عندما يعشق رجُلاً

#الجزء_الثاني_والعشرون

#عندما_يعشق_رَجُلاً #الجزء_الواحد_والثلاثون

جود:شبك عمري
جوليا:ليش هلموضوع يعني
جود:جولي صرلنا سنة،لازم نطمن مو اكتر
جوليا:آها وبدك تطمن عن نفسك وبس
جود:لا بس انا مابدي احرجك مشان هيك فتحت السيرة عن نفسي واذا بدك تروحي انا اكيد مابمانع
جوليا بعصبية:خلص جود عمول يلي بدك ياه

بتتركو وبتروح بتتسطح،بيروح لعندا بعد خمس دقائق بيتسطح وراها وبيضما لعندو بيشم ريحتا ليهدي حالو،هية بتحس بهدوء وسكينة وبتغفا

تاني يوم

بتصحا جوليا متأخرة شوي وبكون جود مو موجود،وبس تفطر بتتصل فيها رنيم
جوليا:ألو كيفك رنيم
رنيم:لك كيفك انا كتير شتقتلك
جوليا:تمام وانتي كيفك،احكيلي شو اخباركن انتي ونضال
رنيم:مافي متلنا..(وبتحكيلا شو صاير احداث جديدة بعدين بتقلا):وانتي وجود كيفكن
جوليا:والله مابعرف شو قلك يارنيم،بصراحة متدايقة من موضوع
رنيم:يلي هو؟
جوليا:جود طالب نروح عدكتور مشان الحمل لأنو تأخر
رنيم:أوك ووين المشكلة شو فيها يعني؟
جوليا:وقت فتح السيرة خلاني أقلق،يعني معقول يكون في شخص من بيناتنا مابيجيب وبلتالي ممكن ننفصل
رنيم:لك لا شو هلحكي الحب يلي بيناتكم اكبر من هيك
جوليا:حب شو؟مافي حدا بيقدر يعيش بلا ولد،ولهيك انا من كل قلبي عم قول إذا في حدا من بيناتنا رح يكون مابجيب ولاد،انشالله بكون جود
رنيم:انتي مجنونة حرام عليكي
جوليا:مو جنون بس هي طريقة الوحيدة ليستمر زواجنا بهدوء

فجأة بيفوت جود وهو سارح فيها وواضح عوجهو أنو سمع الكلام
بتسكر التلفون بخوف وبتطلع فيه وهو كتير معصب
جوليا:ج..جود حبيبي انت رجعت
مابيرد عليها وبيقعد عجنب
جوليا:جود انت من ايمتى هون
جود:كنت هون بلقدر الكافي لاعرف محبتك ألي وقيمتي عندك

جوليا:لأ جود بترجاك لاتفهمني غلط
جود بعصبية:جوليا سكتي،ولاحرف كلامك كان كتير واضح
جوليا:سمعني جود اهدا خليني اشرحلك
بيضرب الطاولة يلي قدامو وبيوقع كلشي عليها وبيقلا بعصبية:انتي دعيتي علي،انتي ردتيلي الشر شو بدك اكتر
جوليا:لا لا مو هيك أنا بس لأنو مابدي ينتهي زواجنا هون أنا ببقا معك لو بلا ولد
جود:يعني أنا يلي بتخلى عنك؟ردي..؟أنا يلي رح اتركك إذا كنتي مابتخلفي
جوليا بذعر:اهدا جود لاتخلي صواتنا تنسمع
جود:هاد يلي بيهمك صح جوليا،خايفة يسمعو اهلي صواتنا لا ينكسر كبريائك
بيتركا وبيمشي

بمكان تاني
منرجع عند أنور يلي ماعاد يتحمل خطيبتو وضعف شخصيتا،وكيف هو بدو يوجها لكل خطوة بدا تخطيها،صار يلاحظ الفرق بينا وبين ميرا صار يحس بلندم كتير لأنو خسر هيك انسانة بتناسبو اكتر من اي بنت تانية

بعد يومين

كانت العلاقة بين جود وجوليا في حالة جمود تام،كل ماتجي تحاكيه يصدا