عندما يعشق رجُلاً

#الجزء_الثامن

جوليا:وانتي شو خصك؟ليكي رنيم انتبهي عحالك شو عم تحكي بعدين راسي عم يوجعني..هلأ خلصت اسئلة مع أمي لاتكمليها عليي..
رنيم:طيب وشو مشان نضال؟
جوليا:اوففف من نضال..شو بعرفني شو بدي اعمل فيه،بكرا اذا بيرجع بيتعرضلي مالي ساكتلو..
رنيم:جوليا..معقول لسا بيحبك؟؟
جوليا:شو بعرفني..بربك خلص رنيم سكري..بشوفك بكرا باي
رنيم:باي...

بمكان تاني..اعدة بغرفتها علتخت..وعم تحكي وملامح الحزن باينة عوجها..
ميرا:ليك أنور..أنا عنجد تعبت من افكارك هي..ايمتا رح تثق فيني وتعرف أنو انا مستعدة اعمل اي شي كرمال حبنا..
أنور:بس ياميرا..انتي اكتر شخص بيعرف اديش بحبك،وانا خايف
ميرا:كرمال الله خلص أنور..مو معقول تدمر حياتنا كرمال معتقدات مالها أصل..بس افهم من وين جايب هلافكار..
أنور بيسكت ومابيرجع بيحكي شي...

تاني يوم بالجامعة،كانت ناطرتو ميرا لتسألو هلاسئلة كلها..

جود:من قصة أمو وأبو..
ميرا:كيف؟؟بس أنا بعرف انو علاقتن حلوة
جود:هاد الظاهر بس ماحدا بيعرف شوفي جوا كل بيت
ميرا:لك سبحان الله شو بتشبهو بعض..جود احكيلي بلتفصيل..
جود:امو وابو لأنور تزوجو عن حب..أجا أنور علدنيا ومن صغرو يشوف كيف أمو مسيطرة ع أبوه بشكل كامل..وماكان يفهم سكوت أبوه،لأنو للاسف توصل لحد الاهانة ببعض الأوقات،وبلنهاية أنور ماقدر يتحمل وواجه أمو بس مافي فايدة..هيك لحتى أبو ترك البلد وسافر بحجة يشتغل برا
ميرا:أي؟؟
جود:ومن كم سنة طلع أنور لعندو زيارة ومن بين الاحاديث اكتشف انو الحب هو يلي كان سبب سيطرة أمو على أبو..هو كان بيعشقها وهية كانت انسانة بتحب السيطرة..جداً

هنن مندمجين بلحديث،وعيون الكره والغيرة موجهة عليهم

ميرا:بس ياجود هاد مابيعني أنو نطبق هلقصة عكل العلاقات..
جود:وهاد السبب يلي خلاني احكي معك بلموضوع..ميرا إذا انتي عنجد بتحبيه بصدق لأنور،لازم تضحي وتساعدي ليغير هلافكار..وبهدوء،طبعاً هاد مابيعني أنك تكسري من نفسك ومن كرامتك..بس لازم تفهمي أنو انتي مستحيل تسيطري عليه،وتستغلي حبو ألك..
ميرا:مستحيل كون هيك معو هو بلذات..لأنو أنور رجل شرقي بقوة كمان...يعني عندو كتير معتقدات غريبة،بنفس الوقت رجوليتو هية كانت سبب حبي ألو..لذلك أنا جاهزة لواجه كل الصعاب لكون جنبو..

جود بيمسك ايدها بنوع من الدعم مو اكتر:برافو ميرا،هاد البدي ياه..حبكم بيستاهل
بتبتسم ميرا..بس بلمقابل كان في عيون عم تشعل نار بنظراتها ألهن..وكأنها رح تحرقهن هني التنين

رنيم:هه روئي شبك؟الي بيشوفك عم تطلعي فيهن هيك..بيفكرو حبيبك