كانت تبيان تحدث والدتها عبر الهاتف عندما حضرت صوفي واخبرتها بأن هناك من يود رؤيتها...ليس من العادة أن يطلب أحد رؤيتها في هذا المنزل...ولا أحد يطيق وجودها من الأصل، عدا وليد💓... و بالتأكيد لن يطلب حضورها للأسفل فهو إما يحضر إلى غرفتها أو يهاتفها ...
نزلت الدرج وقلبها يرتجف من أن تكون زوجة عمها قد كادت لها شيئاً، والآن عمها ليس موجود كيف لها أن تدافع عن نفسها إذا قامت رجاء بإفتعال مشكلة معها؟؟؟ توقفت في آخر درجات السلم وهي تحاول معرفة البنت والولد الذين يجلسان في الأريكة المقابلة للسلم...
تحركت نحوهم وقد أحست بأنها رأتهم من قبل...لكن أين؟؟؟
وصلت ..وقفت لها الفتاة تحييها بحرارة...
تبيان: إيمااااان؟؟؟
إيمان: ايييوااا إيمان ياكعبة😅
ازيك وكيف اخبارك؟؟
تبيان : تمااام الحمد لله تسلمي..انت كيفك؟
إيمان: تمااام الحمد لله..
تبيان: أمجد ازييك؟ كيف صحتك؟
أمجد: انا بخييير الحمد لله تسلمي..كيف مع الجامعة؟؟
تبيان: تمام الحمد لله..انتو اخباركم شنوو..وجامعتك كيف؟
أمجد: ههههه جامعة شنو يا ماما ..انا شغااال..مفتكراني برلوم ذيك؟؟😂😂
إيمان: هههههه ياستي أمجد دا اتخرج السنه المضت مايعمل ليك فيها كبير ساي😂😂
تبيان: والله بجد كنت عاوزة الاقيكم..لكن ماعرفت ليكم رقم..
أمجد: نحن شلنا رقم عمو صلاح يوم جينا من المطار واتصلنا عليه وصف لينا البيت قبل كم يوم..
إيمان: انا كان كتبت ليك رقمي ..ضيعتيه😤؟
في إثناء حوارهم المٙرِح هذا حضرت وئام إبنه عمها صلاح..إقتربت منهم.. ألقت عليهم التحية، وقامت تبيان بتعريفهم على بعضهم البعض.. كانت تخاف أن تقوم وئام بإحراجها أمام ضيوفها...إلا أنه من الواضح كان إستلطافها لهم💓 وكانت هذه اول جلسه تجمع وئام وتبيان معاً...ويكون الحوار جميلاً والضحكة والهزار و عنوانه..
أمجد:يلا نحن تستأذن بعد كدا..
وئام: لسه بدررري أقعدو شوية😯
تبيان: لسه ما كملنا ونسة خليكم شوية..
أمجد : ح نتقابل تاني ونتواصل أن شاء الله..المرة الجاية تعالوا لينا إنتو...
هموا بالخروج عندما أتت رجاء وواضح على ملامحها الشر..
رجاء: صوفي قالت لي الست تبيان عندها ضيوف😏 قولت أجي أشوفهم🤨
أمجد : عليكم السلام و رحمه الله تعالى وبركاته..
رمقته بنظرة متعالية جداً، واكملت : منو ديل يا تبيان؟!
تبيان: دي إيمان عوض التهامي...ودا أخو...
تغيرت ملامح رجاء تماماً ثم قالت: عوض التهامي؟؟ ناس محمد الخير التهامي؟؟
ردت عليها إيمان: ايوااا😏
تحركت نحو إيمان وهي تحتضنها وترحب بها.. توجهت نحو أمجد وهي ترحب به ...
رجاء: نورتونا وشرفتونا..إتفضلوا، المايعرفك يجهلك ..اعفوا لي ماعرفتكم..
كانت ردت فعل رجاء غريبة بالنسبة لتبيان، إلا أنها عادية بالنسبة لأمجد وإيمان..حتى وئام كانت ردت فعلها أقرب إلى الذهول..
أمجد: حصل خير يا خالتو..نستأذن ونجيكم مرة تانية..
إيمان: يلا يا تبيان، واديني رقمك اسجلوا وسجلي رقمي علشان نتواصل..والمرة الجاية انت تزورينا😍
تبيان: ان شاء الله..
