عندما يعشق رجُلاً

#الجزء_التاسع

جوليا بعصبية:حلي عني رنيم ماني ناقصتك..لك عنجد هدول كلهن نفس الطينة..الحق علي رحت معو،لك تضربي انتي وهلتحدي يلي وقعتيني فيه..

بيتفاجأو هني التنتين لما جود بيتطلع فيهن محل مو آعد..بينزلو عيونهن بلأرض وبيتلبكو..
جود بيودع ميرا لأنها رح تروح عمحاضرتا،وبيقرب لعند الصبايا

جود:كيفكن صبايا..
رنيم:يااهلا..أنا رنيم(بتمد ايدو لتصافحو)
جود:هلا..وانا جود
جوليا بتطلع بجنب عينها بعصبية وبتعمل حالها مو شايفتن..(مو معقول تكون غيرة،لأنو لسا مافي مشاعر لنسميها هيك..هي كانت مجرد حب التملك..مثلاً ممكن اذا شي صبية من الجامعة اجت واخدتلا رنيم،تحس نفس الشعور)

جود:جولي انتي فيكي شي،ليش ماعم تردي؟
جوليا:أي اهلين جود..كنت سارحة بشغلة مانتبهت..
جود:تمام..فينا نحكي
رنيم:تمام انا بلأذن بدي فوت عمحاضرتي..
جوليا:رنيم جاية معك
جود:لا جولي،بدي حاكيكي كلمتين
بتمشي رنيم وبيبقو سوا
جوليا:تفضل شو بدك؟
جود:انتي متدايقة مني شي؟؟
جوليا:لا بنوب..ليش لاتدايق
جود:كانت نظراتك من بعيد غريبة حسيتكن كنتو بتحكو علي،بعدين اول ماجيت..
وقبل مايكمل جوليا بتقلو:شوي شوي عحالك..لهلدرجة معتبر حالك مهم يعني؟ولا اذا طلعت معك مرة بيكون ألك حق تجي وتحقق معي..إذا هلشي بينطبق ع ميرا أو غيرا..لاتفكر أنو بيتطبق معي قلتلك أنا غير الكل

جود هلمرة بيتدايق منها بلفعل،ماكان متوقع قسوتها بلرد لهلدرجة..
جود:اي صح معك حق..بلأذن
جوليا:أي اذنك معك..(بتهمس لنفسا)لعما مفكرني لعبة بيخلص من ميرا بيجي لعندي..

جود بيكون متوجه علسيارة وهو كتير معصب..:هي انسانة مو طبيعية..ومو شايفة بشر بعيونها بس بدا تغلط وترضي نفسا..أوعك ياجود أوعك..انت صار لازمك أعدة مع أنور ليوعيك شوي..
بس بطريقو للسيارة،بيلاقي شب واقف مع صبية..أثار فضولو أول ماتذكر مين بيكون هاد الشب...

وبس سمع اسم جوليا علسان نضال،تقصد يبقا ليسمع شو عم يحكو
نضال:أنتي بتكوني مكان مو هية موجودة وبس اعطيكي الأشارة بتنفذي..
البنت:ليك نضال إذا تأذت أنا مادخلني ها..أنت بتعرف جوليا كتير منيح
نضال:ولا يهمك،القصة عندي ورح طالعك منها متل الشعرة من العجين..وبعدين منتفاهم عباقي الموضوع
البنت بتغمزو وبتمشي..

أما جود صارت الافكار تاخدو وتجيبو،وخاف عجوليا كتير شو ممكن يعملولها هدول التنين..حس أنو لازم يساعدها وبيحاول يلاحق البنت..والمشكلة أنو البنت بتفوت عحمامات البنات

بينتظرا برا دقيقة دقيقتين وهو قلقان وخايف،فجأة بيشوف جوليا وهية طالعة ومنرفزة وعم تحكي كلام مو مفهوم والبنت التانية لاحقتا..وبتندهلا،بتجي جوليا لتلتفت عليها