عندما يعشق رجُلاً

#الجزء_الحادي_عشر

أول مانذكر اسمو حست بقشعريرة سارت بكل جسمها..لتفتت عرنيم وسرحت..
بتضحك رنيم:لك مو معقول..ألف حمد وشكر ألك يارب أنو ورجيتني يوم شوف جوليا عشقانة وعيونها عم يبرقو😍😍
جوليا:بلا سخافة من وين جبتي هلحكي..
رنيم:ليكي جوليا،صحي أنتي عطول بتمنعيني اتقرب منك زيادة،ومع هيك اعتبر اقرب شخص ألك بس أنا بعرفك منيح وحافظتك وبعرف شوفي جواتك..بعرفك اكتر من نفسك
جوليا:شو بدك هلأ حاج حكي رنيم..
رنيم:رح تروحي..
جوليا:لأ..
رنيم بتقوم بتوقف:بكرا منشوف...
بترميلا بطاقة الدعوة وبتمشي..

بتسرح شوي بأفكارها..هيك بعدين بترجع علبيت..بتقابل أمها وأبوها،وبلويل لتقبل تأعد معهن شوي..بيكون أبوها عم يستقبل اتصالات للشغل
جوليا:بدكن اقعد معكن لتقضوها اشغال واعمال
أماني:يعني اسفين نحن عم ناخد من وقتك ياحضرة المستشارة..
جوليا:أي كتير..لذلك انا فايتة..
أبو جوليا:لوين يابنتي؟؟
جوليا:بابا بدي ارتاح شوي..
أبو جوليا:طيب يابنتي،سامحيني كل واحد ألو اعمالو وكلو لمصلحتك صدقيني
بتبتسم جوليا:ولا يهمك بابا😘

بتفوت عغرفتا وبتبدا افكار...بتقول لنفسا:جوليا هلمرة حسبيا من مطرح تاني..ليش لتعتبري الموضوع اهانة أنك تلحقيه..خليها تكون من منظور تاني..انتي مثلاً مابتحبي الندم،واذا مافتي بهلعلاقة رح تندمي وتبقي تفكري لو أنك متقربة منو شو رح يصير..جربي ومو خسرانة شي،لو شفتيه عملي حالك مو منتبهة وشوفي شو ممكن رح يصير..

بتبقا هيك عم تفكر لتغفا..

تاني يوم

رنيم علتلفون:اليوم عطلة تعالي نروح علسوق ونختار فستان شو رأيك؟؟
جوليا:طيب..رح عدي عليكي واخدك ونروح
رنيم بفرحة:أوك اتفقنا😃

وقت قصير وبيتقابلو،بيبرمو كتير بلمحلات ومابيعجبها شي
رنيم:معقول هلقد ذوقك صعب؟؟كنت مفكرة أنا هيك بس طلعتي اقوى مني..
جوليا:ليكي رنيم،أولاً انا لازم ألبس شي ماحدا لبسوا لا قبلي ولا رح يلبسو بعدي..ولاتنسي أنو انا جسمي مميز ولازم اختار شي يليق فيه

رنيم بتطلع فيها بانزعاج وبتكمل مشي😒

كانو اعدين أنور وجود بلكافيه..

جود:أي؟؟مابدك تحكيلي شي
أنور:لك شو بدك احكيلك كلشي بتعرف..
جود:طيب بدي تفاصيل،يعني احكيلي مشاعرك من جوا..
أنور:بصراحة جود مابعرف إذا كان قرارنا متسرع أو لا،من بعد ماانت جيت حكيتلي أنو ميرا مارح تكون متل ماانا مفكر..حاولت استرجع كل مواقف يلي بيناتنا وهيك..حتى كتشفت انو عنجد انا بحبا ومارح اقدر ابعد عنها،بس بنفس الوقت خايف يااخي..
جود:انت مو معقول،لهلدرجة متأثر بلموضوع..بس ليك برأيي لاعاد تفكر بهلطريقة..ولازم تغير لطريقة تناسبك انت وميرا..
أنور:قصدك ميرا هية يلي لازم تغير طريقتها وتمشي عطريقتي..