#الجزء_السادس_عشر
بلفعل بتفوت وكرمال مايصير فضايح..بتطلع نظرة بميرا بتشوفا مبسوطة وعم تضحك بس أنور كان مو عاجبو شي
جوليا بهمس:غبية هلبنت
بتطلع جوليا،ستعادت قوتها ورجعت لطبيعتا..بتلاقي جود واقف مع نضال ولسا نضال واضح عليه التعب،وعم يحكو
بيتركو لنضال وبيروح لعندا،جود:منمشي؟؟
جوليا:لوين؟
جود:انا خاطفك حالياً لوقت موعد انتهاء الحفلة بوصلك لقدام بيتك
جوليا:سماع جود أنا مابحب هلتفاهات،المهم هلأ شو كنتو عم تحكو انت ونضال؟
جود:ولا شي انسي الموضوع،بس من بعد هلأ مافي داعي تقلقي منو بنوب هو رح يطلع من حياتك
جوليا:عفكرة انا مالي بحاجتك بهيك موضوع وانا كنت رح اتصرف معو
جود:لا،لاتتصرفي مع حدا..انا حليت القصة
بتوقف جوليا:لك بصفتك مين،انت شو بدك مني ومن حياتي،انت مختل عقلياً شي
جود:أي ممكن،بس مو قدك
جوليا:احترم حالك الظاهر انت اخدت وجه زيادة
بتتركو وبتمشي بيلحقا،وبياخدا بلقوة من ايدا عسيارتو وهية بلبداية بتقاوم بعدا بتسكت
وهنن بلسيارة
بيقلا:ليش هيك صار فيكي؟عنجد لسا لهلأ مصدوم انو شفت الخوف بعيونك
جوليا:ممكن لاتعيد هلقصة لأنو بتدايقني،أنا مابحب كون ضعيفة او خايفة وانت كل شوي بتذكرني
جود:خلص بوعدك اتناسا هلموضوع إذا بتحكيلي السبب
جوليا:ليش يعني تتناسا مو تنسا؟؟
جود بيوقف وبيتطلع بعيونها:مستحيل انسا لحظة من عمري،خلتك تخاف
جوليا ماعم تقدر تفهمو..ولما رجع سألها سبب خوفها قالت:بتصدق كنت مو بوعيي..من بعد مارقصت مع نضال،كانت مجرد رقصة لاثبتلو أنو مابخاف منو حتى إذا كنت قريبة منو كل هلقرب..وأول لحظة رهيبة كانت لما انت مسكت ايدي وسحبتني من حضنو..من سنين ماحسيت بهلرهبة مابظن خوف
جود:معقول خفتي مني جوليا؟
جوليا:مو منك..اصلاً مابعرف إذا كان الاحساس اسمو خوف
جود:طيب شرحي شو حسيتي بلكي بساعدك
جوليا:كانت متل قشعريرة،متل لما بتلمسك كهربا بسيطة وبتنأز..مع رجفة بلقلب..علاغلب هاد الخوف بس انا نسيانتو
كان سارح فيها ومتخبط بأفكارو مين هي يلي قدامو معقول جوليا نفسا؟طيب شو يلي عم تحكي هلأ هو عرف الاحساس يلي عم تشرحو بس مو قادر يواجها ويخليا تعرف شو هو
جوليا:ليش سكتت..جود بدي اطلب طلب
جود:اكيد طلبي
جوليا:أول شي تقلي مين البنت يلي معك وتاني شي ماحدا يعرف بيلي صار،وانت ذاتك كمان تنسا ولاترجع تفكر بلموضوع بنوب
جود:البنت اختي،وتاني شي خلص رح سكر السيرة،بتعرفي جوليا..بصراحة أنا معجب بهاد الشي
جوليا بتطلع فيه نظرة انو مافهمت عليه؟
جود:هاد الغرور والقوة فيكي جذبوني ألك،بعدين كلماتك تصرفاتك..الغريبة نوعاً ما اشياء تانية ممكن ماتسمحيلي احكيلك هنن
جوليا:جرب لشوف
أنت تقرأ
عندما يعشق رجُلاً
Romance#عندما_يعشق_رَجُلاً #المقدمة أيعقل أن يسمح العشق لي أن أتنازل عن كل مبادئي؟!.. ألهذا الحد كان الغرام يفيض في قلبي؟فبمجرد ظهوركِ فجرتي براكيني... آهٍ يافتاة روحي..ياملكة فؤادي آهٍ كم ينتابني الألم بسبب حبي لكِ الذي قضى على كثير من كبريائي..وجزء كبير...
