طرف وجهة نظرو..ماقدرو يوصلو لبعض

بمكان تاني..

رنيم:ههههه من كل عقلك عم تحكي..
جوليا:اي لكن من نصو..
رنيم:طيب وأهلك شو بدك تقوليلهم
جوليا:عادي..انتي بتعرفي اهلي مابيرفضولي طلب
رنيم:بس مو عارضة ازياء..
جوليا:ليش شبها عارضة الازياء؟بعدين أنا عندي كل الميزات يلي بيحتاجها هيك شغل
رنيم:لاا انتي اكيد صار لعقلك شي

بتبتسم جوليا وبتسرح بمكان..بتتخيل شكلا كيف رح يكون وهية ماشية وعم تعرض والناس كلها عم تصورها

منحكي شوي ع جوليا..عمرها 21 بنت طويلة ونحيفة كتير،شعرها اشقر لأنها ملونتو وعيونها خضر بشرتها حنطية...وكتير بتعتني ببشرتها وجمالها يعني عندا هوس بنفسا..وبجمالا واصل لحد الغرور

بتصحا كل يوم..بروتين بتبدا فيه من العناية بشكلها لحد العناية بصحتها وغذائها