وقع إسماعيل مغشياً عليه، وعلت أصوات حسن ومحمد مما جعل نفيسة ومنى واخوتها يهرعون إليهم،، كان محمد يحاول أن يوقظ عمه، هرولت منى وعادت بكوب من الماء وأخذت ترشه به، واحضرت والدتها بصلة، ووضعتها علي انف إسماعيل، احضر محمد كوب ماء الا أنه لم يستفيق الا بعد جهد..
منى: والله يابا الكلام دا كلو كضب، انا بتك وانت ربيتني تربية حلال وبتعب ضراعك وعرق جبينك ، ماتصدق كلام ناس الحلة😭
كان والدها ينظر إليها والدموع تنهمر من عينيه..
منى: اتكلم معاي يابا ، سكتتك دي حارقة قلبي، قولي انا واثق منك، قولي عافي منك💔
حسن: نحن كلنا واثقين منك يا بتي، لكن لازم الموضوع يتحسم..
منى: يتحسم كيفن!؟ قولي؟ نسكت الخشامة والشُمات(الشمتانين) كيف؟
حسن: نعقد ليك انت ومحمد ولدي ، وبكدا الموضوع بهمد شوية..
منى: وقرايتي يا عمي؟ وكدي الناس بسكتوا؟؟؟ لا والله..
نفيسه ودموعها تنهمر: ذي مابقولوا الجات من السماء بتحملها الواطة، والسيدة عائشة رضي الله عنها اتهموها، ودا إبتلاء يابتي اصبري عليه.. وكتري من حسبي الله ونعم الوكيل 😭
تعلقت العيون الدامعة باسماعيل عندما تحدث بصوت مرتجف، ونفرت دمعه يتيمة من عينه اليمني على خده، مسحتها منى بيدها : منى يا بتي، انا واثق فيك وعافي منك.. وود عمك هدأ قدامك لو موافقة عليه قولي، ولو ما موافقة مافي زول بغصبك،، وكان خايفة من كلام ناس الحلة انا سكينتي دي(ولمس بيده الجفير الذي يربطه على ذراعه) بقص بيها لسان اي زول يقول فيك كلمة...
منى: الله يخليك يا ابوي..
قاطعها محمد موجهاً كلامه لعمه: مايحصل غير الفي خاطركم يا عمي، والبرشكم بالموية انا برشوا بالدم، وكان بتسمحوا لي عندي كلمتين مع منى نقولهن ونرجع ليكم باتفاقنا😶
خرجا من الغرفة وجلسا في ظل جدار الحوش على مرأى منهم لكن لا يسمعونهم طلب منها محمد ان تجلس على (العنقريب)
محمد: منى انا عارفك ما بتدوريني، لكن وافقي ، نسوي خطوبة بس ونقوليهم لحد ماتخلص قرايتها ،، ولما تخلص قرايتك الله يفرجها.. وماتخافي انا مابغصبك علي،، انا كمان بشوفك ذي اخواتي ..
في هذه اللحظة حضرت السرة.. جلست معهم واخبرت منى أنها سمعت بكل ما يقال عن منى إلا أنها لم تشأ أن تذيد همومها..
السرة: منى ياختي، خليها علي الله، وهدا محمد أخوي قدامك الدايراهو بسوي ليك... لكن كلام الناس ما بنتهي، انت كملي قرايتك الفيه خير ربنا بسويه😊
*
عاد الجميع إلى الدراسة بعد إجازة بسيطة في عدد ايامها وكثيرة المصائب التي حدثت بها...التقت منى وتبيان ...
تبيان: لا حول ولا قوه الا بالله دا كلو حصل معاكي؟؟ ربنا يقويك😢
متى:الحمد لله على كل حال..
تبيان : بس فهميني الكلام دا النشروا منو؟ ويقصد شنو؟؟
منى: حسبي الله ونعم الوكيل فيه ..خلينا كدي مني انا،، انت اجازتك كيف واهلك خليتيهم كيف؟
تبيان كلهم تمااام الحمد لله
منى: وناس عمك لقيتيهم كيف؟😉
تبيان: ههههه كويسين ولقيت وليد منتظرني في المطار، وجايب لي بوكيه بتاع ورود هديه😅💓
منى: وب وب من الحب..دا تصريح عديل💓
تبيان وقد اكفهر وجهها: ودا المخوفني، أنه يحبني وانا كمان ابتديت احبه😢
منى: وتخافي ليه!؟مش ود عمك؟!
