#الجزء_الرابع
نزل شوي ورفعلا كتاب عن الارض عطاها اياه بدون مايتطلع بوجها حتى،وكمل طريقو ومكالمتو
جوليا ماعاد تقدر تمسك ضحكتها..
رنيم بعصبية بتقرب لعندها:كهكهكه..عجبتك النكتة يعني😒
جوليا:معقول اديشك غبية،شو هلحركات يلي من ايام جدي وستي..بعدين شو بدك بلزلمة
رنيم:هلأ لا تسأليني ولا بسألك..حتى انتي اكلتيه بنظراتك
تطلعو التنتين بعيون بعض بتحدي..
جوليا:يعني عم تتحديني؟؟
رنيم:وحياتك مارح يتطلع بخلقتك..خبطت فيه متل الحيط ومانتبه ولا رفت عينو عليي،،ورجيني شطارتك
جوليا:ياعمري انا بدون شي رح يجي لعندي..ولا حتى بأشارة..هو بس يرجع يجي لهون وبتشوفي
رنيم:ايي نشالله يرجع
بيطلعو هني التنتين سوا..بيمرء اليوم عادي مع شوية ملل
ببيت جوليا
بتروح وبتطلع كومة تياب من خزانتها،بتلبس وبتتمشا بغرفتها وهية عم تتخيل نفسها عم تعرض ازياء..
بتوقف مقابل المراية..نظرات اعجاب بنفسها تعدت كل مراحل الجنون
فجأة بيجي ببالها صورة الشب...بتتذكر كلام رنيم وبتقول لحالها:هه أنا عم تتحديني يارنيم..بكرا بتشوفي كيف رح خلي يركد ورايي
تاني يوم
بينتظرو البنات كتير بس مابيجي حدا
رنيم:هههه الزلمة هرب،علاغلب ماعاد يجي
جوليا عملت حالها مو مهتمة بلموضوع..
رنيم:جوليا..ليكي هلشب ليش عم يتطلع فيكي هيك؟؟
بتلتفت جوليا..بس تشوفو دغري بتعرفو..بتعطيه ابتسامة استخفاف وهو نظراتو بتشعل نار اكتر
جوليا:ماتذكرتيه؟هاد الشب يلي حاول يتقرب مني طول السنة يلي فاتت وبلآخر مسحت بكرامتو الأرض..لدرجة ماعاد ألو وجه يجي علجامعة ورسب كمان بتذكر كان اسمو(نضال)
رنيم:أييي تذكرتو..بس انا ماكنت بعرف شكلو منيح،،لك بس افهم كيف اجا منك تعملي فيه هيك؟لك كان بموت فيكي
جوليا:هلأ لا تعمليلي محاضرات،أنا حاولت فهمو كتير وهو ماكان يفهم وأكل نصيبو
وصارت تضحك جوليا بقوة:هههههه بس بربي يومها صار عبرة لكل شباب الجامعة
رنيم:بس شو رجعو هلأ بعد هلوقت؟وليش هيك عم يتطلع فينا..
جوليا ماهتمت لمخاوف رنيم ومرء يومهن ولا كأنو في شي،حتى ضميرها ماأنبها على يلي عملتو فيه
وهيك بيجي اليوم التاني،بس في شي عالق بذهنها،هو صورة الشب المجهول..ياترى معقول تكسر من نفسها وتحاول تبحث عنو...
رفضت افكارها وحاولت ترميه من راسها..وجهزت نفسها وراحت علجامعة
بالجامعة
جوليا بتدور عرنيم طبعاً كانت بنفس المكان يلي كل يوم بيكونوا فيه..وبعد كم ساعة
جوليا:طيب انا رح تبدا محاضرتي،بشوفك..
رنيم:تمام بشوفك
خطوات قليلة وجوليا مابتحس عنفسها غير وقعت بلأرض..والكل صار يضحك عشكلها..وكان نضال واقف جنبها بيتطلع فيها نظرات حقد وبنفس الوقت نظرات انتصار
أنت تقرأ
عندما يعشق رجُلاً
Romance#عندما_يعشق_رَجُلاً #المقدمة أيعقل أن يسمح العشق لي أن أتنازل عن كل مبادئي؟!.. ألهذا الحد كان الغرام يفيض في قلبي؟فبمجرد ظهوركِ فجرتي براكيني... آهٍ يافتاة روحي..ياملكة فؤادي آهٍ كم ينتابني الألم بسبب حبي لكِ الذي قضى على كثير من كبريائي..وجزء كبير...
