عندما يعشق رجُلاً

#الجزء_الثاني

جود كان بدو يطلع من بيتو بس قبل مايطلع اتصل عأنور
جود:ألو..صباحو كيفك؟
أنور:ماشي الحال..عايش
جود:يازلمة والله أمرك غريب،يعني معقول عشقانا هلقد وعم تقول رح تتركا
أنور:هلأ مابدنا نعيد السيرة من الصبح
جود:في سبب لأنو عم عيد السيرة..أنا رح روح وشوفا وأأعد معا وإذا الفكرة يلي انت آخدها عنها صحيحة انا رح اتقبل قرارك وخليك تتركا
أنور:كيف يعني؟
جود:انت عم تقول البنت شخصيتا قوية وكبريائها مابيسمحلا أنها تتنازل كرمال حبكم صح؟
أنور:صح..
جود:تمام انا اليوم رح اختبرها وإذا كان الموضوع عكس ماانت حكيت رح توعدني انكم ترتبطو رسمي
أنور:بوعدك..بس بشرط تقنعني
جود:اكيد اكيد..يلا سلام،هية بتكون هلأ بلجامعة صح؟
أنور:أي أي...سلام

بالجامعة
رنيم:صباحو عسل..
جوليا بعدم اهتمام:صباح الخير..
رنيم:لك ابوس ايدك صرلنا اربع سنين وهي رح نتخرج ولسا أول مابشوفك بتعامليني بفوقية..ولآخر الدوام لتحاكيني شوي متل اي صديقتين
يولا:صح انتي قلتيها أربع سنين...ماحلك تتعودي عطبايعي
المهم هلأ بدي احكيلك شي..أنا خبرت اهلي مبارح بموضوع عرض الازياء
رنيم كانت متأكدة من رفضهم:وشو كان رأيهم؟اكيد رفضو
جوليا:طقي بغيظك..وافقو بس مو هلأ فترة تانية
رنيم:بصراحة تفاجأت
جوليا:لك كل القصة انو أبي شايفني ومو مصدق بقدملي كلشي بتمناه..أما أمي مابتفرق معاها اذا الموضوع فيو شهرة وهيك

رنيم:ايواااا هلأ عرفت حضرتك لمين طالعة
جوليا:لك يي ليك كيف عم تحكي..حترميني شوي لو كان

بتطلع رنيم بمكان تاني
رنيم:هه ليكها اجت حبيبة قلبك..
جوليا بتطلع فيها:لك تضرب اذا بطيقها هلبنت
رنيم:هههه بتعرفي ليش مابتحبيها؟
جوليا:لا والله مابعرف شرفي قوليلي حضرتك؟..
رنيم:لأنو تنيناتكن عندكن نفس الطبع لذلك مابتقدرو تتحملو بعض
جوليا بتنزعج من كلامها وبتسكت
رنيم:لك ماتدايقي عم نمزح ولو،بس جد شوفيها متلك مابتعطي وجه لحدا لا شباب ولابنات...بس حبيبها يلي بيجي اوقات لهون هاد الوحيد يلي بخليها تضحك
جوليا:ليكي اذا بدك تبقي فاتحة سيرتا لاتركك وامشي
رنيم:لك لا لا خلص..شو بدي افتحلك سيرة تانية؟؟ستني لفكرلك..

بتسرح رنيم شوي..بتفتح تمها باندهاش
جوليا:لعما شو صابك..شو هلسيرة يلي اجت بمخك لصار منظرك هيك🤣
رنيم:برميلك شوي لورا رح تشوفي هلسيرة يلي ماشية علأرض😍
جوليا بكبرياء:بربك؟؟بدك انا..جولياا التفت لشوف يلي مشحتفك هيك..حلي عني ياه
رنيم:لكن سكتي سمعينا لنشوف
جوليا فرطت ضحك مع أنو مابتضحك هيك الا بلسنة مرة
وبتقلا:يخرب بيتك ليش انتي بتشوفي بأدنيكي مثلاً🤣🤣