عندما يعشق رجُلاً

#الجزء_الثالث_والعشرون

من أول الكلام حست مين صاحب هلورد،أنور
تركت الورد بمكانو وفاتت علبيت وصارت تبكي عحالها،وعلرجفة يلي حستها بنبضات قلبها أول ماشمت ريحتو بلورد

مرّ الزمن والشهور ومافي تحسن بوضع جوليا

أم الجود:الحل بين ايديك،بس انت مُصر أنك تحرم نفسك
جود:شو قصدك؟
أم جود:تتزوج عليها
جود:أمي انتي شو عم تحكي
بيسمع صوت خطوات جوليا وهية عم تركد،واضح سمعتهم وهربت عغرفتا

بيتطلع بأمو بقهر،وبيروح لعندا

بيقرب لعندا بتكون متكومة عنفسا وعم تبكي
جود:جولي انتي ليش صايرة ضعيفة هلقد،ليش عم تتقبلي كل الانكسارات وماعم تقاومي
جوليا من بين دموعها:جود،هاد حقك وانت فيك تتزوج،بس أنا بهاد الوقت مابقدر كون معك
جود:كيف يعني
جوليا:يعني انت تزوج وانا بتطلق منك
جود:معقول لهلأ مابتعرفي قيمتك عندي
جوليا: امبلا بعرف،بس انا تعبت وخايفة بيوم انت كمان تتعب وتعملا

بيشد عليها بلضمة وبيقلا:مستحيل،حبك بقلبي بيعطيني القوة لحتى واجه كلشي،وانا رح لاقي الحل
جوليا:شو الحل
جود:رح ننتقل عبيت ونعيش وحدنا
تفاجأت جوليا من قرارو وفرحت كتير

وبعد وقت قصير  جود بظبط بيت منيح وبيترك بيت أهلو،وأمو بيزيد كرها لجوليا اكتر

أما أنور،كل مايلاقي رفض من ميرا يزيد اصرارو وعنادو وحاول بكل الطرق،بلنهاية شافتو هو ذاتو قدام بيتها

ميرا:خير،شو في؟
أنور:في أنك تعبتيني وانا عم اركد وراكي
ميرا:ومين طلب منك هاد الشي؟
أنور:حبي ألك
ميرا:الحب انت قتلتو بايدك هداك اليوم
أنور:مابصدقك،ومتل ماأنا عشقانك وماعم اقدر انساكي انتي كمان هيك
ميرا:امشي أنور
أنور:كيف؟
ميرا:روح ولا عاد ترجع
أنور:ميرا كوني متأكدة إذا هلمرة مشيت ماعاد ارجع
ميرا:وانا مارح انتظرك

بتسكر الباب وبتحس بروحها رح تطلع،بتحط ايدا عقلبا وبتقعد بتبكي بلأرض
وأنور لسا واقف ورا الباب،مصدوم ماتوقع تردو بهلطريقة،معقول هلقد كبريائها مجروح بسببو لحتى اصرت تجرح رجوليتو يلي بتعرف اديش غالية عليه

أما عند جود وجوليا كلشي تحسن بعلاقتهم،وجوليا صارت تتعالج بإرادة كبيرة وحبهم رجع استقر وجود رجعها لأيام عروسيتهم والحب والرومنسية ملو البيت

وبعد كم شهر،تعرضت جوليا لاغماء مستمر وبعد قلق كبير من طرف جود عليها اخدها واتوجه لعند الدكتور يلي خبرهم احلى خبر بيسمعو بحياتهم

الدكتور:مبروك،المدام حامل

جود حس بقلبو رح يوقف من الفرحة بيضحك ضحكة قوية وعيونو بيلمعو،بيلتفت عجوليا كانت جامدة تماماً بس أول ماتشوف نظرتو بتعطي ابتسامة خفيفة،توقع جود ردة فعلها على أنها تحت تأثير صدمة كبيرة
بيقرب منها وبيضما لقلبو وبيهمسلا:وأخيراً جولي،وأخيراً الله رح يطعمني ولد أو بنت،قطعة منك ومني طفل يكون ثمرة حبنا الكبير