رجاء: ح نزوركم كلنا أن شاء الله زيارة عائلية..وئام شيلي رقم إيمان علشان نزورهم أن شاء الله❤
تحركوا معهم حتى باب القصر..كانت سيارتهم الليكزيس الفخمة تشي بمقدار المال الذي لديهم..تبسمت رجاء لبنتها عند عودتهم للداخل : ديل الناس ولا بلاش..دي الاشكال الواحد يفتخر بمعرفتها.عارفة ناس التهامي ديل يعتبروا أغنى عائلة في السودان كللوو .. قروشنا نحن ولا شئ بالنسبه ليهم..وانا لي زمممن بفتش طريقه نتعرف بيها عليهم...وكمان لو في نصيب ليك في الولد دا يكون دا المنى😍
أصبري لي بس أمخمخها ليك تمااام...وانت طوالي اضربي لاختو وشوفيهم وصلوا كيف..إتلحلحي...
كانت هذه الجمل حلاً للغز الذي حير تبيان..فرجاء لا يمكن أن تغير موقفها هكذا دون سبب مادي مقنع...وهذا سبب أكثر من مقنع...
أما وئام فقد لفت نظرها أمجد منذ أن رأته من بلكونة غرفتها يدخل القصر ..وكونه شاب من عائلة مرموقة فهذا ذاد جماله في عينيها أضعاااف💓
*
كانت تبيان تصعد الدرج متوجهة نحو غرفتها عندما أحست بخطوات سريعه على السلالم خلفها، إلتفتت فرأت وليد يصعد الدرج وملامح وجهه لا تُفٙسر..مر بجانبها دون أن ينظر إليها..أو يلقي عليها التحية..أسرعت خلفه وهي تنادي بإسمه..دخل غرفته وكانت وراءه إلتفت ليغلق الباب فوجدها أمامه.. تحرك لداخل الغرفه وهو صامت ، جلس على السرير ووضع يديه على رأسه..كانت تراه يتألم..يحمل هم الدنيا على أكتافه...إقتربت منه...
تبيان: وليد..
وليد:.....
تبيان: وليييد.. ولييييد مالك؟ ليه كل الزعل دا؟؟
وليد:..........
تبيان: إنت ماعاوز تتكلم معاي انا؟ وانت مُتنفسي الوحيد، أشكي ليك وتطبطب علي، متقوية بيك...
متأملة خير في الجاي بوجودك إنت فيه...
كلما أتعب أتذكر تشجيعك لي واقول ما بخذلك...
وانت حتى ما عاوز تشكي لي المزعلك شنو؟
كانت كلماته كالسكاكين تقطع قلبه وتُدميه..تجلده بقسوة...
رفع رأسه وهو يحاول أن يمنع دموعه المتكونة في عينيه م
رفع رأسه وهو يحاول أن يمنع دموعه المتكونة في عينيه من الإنحدار...
وليد: صعب أحكي ليك...ليك إنت بالذات مابقدر أفضفض بالجواي، لأني ممكن أخسرك💔
وانا يستحيييييل أفرط فيك...إنت أنبل وأنضف حاجة في حياتي...ودا المُتعبني!
ماعاوز أخسرك..عاوزك معاي .
تبيان ودموعها تسيل على خدها: انا معاك.. بس فهمني مالك؟؟أحكي لي ، أي مشكلة ممكن نتخطاها مع بعض😧 لو نحن فعلاً بنحب بعض😢..
وليد: ح يجي يوم واحكي ليك ..ح تعرفي كل أسراري أوعدك...لكن لما أنا أكون قادر أحكيها...بس قبل دا كلو إتأكدي إن قلبي دا مافي بت ملتو قلبك..ولا يمكن تدخلو وحدة بعدك...
____
أحياناً أقرب الناس إلينا لا نستطيع أن نكون صريحين معهم...مخافة أن نفقدهم💔
خوفاً على مشاعرهم..فبعض الأسرار إن كشفت قد تهدم العلاقات وتزعزع الثقة..وتفقدنا أحباباً لم نعتقد يوماً أن قد يبتعدوا....
يتبع......
أنت تقرأ
شر النفوس و لا الزمن🔞
Randomالرواية دي قد تكون جريئة شوية، علشان كدا بنبهك لو ما لونك المفضل إتخطيها�� المقدمة:- أصبحنا نعاني الكثير من المشاكل في عصرنا هذا وكل شخص يرى أن هنالك سبب في تلك المشاكل، بعضهم يعزوها إلى العولمة، وبعضهم الى الظروف، والبعض الآخر يرى أن الجامعات والد...
