انتهت وقت الرسائل والمجاملات والمفاوضات
انها الحرب...ج جمال××××××× ××××××× ×××××ايمان مدت ايدهه على بطنهه ، وبدت تلمسه بحنية"اي حيدر...عشيقي وابو هذا الطفل اللي ببطني ، وانتي تعرفين حيدر مو بس يحب يضرب ويعتدي كلش يحب يصور بطولاته الجنسية يجوز هسه تلكين شكم قرص بغرفته انتي البطلة بيه "
هنا انهارت احلام ، وكبل لا تحجي كلمة ايمان انسحبت بسرعة وطلعت بالسيارة...
فتحت القرص بلابتوبهه وتمنت تكون خدعة لو جذبة بس ما توقعت من تفتح القرص تلكه فيديو لحيدر وهاي المرة الستوهه اجته...
القرص فوك الاربع ساعات متواصلة ، مبين اكو كامرات خفية بكل مكان لان من اكثر من زاوية مصورينه ، مرة بالصالة مرة بغرفة النوم مرة بالمسبح ، مرة من كدام مرة من وره مرة يضربهه بالحزام ومرة راشديات...
اعصاب احلام ما تحملت اكثر ، فقدت الوعي وطاحت بالكاع...وما كعدت الا على اتصالات ام حيدر ..."يمه حيدر رجع...يمه حيدر ما بيه شي"
كلبجات على ايدين حيدر تمتد لحد رجلينه ، وكلبجات على رجليه مرتبطات سوه ، اللي يشوفه يكول عنه ارهابي ، بالطريقة اللي عاملوه بيه ، طبعا الضابط وضعه يكون اسوأ من الارهابي لان الجميع يكرهونه بالسجن ، خطواته قصيرة ويتعثر كل شوي ، رغم سبوعين بقه بالتوقيف وكلساع ملبسينه الكلبجات بس لحد الان ما تعود يمشي وهوه لابسهن ، يمكن لان اول مرة بحياته ويمكن لان احرار من امثاله ما يكدرون يتعودون عله القيود
انفتح باب السجن العملاق ، وبينت حجم المكان ، ذبوه بزنزانه لوحده قريب عل الباب وطببوا عليه شرطة اثنين فتحوا الكلبجات ، " يلا انزع هدومك"
حيدر نزع وبقا بملابسه الداخلية فقط ، " حتى لباسك ، يلا"
حيدر بس نزع اللباس ، جان يرشون عليه ماي بارد ثلج من هوز بضغط عالي ، الدنية شته تكص كص ، بدا يرتعش بمكانه من البرد بس بقه صامد لا صرخ لا توسل بيهم واكتفى واكف كدامهم مثل الجبل ، انطوله صابونه علمود يغسل ورا ما غسل جسمه وشعره رشوا عليه بودرة بيضة غطت كل جسمه من فوك ليجوه...انطوله منشفة وملابس برتقالية لماعة عبارة عن قطعتين وفانيلة ولباس وكل شي ثاني خذوه منه ، النقال ساعته جداحته جكايره كلشي...خلوهن اله بظرف وخذاهن الشرطي
هل المرة بس خلوا كلبجات على ايده واقتادوه جوه ، كل 20 متر باب حديدي لازم ينفتح ، لغاية ما وصلوا ، للزنزانات ،
زنزانه جبيرة بس مقطعه بيهه اكثر من 100 سجين هذه جان قطاع الف واكو لغاية قطاع دال اللي حاجزين بيهه الارهابيين والمتطرفين بلحاهم واشكالهم المابيهه رحمة بس باقي الاجنحة كلشي من سرقة لاحتيال لقتل متعمد او غير متعمد والمخدرات وكلشي ثاني ، فتحوا كلبجات حيدر من جديد ودفعوا داخل الزنزانة ، حيدر لا سلام ولا كلام ظل واكف بمكانه ، بدا يباوع بالوجوه ، والاماكن ، ومتجتف وخازر العالم ،
أنت تقرأ
خضوع الاحلام +21 // Submission of dreams
Misterio / Suspensoالفئة العمرية +21 القصة للبالغين فقط القصة باللهجة العراقية كل الاحداث والاسماء من وحي الخيال ، ولا تمت للواقع بصلة ، اي تشابه في الاسماء او الاوصاف صدفة بحته. بجوار شط العرب تنبثق قصة حب ،من قلب المعاناة ، تاخذنا الاحلام الى كل تلك الاماكن بحثا عن...
