سامحي نفسك ، عيشي حياتك ، تعلمين انك لا تنتمين لغيري ولغيرك لا انتمي انتماء
روح في جسدان مختلفان وان ابعدنا الحظر وان ابعدتنا اعراف المجتمع، لا تستطيعين نكران حبك وفيض المشاعر
قبلي كفوف يديك كل ليلة قبل ان تنامين ، هذا كل ما استطيع ان اورثه لك
ج جمال
XXXXXXXXXXXXXXXXXXXXXXXX
تحذير الجزء يحتوي على مشاهد جنسية
ايمان صحت حيدر من الحلم اللي جان بيه "وين رحت حيدوري؟ اشو ساكت؟"
"هااااا اسف...نعم حجية تفضلي"
"مثلما جنت اكول كبل لا تصفن ، اياد مراح يوصل لخطيبتك مدامني عايشة وهذه وعد مني ، وبيني وبينك ماكو غير كل خير ، بس يبقه عمك خالد اريد اشرب من دمه"
حيدر ابتسم بحسرة "شتشربين من دمه؟ بيته انقصف وخذوه الاحزاب ، سيارته غراضه فلوسه كلهن راحن ، اخر مرة سمعت بيه بسوريا يشتغل بمطعم ، تخيلي رجال بعمره يشتغل بمطعم. اكثر من هيج مذلة ماكو..وثانيا ايمان ابدي صفحة جديدة انسي اللي صار ما شاء الله وضعكم تحسن و الحمدلله بيت جبير واحوال"
ايمان عقدت حواجبهه وابتسمت ابتسامه مصطنعة " شكد بريئ انته ... صدك بريئ .. زين تدري من ابو اياد عدموه شصار بيه؟ تدري من رجعت للبيت الديانه كاضين الباب؟ تدري بناتي انباعن برخص التراب وهنه طفلات وحدة 9 ووحدة 8 لشيوخ خليجيين بس علمود لا اخليهن يصيرن مثلي؟ تدري هسه يستنكفن يحجن وياي لان يعتبروني عار لان يكلولي انتي بعتينه ، تدري اني يوميه من كواد لكواد؟ تعرف شكد عانيت"
ورفعت دشداشتهه لحد صدرهه وطلعتله اثار الجروح اللي عله جسمهه وكملت
"تدري اذا تطب لبيت دعارة جديد البنات اللي صارلهن زمان يشتغلن يشخطن اي بنية جديدة خاطر لا تكسر عليهن؟ بالموس...باوع عدل...شوف"
حيدر ما عرف شنو يحجي لو شنو يكول...عيونه تغوغرن بالدموع...
كعد على ركبته وحظن ايمان وبده يبوس باماكن اثار الجروح اللي امتدت من بطنهه لظهرهه لصدرهه لافخاذهه ،
"ايمان ، اني اسف ، ما جنت اعرف، ليل ونهار لعنت بيج لان ما رجعتي وماعرفت شلون اوصللج، وراهه بفترة ابوي مات بالقصف واتشردنه بالشوارع، ننام عل الرصيف وسنين بقينه عله هل الحال حته ما كمت افكر غير شلون اسكت اخوي اللي يبجي من الجوع ، تعبنه الزمن وتعبج ادري ، بس فدوة انسي فكرة الانتقام وعيشي حياتج ، وخالد ما يستاهل دقيقة من تفكيرج ، وصدكيني العاقبة الاخلاقية خذت حقج ، لا مرة لا ابن لا اهل كلشي ما بقاله ..."
ايمان احتظنت راس حيدر " مو سهل انسى ، وحجيك صحيح ما بقه حق علمود يرجع ، الايام مشت وراحت بس احتاج لخاتمه ، وانت واخوك الوحيدين اللي دمائه تمشي بيكم"
أنت تقرأ
خضوع الاحلام +21 // Submission of dreams
Mistério / Suspenseالفئة العمرية +21 القصة للبالغين فقط القصة باللهجة العراقية كل الاحداث والاسماء من وحي الخيال ، ولا تمت للواقع بصلة ، اي تشابه في الاسماء او الاوصاف صدفة بحته. بجوار شط العرب تنبثق قصة حب ،من قلب المعاناة ، تاخذنا الاحلام الى كل تلك الاماكن بحثا عن...
