عندما يعشق رجُلاً

#الجزء_الواحد_والعشرون

بيخطب أنور بلفعل بدون حفلة لأنو صارت بين العيلتين فقط

وبيوم بتروح جوليا لتاخد الموافقة،بس بتنصدم صدمة عمرها وقت تعرف أنها رتفضت لاسباب معينة،ماعاد شافت بعيونها بهدلت وصرخت عكل الموجودين وتركت المكان ومشيت

مرت أيام عهلقصة وهون بلشت جوليا تحس بلمصيبة يلي عملتا،عرفت أنها بدها ترجع لجود وشتاقتلو كتير ومافي حدا غيرو رح يقدر يوقف معها لأنو كانت منهارة فعلاً،الرفض يلي اجاها كسرلا من نفسا كانت متوقعة أنها افضل بنت ممكن يشوفوها اللجنة ولهيك بقيت حبيسة غرفتها فترة معينة

بشركة جود
رنيم:بعرف أنك مو حابب تشوفني،بس أنا لازم شوفك واحكيلك
جود:سمعي منيح يارنيم،إذا جاية لتحكي شي بخصوص جوليا أنا بنصحك لاتعذبي حالك،أنا مابنكر أنو لهلأ عايشة جواتي بس بنفس الوقت أنا قوي كفاية لحتى اقدر كمل من دون انسانة رمتني كرمال موضوع تافه
رنيم:بس جوليا بلفعل انكسرت مانقبلت لتكون عارضة أزياء،المفروض تتوقع كيف حالتها هلأ
جود:كيف ماكانت مارح تكون اسوء من حالتي يلي عشتها وعم عيشا
رنيم:معك حق،ومع كل هاد متأكدة أنك لسا بتحبها بقوة،متل مالي متأكدة أنو هية كمان حست بغلطها وعرفت قيمتك بلنسبة ألها،بترجاك جود كرمال المحبة يلي كانت بينكم..روح وشوفا

بتتركو متخبط بأفكارو وبتروح عند جوليا

بعدا محاولات كتيرة من طرف رنيم لحتى تاخد جوليا مشوار

جوليا:لك انتي مابتملي،عم قلك مابدي اطلع
رنيم:وانا رح طالعك غصب،يلا قومي البسي

بتسحبها رنيم وبتبقا عليها ليروحو سوا ع شي مول،وبعد ساعة رنيم بتلمح ميرا وبتنبها لجوليا
جوليا:بتعرفي رنيم،حاسة حالي بدي حاكيا
رنيم:معقول مابصدق
جوليا:انتي روحي كملي وبس خلص بتصل عليكي

بتقرب جوليا ع ميرا:كيفك ميرا
ميرا بتتفاجأ ثواني بتستعيد ثباتها وبترد عليها:اهلين جوليا،تمام كيفك انتي
ميرا:بخير
جوليا:شو رأيك نأعد سوا نشرب شي
ميرا:أوك يلا

بيفوتو علكافيه يلي بلمول

وبعد احاديث متنوعة وقصيرة
جوليا:سمعتي أنو تركنا أنا وجود؟
ميرا:أي بتوصلني بعض الاخبار من اصحابي،تدايقت كتير كرمالكم
جوليا:شكراً حبيبتي بس شو نعمل هيك قدرنا
ميرا:معك حق،القدر ألو تأثير كبير بحياتنا بس كمان الانسان هو شخصو يلي بيتحكم بلأمور اغلب الوقت
جوليا:كلامك صحيح

مر وقت وهنن عم يحكو ومابيعرفو السبب ومصدومين لأنو بحياتهم ماتوقعو يقعدو هيك
بياخدو أرقام بعض وبترجع جوليا عبيتها

تاني يوم ببيت جوليا
أماني:جولي حبيبتي في شخص بدو يشوفك
جوليا محتارة مين يلي اجا لعندها؟؟