تبيان: انت ناسيه امو؟
منى: خليها علي الله بتتسهل..
تبيان: ونعم بالله، يلا نتحرك على المكتبة.
توترت منى: لا الليلة عندي شغلة في الداخلية مهمة ماشة عليها😅
تحركت منى نحو باب الجامعه بسرعه وودعت تبيان دون أن تنتظر ردها،، فهي لا تود أن تخبر تبيان بأنها أصبحت تشتغل في الداخلية، تنظف الحمامات في الداخلية ، وغرف المشرفات وتغسل الملابس للمشرفات والطالبات،، نعم هي تريد الكسب الحلال،، أصبحت تقسم وقتها مابين الجامعة والمزاكرة والشغل الذي تُخرج منه مايكفي أدنى متطلباتها وترسل المتبقي لاهلها، ليس بالكثير لكنه افضل من لاشئ...
في أحد الأيام بينما أكملت غسل ملابس إحدى الطالبات كان التعب قد نال من جسدها..رفضت البنت اعطاءها المبلغ بحجة أنها ليس لديها الآن.. وكانت منى تعول عليه في شراء شئ تأكله، فهي لها يومان لم تتذوق شيئاً غير الماء..استلقت على سريرها وكانت بطنها تؤلمها من شدة الجوع،، تزكرت ان شنطتها تحوي كيساً به دقيق زرة.. إبتسمت عندما تذكرت والدتها وهي تقول(منى يابتي عارفه الداخليه ما بعوسوا فيها لكن شيليه إن شاء الله تصوتيه نشاء وتشربيها)
قامت واحضرت كوباً مليئاً بالماء ووضعت به كمية لا بأس بها من الدقيق..وتحركت في الغرفة.. لكن بالطبع ليس لديها ماتطبخه فيه، ولن تعرض نفسها لسخرية مها وشبيهاتها، أغمضت عينيها وتجرعت هذا الخليط،، وكانت الدموع تنهمر من عينيها... شربت حتى إكتفت..حمدت الله قائلةً: اللهم أدمها نعمة واحفظها من الزوال...
مها وشذى:ههههههههههه هههههههههههههههههههه
لم تلتفت عليهن
.. بل خرجت وتركت الغرفة..لكن هديل حضرت إلى داخل الغرفة عند سماعها لاصواتهن أخذت تسأل: والله صوتكم جابني من آخر الممر..تضحكن كدا مالكن بالليل دا؟؟😅
شذى: هههههه ههههه ماقادرة أحكي ليها إنت يا مها😂😂😂😂
مها:صاحبتك.. 😂😂
هديل: صاحبتي منو؟؟؟
شذى: منى😂😂😂😂😂 وااااي يابطني😂😂😂
هديل: مالها؟ ضحكوني معاكم😅
مها: شربت دقيق بموية، وقالت شنو!!! اللهم أدمها نعمة واحفظها من الزوال كأنها أكلت أصناف مصنفه والمحمر والمقمر😄😄😄
شذى: واكلت تحليه وشربت عصير كمان😂😂😂😂
هديل: حرام عليكم البت مسكينة وغلبانه ومتشاقيه في الداخلية تشتغل علشان تطلع حق اللقمة اللي بتاكلها، وتخدم البنات وما بدوها حقها ومابتشاكلهم بتعفاهن ليهن، وهدي هي برة بتكون سمعتكم،، حرام عليكم ياااخي ماعندكم احساس😭😭😭
.............
نحن مادايما بتكون عارفين ظروف الناس فياريت نحاول نخت نفسنا في محل الزول القدامنا دائماً، ونحاول نتعامل بالحسنى مع الناس، وما نجرح زول لا بحركة لا بكلمه لأن جروح النفوس دي مااااا بتلتئم💔💔😢
ونعرف إنو......
#قدر_الزول_مرات_بذلو
يتبع
أنت تقرأ
شر النفوس و لا الزمن🔞
Randomالرواية دي قد تكون جريئة شوية، علشان كدا بنبهك لو ما لونك المفضل إتخطيها�� المقدمة:- أصبحنا نعاني الكثير من المشاكل في عصرنا هذا وكل شخص يرى أن هنالك سبب في تلك المشاكل، بعضهم يعزوها إلى العولمة، وبعضهم الى الظروف، والبعض الآخر يرى أن الجامعات والد...
