شر النفوس و لا الزمن🔞

٢

الفصل الأول:-
الأمل

عاشة في بيت صحبتها السرة. تتجاذبان اطراف الحديث..
عاشة: .السرة مشيتي لمنى؟؟
السرة::لالا مالها منى؟؟
عاشة: منى الليله مسافرة للجامعه..والناس ماشين يودعوها..
السرة:ارحكاكي نودعها خلاس..
عاشة:ماني ماشه اودع ليها شنو كمان ؟؟!!
السرة اجي ياخواتي..بتسألي مالك طيب؟؟
عاشة :قلت اشوف الشمار شنو اكان مشيتي ليها..قالوا كم راجل من رجال الحلة اتلمو عند العمدة عشان يحموها ماتمش تقرأ..
السرة:الله يستر..منى مسكينة..اكان حموها بتموت..
عاشة :البكتلها شنو؟؟اسع اتي حموك ماتقري الجاك شنو مُتي؟؟وانا الاساس ماقريتو مالي جاني شنو؟
السرة:لالا مامت..علا حالي عاجباك يعني؟؟الراجل قروشو دووووب مكفيانا..نحن وناس امو..
ووقت يكون في زول عيان ولا دايرين شئ اضافي علا نتدين..كان قريت اسي ماكت اشتغل
اي شئ اشيل منو الحمل شوية..
عاشة:شغل شنو وشقى شنو..المرة خلقوها عشان تتستت والراجل يجيب القروش من عيونو..والله انا يجيني راجل زي راجلك دا اطلقو ولا اجيب خبرو..
السرة:هووووي اختيني بي جنك دا..عشان كدي اتي مافي زول بدورك..وياكي البايرة..
عاشة:مابرتي اتي..ابور انا السمحه؟؟
السرة:والله اتي شوفتك لي روحك دي الا تجيب اجلك..
عاشة:ابرى واستبرأ..مالك علي؟صغيرة وجاهلة بتدوري تكتليني علي اهلي..؟؟
السرة :خلاس خلي النقة الكتيرة وارحكاكي علي منى نودعها وبدور اديها رقم محمد اخوي
عشان تضرب لمن تصل هناك وتطمن اهلها..
طبعا هنا عاشة حست بالخطر لانو محمد دا هي خاته عينها عليه..وهو اوجه اولاد الحلة
واكثرهم ادبا..كمان محافظ المنطقه..شاب صغير ومهذب..في بالها قالت يالطيف..
عاشة: الا رقم محمد؟؟محمد مافاضي ليها..اديها رقم اي واحد من اولاد الحلة العندهم تلفونات ديل..
تعاين ليها السرة بنظره معناها فاهماكي انا..وتجرها من يدها علي بيت منى ..

يتبع...