فتح عيونه ، صوت همهمة ماكدر يعرف معناه ، كلشي بلَوري ومو واضح ، ثواني وشاف ضوة ابيض بعينه ووجه مرة ، كلشي رجع مظلم من جديد ، انعادت هاي الحالة وياه اكثر من اربع مرات يفتح عينه وما يميز اي شيي ، لحدما بالاخير سمع جملة "بابا ...بابا تعال اصعد ، فتح عيونه" ،
بالفعل فتح عيونه وشاف امرأة متوسطة الجمال كدامه ، وهي بس شافت انه فتح عيونه طلعت ورجعت مرة ثانية ولابسة عباية وشال مغطية بيه كل شعرهه ، اجه الرجال الشايب وبدوا يبسبسون ، ما سمعهم شيحجون الصداع والالم اللي براسه اكثر مما يكدر يتحمله...حاول يحجي
"ااا...راا...." الحروف بمخه بس ما تطلع على لسانه ، اتقربت المرة منه ،
ومرة ثانية اللايت بيدهه وخلته بعيونه "بعده اكو شوي توسع بلبؤبؤ ، بس اظنه واعي ، تسمعني؟ ارمش عيونك اذا تسمعني "
رمش عينه ، "جيد ، تكدر تحجي؟ اذا اي ارمش مرة وحدة واذا لا ارمش مرتين" ،
رمش مرتين ، "حاول تحرك ايدك او رجلك " ، حاول بس ماكدر يحركهن ،
"همممم زين تحس بهاي؟ارمش مرة اذا اي ومرتين اذا لا" وطلعت قلم وبدت توخز رجله ، وهو بالمقابل رمش مرة وعادت نفس الحركة ويا ايده وهم رمش مرة وحدة
"الحمدلله ، اظن بمرور الوقت تكدر تحرك ايديك ورجليك بس نحتاج نمرنهن ، تسمعني مو؟"
رمش مرة وحدة حاول يسال هو وين لو يتذكر المرة عن شنو جاي تحجي بس ماكدر ، دقايق وبدا يكدر يحرك راسه ، شاف نفسه على سدية بغرفة زغيرة ، وكانونه مشدودة معلكة فوك راسه ، ورجال شايب بعكازته وشعره الابيض واكف يم الباب
"حمدلله على سلامتك ابني ، شنو اسمك وين اهلك؟" ،
عصر مخه حاول يتذكر بس ماكدر طفل بعمر الاربع سنين او اقل يحفظ اسمه بس رجال بطوله وبعمره مايتذكر حتى ابسط الامور ، مثل اسمه لو هو من وين لو شعنده هنا وشنو اللي وصله لهنا.الايام الجاية بقه على نفس الحال لسانه بعده ثكيل كلش والكلمات ما تطلع بس بدا يحرك اطراف اصابيعه ، والمرة تجي يومية ثلاث مرات تغطي وجهه وتنظفه وتغسله ورا ما لكته مرة من المرات يباوعلهه وهي تبدله الحفاظة ،
كالت " استحي اساعدك وانته تباوعلي ، اظن نتجنب الاحراج اذا غطيت وجهك " ، اخر مرة من نظفته وبدلت حفاظته وهي تطلع كال "شنو...اسسسمج" ،
المرة فرحت وتقربت يمه "اسمي اماني ، انته شنو اسمك؟" ،
عصر مخه "مااتذكر ، مااتذكر اي شي" ،
أماني: "لا تخاف ، ذاكرتك راح ترجع اصبر شوي" ،
اماني يومية تصعد بالغرفة ومرتين تمرن رجليه وايديه ترفعهن تنزلهن ، لحدما بعد مرور اسابيع قليلة بدا يوكف على رجله ، بمساعدتهه ...
أنت تقرأ
خضوع الاحلام +21 // Submission of dreams
Misterio / Suspensoالفئة العمرية +21 القصة للبالغين فقط القصة باللهجة العراقية كل الاحداث والاسماء من وحي الخيال ، ولا تمت للواقع بصلة ، اي تشابه في الاسماء او الاوصاف صدفة بحته. بجوار شط العرب تنبثق قصة حب ،من قلب المعاناة ، تاخذنا الاحلام الى كل تلك الاماكن بحثا عن...
