رجاء: إنت بت صابر ؟ نعرف كيف؟ إذا كانت أمك مامعروف جايبنها من وين...والفي والدك بقالدك،، أمك لقيطة.. نحن نضمن كيف إنك بت حلال؟؟..وانا مابشرفني يكون بينا وبين امك نسب!!!
كانت تبيان تحس بأن زوجة عمها تريد أن تخرجها عن طورها...حاولت أن تتماسك...
تبيان: يا خالتو الكلام دا أنا ح أعتبر نفسي ماسمعتو..
وليد: يا أمي خلاص كفاية... أطلعي برة يا تبيان أمشي غرفتك😢
رجاء: ما كفاية ولا شئ خليها تعرف الحقيقة...وتعرف أن أمها مابت عمي سليمان ذي ما هي مفتكرة...ولا بتقرب لينا ...دي لقوها جنب المسجد وربوها..لو مامصدقاني اسألي أمك ولا أبوكعن الكلام دا...وانا مستحيييييل اوافق اننا نناسبها...نقول للناس أم العروس منو؟ بت منو؟ أهلها منو؟؟
شعرت تبيان بأن الأرض تتهاوى من تحتها أسندت نفسها على باب الغرفة خرجت نحو غرفتها وكانت اجر أرجلها جراً.. إرتدت عباءتها وخرجت نحو الشارع..لا تعرف إلى أين تتوجه...
لابد وان تعرف الحقيقة...توجهت نحو منزل خالها مصطفى أجل هو الوحيد القادر على أن يخبرها الحقيقة...أوقفت عربة أجرة و وصفت له العنوان طوال الطريق كانت تستغفر الله ..كان الخوف من أن يكون كلام رجاء حقيقة يملأ قلبها ...
*****
فرغت منى من أعمالها...وتحركت نحو منزل محاسن كما كان متفق..كانت متحمسة جداً للقاء بنات عمها ...ومتخوفة من سماع مايقال عنها في القرية...
إستقبلتها الفتيات بحفاوة طمئنت قلبها وأكدت لنفسها أنهن في صفها حتى ولو عاداها جميع من في الكون💓
منى: السرة أهلك خليتيهم كيف؟
السرة: تماااام الحمد لله يسلموا عليك سلام شديد..
منى: عليك الله كيف امي وابوي واخواني😰
السرة: كويسين يا بت مالك متجرسة كدا...البشوف بكاك دا يقول شافع فاطمنو مايقول زولة كبيييرة في الجامعة...
محاسن: ههههه خليها يا السرة منى حنينة...اها اخبار ناس الحلة شنو؟؟؟
السرة: مافي شي جديد...الحلة ياها ذي ما هي ....😅
منى: السرة.. نحن اخوات وصاحبات...
السرة: بالحيييل😘
منى: بدور اسعلك وخسمتك بالرسول تجاوبيني😧
السرة وقد فهمت ما يجول في خُلد منى: اسعلي😰
منى: الناس في الحلة قالوا شنو فيني؟
السرة:......
محاسن : الناس يقولوا بي قولن..اتي مالك ومال قوالاتهم...
منى: كلامك دا صاح لما يكونوا أهلك وناسك واثقين فيك....عِلا لمن يصدقوا فيك كلام الناس يبقى الكلام إختلف😢
محاسن: اهلك حافظنك وما مصدقين كلام الحلة...
السرة: نحن متأكدين منك و ضامنينك أكتر من ما ضامنين روحنا😰
منى: انا ذاتي قولت كدي في الأول...لكن كدي وريني الكلام الجديد شنو!؟
محاسن: ماتعكري دمك ساي ...كلنا ما مصدقينوا
منى: لو انت مامصدقاه ...غيرك مصدقوا😯
السرة : غيرها منو قاصدة منو انت؟؟؟
منى: اقرررب مثال محمد اخوك😭
السرة ومحاسن: شنوووو😨😨
محاسن: لالا محمد أخوي اكتر زول عااارفك..مابصددق
السرة: منو قاليك محمد بمصدق فيك كلام بطال ذي دا؟؟
منى: قالي هو براااااهو بخشمو😭 ...
دقيت ليه في تلفونو....
واخبرتهن بما قاله محمد لها في مكالمتهم الاخيرة...
