وصلنه سوه تقريبا لنهاية القصة الفصل الجاي راح يكون الفصل الاخير لهاي القصة...اشكر آلاء شكر خاص انهه شجعتني اكمل القصة بعدما حسيت انهه فقدت رونقهه وشكر الجزيل لامنية حبيبة قلبي وكل اللي ما ينسوني بكلماتهم الطيبة ... واخيرا وليس آخرا اتمنى يعجبكم هذا الفصل وشكرا الكم جميعاتحياتيج جمال×××××××××××××××××××××××××××
..."هذه شبيك حيدر ، اني ابوغضب؟"خذاه بالاحضان بعضلاته المفتولة ، ورغم هذه حيدر مثل دور الاخرس...وهز راسه بالنفي...ابو غضب جره من ايده وخذاه بمكان خالي من البشر وعاف البسطية ،
تلفت يمين ويسار "شبيك حيدر ، كافي تمثل دور الاخرس ماكو احد هنا...وين جنت ، احلام كالت قتلوك شافتك وهمه يعدموك... "
الاسم احلام للمرة الثانية ينعكس صداه براس حيدر...صداع فضيع وصوت صفير عالي بذانه...منو هذا الشخص شنو يريد منو احلام؟
ابو غضب: "لا تهز راسك تعرفني ، وانطيك دليل محد ممكن يعرفه غير شخص قريب عليك ، ارفع قميصك جوة بصفحتك اليسرى من ورا اثر جرح مو؟ هذا من جنه بالسجن المدرس الخنيث دجك ، صاير اخرس هسه مو؟ مال دروب حيدر...اعرفك وتعرفني شنو داعي التمثيل محد هنا بس اني وياك..احجي لخاطر ا**"
ابوغضب لزمه من قميصة يريد يراويه مكان الجرح... بس ما توقع حيدر راح يطكه ويشرد ، ابوغضب ظل ممدد بالكاع شكم دقيقة كام يدور على حيدر بس ما لكاه..."شبيه هذه تخبل؟شلون ماعرفني؟اكيد يمثل مامعقولة".
حيدر رجع ركاض للبيت ذب البسطية مالته بالكاع وهوه عركان ويلهث وكل شوي يفتح باب البيت ويمد راسه على كيف ، زوجته اماني شافته هيج تقربت منه ، "شبيك جاسم؟صاير شي؟ شبيك تتلفت".
جاسم: "شفتلي واحد يعرفني...ماعرف شلون بس يعرفني ، لمي غراضج..يلا رايحين"."وين نروح؟ اذا ما عندك سيارة داعشية وهوية مستحيل تعبر ، محد يخليك ، اكعد فهمني شنو الصار".
جاسم: "اظن اسمي حيدر، عل الاقل هذه اللي اظنه".
وسولف شنو صار بالضبط بالسوك اليوم...اماني صفنت شوي "انته ماتذكرت شكله؟"
جاسم: "لا وا** حبيبي اول مرة اشوفه" ،
أماني: "مممم وليش متأكد يعرفك؟"
جاسم: "كللي عل الجرح اللي بصفحتي ،جان يعرف هذه الشي يعني شخص مقرب ،يلا لمي هدومج"
أماني: "حبيبي ماحدا وراك هاي اولا ، ثانيا اني حامل بشهري باي يوم اجيب ، ثالثا شلون تطلع من الموصل وانت مو داعشي؟ احسن شي ابقة بالبيت لحدما تكبر بتنه شوي لاكيلنه درب نطفر بيه لاربيل ".
حيدر او جاسم انتظر بقلق وترقب...ايام معدودات وجان تفاجئة اماني نص الليل " جاسم ، جاسم ...اكعد..".
حيدر فرك عيونه وكعد "ها حبيبي شبيج؟".
أماني:"روح دك باب ام احمد كللهه اماني جاي تجيب"
أنت تقرأ
خضوع الاحلام +21 // Submission of dreams
Misterio / Suspensoالفئة العمرية +21 القصة للبالغين فقط القصة باللهجة العراقية كل الاحداث والاسماء من وحي الخيال ، ولا تمت للواقع بصلة ، اي تشابه في الاسماء او الاوصاف صدفة بحته. بجوار شط العرب تنبثق قصة حب ،من قلب المعاناة ، تاخذنا الاحلام الى كل تلك الاماكن بحثا عن...
