لملمت إحسان خيبتها وإرتدت ملابسها وكان قلبها مجروحاً💔 ونفسها مكسورة😢
خرجت من الشقة متوجهة نحو الداخلية وهي تجر عاراً جديداً خلفها.. لا تدري ماذا تفعل...هل تذهب للشرطة وتقدم بلاغاً وتفضح نفسها؟ أم ترغم مهند بأن يتزوجها زواج رسمي؟؟ لكن كيف ذلك ؟؟
أحست بالغصة في حلقها وهي تتذكر كلام مهند(عقد شنو يا موهومة إنت؟ العقد دا تبلي وتشربي مويتو ، دي ورقة مضروبة لا بتودي لا بتجيب😂)...
تحركت نحو الداخلية لكنها لا تستطيع التركيز... ولا ترى أمامها من الدموع😭
*****
رن جرس الباب هرولت وئام لتفتح الباب بلهفة ... فهي تجلس مع تبيان و والدتها في إنتظار قدوم إيمان وأمجد لزيارة تبيان والإطمئنان عليها...
كانت حالت تبيان مستقرة نوعاً ما..
دلف أمجد وإيمان للغرفة..كانت تبيان تستلقى علي السرير ورأسها للسقف تبحلق في اللاشيء... ألقى عليها التحية وردت ببرود وعدم مبالاة..
جلس أمجد وإيمان ووئام يلفهم الحزن على حال تبيان.. حين حضرت والدة تبيان ... نظر إليها كلٌ من أمجد و إيمان بإستعجاب...
والدة تبيان (إنعام): السلام عليكم.. شرفتونا😊
أمجد وإيمان:............
إنعام: أهلاً وسهلا بيكم🤔
وئام لترفع الحرج عنهم: اهلا ياخالتو 😯
تدارك أمجد الموقف وتنحنح: عليكم السلام يا خالتو... معليش بس إتخلعنا شوية😅
إنعام: خير إن شاء الله الخلعكم شنو😯
أمجد: والله إفتكرتك عمتو عائدة نفسس الملامح والإبتسامة وكل شي😯
وئام: سبحان الله يخلق من الشبه أربعين☺
أمجد: والله دا ماشبه ساي دا تطابق عدييييل كدا.. لو ما عمتو سبناها في البيت كان قولت دي هي😂😂😂😂
إيمان: لالالا انا ماقادرة استوووعب شبه قدر كدا😯😯😯
قامت وئام بتقديم الضيافة لأمجد و إيمان.. وجلسوا جميعاً يتجاذبون أطراف الحديث... كانت جلسة جميلة حاول فيها أمجد وإيمان أن يغيروا من حال تبيان ويجعلوها تبتسم ...
*****
عادت منى مع محاسن والسرة إلى بيت محاسن...كانت حالة تبيان تقطع قلوبهن 😭
منى: والله تبيان وأمها مساكين الله يستر عليهم 😔
محاسن: لا حول ولا قوه الا بالله...الدنيا دي فيها قصص وعبر...
السرة: الزول ممكن تحصل ليه حاجة فجأة تقلب حياتو فوق تحت..
منى: سبحان الله...
إستمر حديثهما عدة دقائق حتى تحدثت السرة أخيراً...
السرة: منى محمد أخوي قال ضرب ليك كتير مارديتي عليه😢
منى: أرد عليه أقول ليه شنو؟
محاسن: إتفاهمي معاه..نحن حكينا ليه الكلام القولتيه لينا كلووو... وهو زعلان من روحو شديد قال دايرك تعفي ليه لأنه صدق فيك الكلام دا😢
وهدا أنا هسي بضرب ليه أديك ليه تتكلمي معاه😰
منى: لا تضربي لا أنا بكلمو خلااااص الوجع الفيني خلاني ماطايقة اسمع صوت اي زول😭
السرة: لازم تكلميه.. قال داير يشوف حد الكلام دا شنو..ويعرف مصدرو ويجيب ليك حقك...
منى: وينفع بعد دا؟ماشي يمسك ناس الحلة بالنفر ويقوليهم الكلام السمعتوه دا كضب ساي؟
تدفع محاسن بهاتفها لمنى بعد أن طلبت رقم محمد أخيها ...
محاسن: هاك يا منى دا محمد... بعد جدل أمسكت الهاتف..
منى : الوو
محمد: الوو.منى... والله خجلان منك...العفوووو
منى:........
محمد : انا عارفك طيبة وقلبك نضيف.... والله كنت زعلان بس لكن من جواي مامصدق الكلام ... كنت حاسي ان الكلام مابشبهك....
منى: وكت حاسي مابشبهني ما نكرتو مالك؟ ما وقفت قدام الزول الجابو ليك وقولت ليه بت عمي أشرف من أي بت لشنو؟؟ انا البت يا محمد لو جاني زول قالي فيك ولا في اخواتك كلمة كعبة ممكن امسكو أخنقو أنهش لحمو ...عارف لشنو؟؟؟ لاني مابصدق فيكم ولا بستحمل فيكم...😔😢
محمد: حقك علي والله الغلط ماليني من ساسي لراسي...لكن والله ما اخلي حقك إلا أعرف الكلام دا جاء من وين...