محاسن: لالا محمد أخوي الا عيان...
السرة: لازم نعرف الزول القاليه الكلام دا منو...
منى: الكلام شنو يا ناس وروني😭😭
السرة بتردد: والله نحن واثقين فيك وما تشتغلي بيه...بس قالو إتي ماشة مشي بطال وبتصاحبي الرجال وبتعملي🔞 عشان كدا بقى عندك قروش وبترسلي منها لأهلك...لكن نحن ما مصدقين وعارفينك الغلط مابجي منك😢
منى: حسبي الله ونعم الوكيل😭.. لا إله إلا أنت سبحانك إني كنت من الظالمين 😭
محاسن: خليك قوية وما تشتغلي بالناس...
منى: حسبي الله ونعم الوكيل...محمد يصدق فيني كلام ذي دا؟؟؟ وانا أرسل لأهلي قروش حرام؟؟ لا أخاف من الله لا أخاف علي سمعتي؟؟؟
انا شغالة شغل الرجال مايستحملوه علشان اطلع قرش حلااال وما أمد يدي أشحد...انا بقعد في الكشك لحد قريب الصباح ابيع واطبع واصور...وكنت قبال كدي بنضف الحمامات واغسل للبنات هدومهن بالدستة..ومستحملة ذلة وإهانه...كلووو صااابرة عشان عارفه في النهاية اي قرش بجيني مال حلال مافيه شبهة...
محمد يصدق فيني كدي؟؟؟
السرة ومحاسن:😭😭😭😭😭😭😭😭😭😭
*****
اما في جانب وئام فقد كانت في الجامعة تنتظر زيارة أمجد لها...أخيراً تم لها مرادها وإستطاعت بدهاء ومكر بالاستعانة بوالدتها أن توقعه...
تنظر لأمجد وهو يتقدم نحوها ...
أمجد: السلام عليكم😊
وئام: عليكم السلام والرحمه..إزيييك..
أمجد: بخييير الحمد لله...انت كيف؟؟
وئام: تمام الحمد لله...
كانا يتكلمان دقيقه ويصمتان نصف ساعه...كانت العيون فقط تتحدث... كان إعجابهما ببعضهما واضحاً جداً...
وئام: ماتعاين لي كدا بتخجلني😊
أمجد : أغمض يعني؟؟😅
وئام : يكون أحسن...
أمجد: طيب عرفيني عليك😌 عاوز اعرف كل تفاصيلك اهلك صحباتك❤
وئام: وئام صلاح ..والدتي رجاء مبارك..عندي أخ واحد وليد ...عم واحد أبو تبيان ..وخالاتي سلوى وسناء..ساكنين في .....الخ
وانت؟
أمجد: إيك نحن عائلتنا كبيييييييرة..
انا أمجد واخواني اسعد وأمير..اخواتي إيمان و إيلاف
ابوي عوض التهامي.. اخواني عمر وعمار..عماتي اتنين توأم واحدة موجودة اسمها عائدة وواحدة اتوفت وهي صغيرة اسمها عزيزة...الخ
خالات ماعندي أمي وحيدة...
وئام: متواصلين مع أهلكم ديل كلهم؟
أمجد: اكيييييد وعندهم أولاد وبنات كمييييية عائلة كبيرة وممتدة ح تتعرفي عليهم بإذن الله
وئام: بإذنه تعالى
أمجد: بعدين عازمكم عشاء... انت وتبيان وإيمان...
وئام: أن شاء الله😊
لم تكن وئام تعلم أن تبيان قد تركت المنزل..
لم تكن تدري أن والدتها قد دمرت حياة بأكملها😢
______
أحياناً الإنتصار للنفس على حساب الآخرين يكلفنا أكثر مما يكسبنا...يكلفننا إنسانيتنا !!
يتبع......
أنت تقرأ
شر النفوس و لا الزمن🔞
Randomالرواية دي قد تكون جريئة شوية، علشان كدا بنبهك لو ما لونك المفضل إتخطيها�� المقدمة:- أصبحنا نعاني الكثير من المشاكل في عصرنا هذا وكل شخص يرى أن هنالك سبب في تلك المشاكل، بعضهم يعزوها إلى العولمة، وبعضهم الى الظروف، والبعض الآخر يرى أن الجامعات والد...
