عندما يعشق رجُلاً

#الجزء_العشرون

جود عم يحاول يكذب يلي فهمو عليها:ههه لك يسلملي عارض الأزياء
جوليا:جود بحكي جد،أنا خلصت جامعة لذلك هلأ بدي روح وقدم لصير عارضة أزياء
جود:جولي،انتي عم تحكي جد ولا مجرد افكار
جوليا:بنوب أنا جدية كتير،هاد حلمي من زمان

بهللحظة بيرجع موقف براسو لجود

فلاش باك..💥

أنور:سمعني منيح،هيك طبع بنات حوا..بيتمسكنوا ليتمكنوا
جود بضحكة:لك خلصنا ولو،ذكرتني بكلام ستي
أنور:أيي جود افندي ضحاك،بكرا بتشوف هنن بس ليتأكدو أنك تعلقت فيهن مظبوط ومافيك تتخلى عنهن بهلوقت بيطالعولك الافكار يلي مخبينها من زمان لاحتمال أنك ترفض

عودة للحاضر💙

جوليا:وين سرحت؟
جود:ليش هلأ جاية تحكي هلموضوع؟ولامرة خبرتيني قبل
جوليا:أي ياعمري لأنو ماكان في شي مهم،مجرد حلم بس هلأ صرت قادرة أنو بلش بتحقيقو
جود:انتي اكيد مو بوعيك جولي،بتعرفي شو يعني عارضة أزياء؟بتعرفي شو التنازلات يلي بتقدمهن لتنجح
جوليا:جود توقعتك متطور بأفكارك اكتر من هيك،بعدين لاتخاف مو الكل متل مانك مفكر
جود:هه انتي مانك فهمانة القصة،وبكرا من أول مابتوقعي علعقد رح تعتبري حالك ماعدتي ملك نفسك
جوليا:فاجأتني جود عنجد ماتوقعت هيك ردة فعلك
جود:أنا يلي تفاجأت بكلامك،كنت متخيل أنك منتظرة نرتبط وقدام الكل،طلعت احلامك بعيدة كتير عن علاقتنا

جوليا:بتعرف انت هلأ خليتني اندم لأنو جيت وحكيتلك
جود بصدمة:والله!كان من الممكن تخطي هيك خطوة بدون مااعرف انا..جولي ماعم اقدر افهمك
جوليا:شو يلي ماعم تفهمو،أنا يلي ماعم افهم سبب رفضك بهلطريقة
جود بجدية اكتر:سبب رفضي واضح كتير هو أنو مابتحمل شوفك عارضة أزياء وكل البشر عم تطلع بتفاصيل جسمك..لك جولي انتي فهميا لحالك مو ضروري اشرح،انا بعتبرك شرفي
جوليا بسخرية:ههههه عجبتني هي قال شرفي،ذكرتني بلمراهقين وقت الشب بدو يكبر براس البنت..و
جود بيسكتا:جوليا..سكتي بلشتي تخبصي،انتي عم تاخدي الموضوع بمسخرة ومو عارفة النار يلي عم تشعل جواتي
جوليا:يي لك ليش مكبر القصة هلقد..بتعرف شغلة جود خلص بشرفك سكر علسيرة

جود:بشرفك،سمعتي شو قلتي؟وين رح يكون شرفي وقت شوفن عم يتطلعو نظرات وسخة،ويكون جسمك مباح للجميع..بكل رخص

بتوقف بعصبية وبتصير بترفع صوتها:سكوت..احترم حالك جود،مستحيل انت تكون ذاتك جود يلي حبيتو،ياخسارة بس،وهلأ أنا ماشية ورح تحلم ترجع تشوف خلقتي

بتبرم لتمشي بيمسكا بقوة وبيلفتا لعندو
جود:انتي سمعتي حالك شو حكيتي؟
جوليا:علوا تروح انت تسمع حالك،خلصنا جود لهون بتكون قصتنا خلصت تركني بحالي

جود:ياخسارة ياجوليا ماتوقعت حبنا رخيص هلقد عندك،امشي من هون وكوني متأكدة أنو عنجد ماعاد بدي شوفك..ومو بس انتي بتمتلكي من الكرامة القدر الكافي،وانا عندي اضعاف مضاعفة من الكرامة..روحي من هون ولا عاد تلتفتي بنوب

بيترك ايدها،وهي عم تطلع بصدمة..اكتر من مشكلة مرأو فيها بس قدرو يتخطوها،وكان جود عطول متفهم ويبقا جنبها ويسامحها عكل اغلاطها إلا هلمرة

السبب الرئيسي يلي عملتو بهاد اليوم،وكان للمشاكل يلي مضت تأثير بسيط كمان ع ردة فعلو هي

بعد مرور شهرين

أنور:يعني معقول انت،ليش لهلدرجة صاير فيك،جود أنا من البداية شايفها مابتلبقلك ولا مناسبة ألك،بس انت ماكنت تسمع مني
جود:خلصنا أنور صدقني ماعندي استعداد اسمع ولا كلمة من كلامك
أنور:عكل حال أنا جيت لخبرك شي،أنا قررت اتزوج زواج تقليدي
بينصدم جود مع أنو كان بعالم تاني:أنت شو قصدك؟
أنور:بسيطة كتير،أمي رح تخطبلي وحدة ونتزوج وعقبال عندك..سلام

كانت صدمة قوية إلا أنو حالة جود ماخلتو يستوعب الموضوع منيح
هلشهرين كانو اصعب أيام حياتو،كانت روحو عم تنتزع منو بدون مايقدر يحرك ساكن،اعتزل الدنيا اول فترة بس بعدين حاول يستعيد قوتو

معقول؟معقول رجل متل جود يصير فيه هيك بسببها؟
أي معقول جداً لأنو عشقو ألها ماكان مجرد عشق عادي،كان عشق رَجُل حقيقي

أما جوليا،حست بغيابو،حست بشوية فراغ بحياتا وانو كان في انسان يهتم فيها بقوة وهلأ ختفى،بس حبها للحلم يلي عم تحلمو كان عم يخليها تتناسا الموضوع،وهية هلأ عم تنتظر القرار إذا رح تنقبل أو لا..وكلها ثقة أنو رح تنقبل بسبب جسمها الرشيق يلي أي شركة بتتمنا توقع معها عقد سنين طويلة لأجلو

أما رنيم ونضال،علاقتهم كانت عم تطور بشكل ملحوظ،قدرو بهلفترة القصيرة يفهموا عبعض ويتعلقو ببعض كتير منيح

ومتل حال جود تماماً،ميرا..قدام كل الناس ستعادت قوتها وثباتها وفاجأت الكل،بس من جوا ووقت بتفوت عغرفتها وبتسكر الباب عليها بتتحول لانسانة تانية،ضعيفة جداً مكسورة،عم تحارب نفسا ومقهورة من حالا بس ماعم تقدر تخبي أنها ومع كل يلي صار لسا بتعشقو

كل أيامها كانت بكفة واليوم يلي سمعت فيه هلخبر بكفة،بلصدفة سمعت أنور خطب
كانت ضربة تانية متشابهة للكف يلي ضربها ياه،معقول أنور قدر ينساها بهلبساطة؟معقول بدو يتزوج بنت ويحقق معها الاحلام يلي كانت هية وياه تحلمهن سوا،ويسمي ولادو الاسماء يلي كانو متفقين عليها..معقول في بنت تانية رح تغفا بحضنو كل ليلة مع أنو هية يلي ضحت كتير لحتى تكون بهلمكان

وبلنهاية ماحدا بيحس بلوجع إلا صاحبو🤷🏻‍♀️