تحرك محمد من مكانه بعد أن أغلق الهاتف...كان يعلم أين سوف يتوجه.... إلى منزل عائشة بالتأكيد..
طرق الباب ففتحت له والدتها حاجة زينب...
والدة عائشة(زينب): اهلا محمد...ازيك آآ ولدي ...إن شاء الله أهلك طيبين؟
محمد: اهلا يا خالتي... تمام الحمد لله...إت كيف صحتك؟
زينب: الحمد لله طيبة تب... إنعل ماعندك عوجة؟؟؟
محمد: كنت داير عائشة في كلام كدي يا خالتي..
زينب وقد تملكها الفضول: كلام شنو كمان؟؟
محمد: خليني أكلمها وإتِ أقعدي أسمعي...
زينب: سمح، أبقى داخل لاجوة وانا بناديها...
تحركت زينب ناحية المطبخ... وجدت عائشة تقوم بترتيب بعض الأغراض...
عائشة: الكان بدق في الباب دا منو آ يمة؟
زبنب: دا محمد ود صلاح😏
عائشة: م م محمد😊💓.. مالو؟
زينب : قال بدورك في حديث🤐😑
تبسمت عائشة وهي تعتقد أنه يريد أن يتقدم لها... تحركت تتبعها والدتها نحو الصالون حيث ينتظرها محمد والشرر يتطاير من عينيه من شدة الغضب😤😡
عائشة: السلام عليكم😯
محمد: عليكم السلام.. أقعدي يا خالتي زينب عندي حديث مع عاشة دي وبدورك تكوني حاضرة😕
زينب: سمح آ ولدي، إن شاء الله خير بس😧
محمد: خير يجي من وين !!؟
وإلتفت ناحية عائشه التي كان التوتر والخوف يتملكانها..
محمد: إتِ آ عاشة ... قبال كم يوم كدي قولتي لي شنو عن منى بت عمي إسماعيل؟؟؟!!
عائشة والرعب يملأ قلبها إلا أنها تحاول أن تتماسك: قلت ليك شنو؟🤔
محمد وهو يرفع صوته وملامحه تتغير حتى يفزع عائشة و والدتها: انا سألتك جاوبي سؤالي ...قولتي شنو😡؟؟
عائشة وهي تتصنع القوة وتتكلم بحدة وصوت عالي: قولت ليك ناس الحلة قالوا القروش البترسلها منى لاهلها ديل جايباها من المشي البطال ومصاحبة الرجال... لأنو الجامعة ما بتصرف للناس قروش😏
محمد: ما تعلي صوتك اول شي... تاني شي انا بدور أعرف الكلام دا جاء من وين؟؟؟؟😤
زينب: يا محمد يا ولدي ربنا يستر علي البنيات، عِلا عاشة بتي شِن دخلها بالكلام دا؟ دا كلام الحلة كللللها تقول فيه😨
محمد: آي عارف الحلة كلها تقول فيه ، لكن داير ألم في الزول القالو، واجيبوا الحق حدو...
عائشة: حد شنو آ آ محمد،، كلام ذي دا تطفيه عشان الفضيحة عشان سمعتها ماتتوسخ اكتر من كدي ... لكن ماشي وراه تكوس المشاكل؟
محمد: عاشه هوووي إنت عارفة منى شنو... أوعى أسمعك تتكلمي فيها كلام ما كويس وانا يمين بالله ما اوصل حد الكلام دا ما أرتاح... والزول القال الكلام دا بعرف أسوي فوقوا شنو... عشان كدي أحسن ليك بالهداوة توريني إتِ القاليك منو؟
كان محمد يتحدث بإنفعال وفمه يرغي ويذبد.. منظره وأسلوبه أخاف عائشة التي أخذت تتمتم خوفاً منه...
محمد: أنضمي .... ماتبرطمي بتحت تحت😡
عائشة: انا قالت لي إحسان 😭
وهي معاها في الداخلية كما شافت شي ماقالت😢
محمد: خلاص لحد هنا وكفى !!!😡 ... أقسم بالله تاني تذيدي كلمة فوق منى تشوفي محمد تاني مابتعرفيه أمرمطك وابهدلك... وإحسان حسابها معاي...
خرج محمد مندفعاً نحو الشارع... ركب عربته وتوجه نحو العاصمة والغضب يسيطر عليه 😤😤
....
يتبع....
أنت تقرأ
شر النفوس و لا الزمن🔞
Randomالرواية دي قد تكون جريئة شوية، علشان كدا بنبهك لو ما لونك المفضل إتخطيها�� المقدمة:- أصبحنا نعاني الكثير من المشاكل في عصرنا هذا وكل شخص يرى أن هنالك سبب في تلك المشاكل، بعضهم يعزوها إلى العولمة، وبعضهم الى الظروف، والبعض الآخر يرى أن الجامعات والد...
