هو أنقذني من عذابي

"part 8 أسرار تُكشَف"

"إيه يا حسناء موحشتكيش ولا إيه؟"
قالها بسخرية لحسناء لتقول بضيق
"لا مكنتش عايزة أشوف وشك تاني"

اقترب منها ليصفعها صفعة قوية أدت إلى نزول الدماء من فمها
"إنتِ باين عشان بقالي يومين كده ساكت، بقيتي بجحة ، ونسيتي أنا مين!"

اقترب منها ليبتسم بخبث وهو يقول بصوت مرتفع
"هاتوهم هنا"
عقدت حاجبيها باستغراب من كلامه، لتضاء الغرفة فجأة ويدلف رجلين ملثمين ومعهم
(كريم) وفتاة أخرى لم تتعرف عليها حسناء، التفتت لتجد طفلتها نائمة على كرسي بجوارها ورُبطت هي الأخرى.

كان كلاً من كريم والفتاة فاقدين للوعي ومربوطين أيضاً ، رموهم بجانب كرسي حسناء ،فابتسم عادل بسخرية وهو يقول "وأدي كريم جه ، شوفي بقا مين هينقذك مني!"
نظرت حسناء لكريم الملقى بجانبها وتلقائيا نزلت دموعها فهي لم تره منذ مدة طويلة؛ لتقول لذلك الذي يقف أمامها يبتسم بسخرية "إنت عايز إيه مني ؟"
لم يلتفت لها ، ليتكلم مع الرجل بجواره قائلاً "دلوقتي"
لم تفهم ما قاله ، لكنها وجدت ذلك الرجل يقترب؛  ليكمم فمها بقماشة وماهي إلا لحظات حتى فقدت الوعي.

بعد عدة ساعات ، استيقظت حسناء وجدت نفسها ملقاة بجانب الحائط وبجانبها كريم والفتاة وعلى الجانب الآخر وجدت خديجة تضع رأسها على قدميها.

كانت حسناء قد رُبطت يديها للأمام ، فرفعت كفيها إلى كريم تربت برفق على وجنته وتنادي باسمه لعله يفيق، بعد عدة دقائق فتح كريم عينيه وأخيراً ، وجد حسناء تحاول إفاقته فابتسم لها وقال بمزاح لا يتناسب مع موقفهم نهائياً
"وحشتيني يا حسونة"
ضحكت حسناء لتقول
"هو ده وقت هزار يا كريم"
نظرت له بخوف وأردفت قائلة
"هم لاقوك ازاي؟ ، مش انت كنت برة مصر"
ابتسم قائلا
"جيت عشانك "
"بس مين دي؟"
قالت وهي توجه كلامها إلى الفتاة النائمة على كتف كريم
"دي سوزان أختنا"
اتسعت عيني حسناء في صدمة وقالت "أختنا!! ، ازاي؟"

"هقولك كل حاجة، بس احنا لازم نطلع من هنا الأول"

قاطعهم دخول أحد من الباب اعتدلت حسناء سريعاً، دخل الرجل والذي لم يكن سوى عادل بخطوات متفاخرة ،التفت لحسناء وكريم قائلاً بسخرية

"نورتنا يا كريم باشا"
التفت له كريم قائلا بحنق
"مانت إنسان جبان ،فكني بس وشوف أنا هعمل إيه؟"
أطلق عادل ضحكة عالية قائلا بسخرية "هتعمل إيه يعني؟، فاكرني خايف منك يا ابن سيد الجندي؟!"

"طب قول إنت عايز إيه وسيبنا في حالنا بقا، يعني إنت كنت معيشني في جحيم ولما قولت مش هشوف وشك تاني تخطفني!!، إنت إنسان مريض"
اقترب منها بغضب وهم أن يضربها لكن قال كريم بتحدي
"صدقني لو إيدك اتمدت عليها متلومش إلا نفسك"
نظر له عادل بتحدي ممزوج بالغضب فرفع يده ليصفع كريم لكن حسناء أمسكت يده بقوة وهي تقول
"استعرض قوتك على حد تاني، وبعدين مش عيب عليك تبقى خايف من ست ورابطها كده"
زفر عادل بغضب وقام بإزاحة يدها بعنف، وأمسك شعرها بقبضته بقوة وهو يقول "متتعصبيش عليا كده وخافي مني!"
"سيبها يا كلب إنتَ"
قالها كريم بغضب شديد وهو يحاول النهوض ليدافع عنها، فقام عادل بترك حسناء ودفعها بقوة على الأرض.
"إنت عايز إيه؟!"
قالتها حسناء ليرد عليها عادل
"عايز كل حاجة ورثتيها عن طارق جوزك، وكمان تلغي المحضر بتاع ممدوح عشان أنا هروح في داهية بسببه"
نظرت له حسناء بصدمة ،وقالت بتحدي
"بعينك مستحيل ده يحصل"
صرخ فيها قائلا بغضب
"ماهو لو محصلش هتموتوا كلكم هنا"
وخرج من الغرفة، التفت كريم لحسناء ليقول محاولاً طمأنتها
"متخافيش هنبقى كويسين، بس احنا مش هنديه حاجة ده ميستهلش"
"ماهو لو أنا معملتش اللي هو قاله هيأذيكم"
قالتها حسناء بنبرة باكية وأردفت
"أنا معنديش مشكلة أموت بس مقدرش أخلي حاجة تحصلكم"