سيجارتي العزيزة،
كم اشتقت الى حرقك
ج جمال
××× ×××× ×××× ×××
اكو مواقف ما بيهه تصرف صحيح او غلط اكو تصرف غلط وتصرف غلط والفرق واحد لكن التبعات مختلفة ممكن تروح بيهه رقاب ، يعني بافتراض بنية لو تعرضت للاغتصاب محد راح يرحمهه حتى اهلهه زين شلون يقنعهم انهه جانت محاولة اغتصاب وما نجحت؟ زين هوه شلون يعرف اعترضهم كبل لا يسلبوهه عذريتهه؟ فخطرت بباله خطة عسى ان تنجح بس بيها تضحيات هواي وحيل متردد باثناء تفكيره سمع صوت من ورا البنية كامت تحجي وتهلوس "عوفني ... عوفوني...خل نشرب ... وين...وبدت تصرخ عوفوني عوفوني" بهستيرية، حيدر لزم ايدهه وكال "اهدي يا بنية ما سووا شي، راح اخذج للبيت نغير هدومج "
البنية كالت "ولك حيدر احب هيج تسوي بيه"
حيدر "وين تعرفيني؟ ، شسوي بيج؟"
"الحزام ... الحزام" وانغمى عليهه من جديد حيدر بده يفكر شجاي تحجي هاي من ناحية مصعوق من الموقف كله ومن ناحية متفاجأ،
وصل للبيت ، خاف اخوه الصغير يشوفه لو الجوارين يسمعوهم وامه ارمله ويخاف عليهه من الحجاية وخاصة بيوت البلوك تعبر الصوت...عله كيف وشوي شوي لفلفهه ودخلهه للبيت يشيلهه مثل اللعابة بدون اي جهد دخلهه بالديوانية...
خابر امه وسالهه وطرح عليهه الفكرة "يمه راح اكلب السيارة واكلهم حادث والعبرية تاذت"
"تخبلت يا ، اذا تاذيتوا لو ماتت البنية؟ يمه وتعب السنين ؟ هاي المعيشتنه يا يمه ، اخوك شلون تدفعله مصرفه؟ نعم الله عليك بس يا يمه البت انته ما تعرفهه ليش هيج تتصرف السويته يكفي ويوفي وانته يمه بكيفك"
حيدر دخن جكارة ورا الثانية خطته جانت البنية يلبسهه من ملابس امه وياخذهه بالسيارة ويدعم بشبّة لو يكلب السيارة وياخذهه للطوارئ و امه راح تغير بساعة الرقود وتنحل المشكلة... بحيث اهلهه ما يعرفون انهه اجت بالليل
البنية بدت ترفع راسهه ،
####
وبالفعل مشت الخطة مثلما خطط ، كلب السيارة وخذاهه للطوارئ واهلهه اقتنعوا بس اللي ما توقعوه ان عمامه يكاومونه ويطيحون الفصل من سته الى مليونين فانجبر يبيع سيارته المفلشة اصلا ب٢٦ ورقة دفع الفصل واستخدم الباقي علمود يقدم عله كلية الضباط ، لان راتب امه يادوب يكفي اكل وشرب واخوه الصغير مدخلينه بمدرسة الفراهيدي الاهلية علمود يصير طبيب او هذه الجان يتمناه ، وبالفعل التحق وبين العقوبات والتدريب مرات بليل يصفن على الموضوع كله ، ولحد هسه ما اكتشف البنية (احلام) شلون عرفت اسمه ، ولا عرف الشباب الاثنين اللي كسرهم تربطهم علاقة بشخص حاقد على حيدر ويسعى يوصلله باي طريقة.
أنت تقرأ
خضوع الاحلام +21 // Submission of dreams
Mystery / Thrillerالفئة العمرية +21 القصة للبالغين فقط القصة باللهجة العراقية كل الاحداث والاسماء من وحي الخيال ، ولا تمت للواقع بصلة ، اي تشابه في الاسماء او الاوصاف صدفة بحته. بجوار شط العرب تنبثق قصة حب ،من قلب المعاناة ، تاخذنا الاحلام الى كل تلك الاماكن بحثا عن...
