أفاقت تبيان وهي تنظر حولها...كانت ترقد على سرير وبيدها فراشه موصولة بدرب معلق بالقرب منها..إنها في مستشفى بلا شك... كانت تستعيد الأحداث في رأسها...تمنت أن يكون هذا حلماً...إحساس مرير أن يكون الشخص مشكوكا ً في نسبه... رأت منى أن تبيان تتحرك ..نظرت لوجهها...كانت مغمضة العينين إلا أن دموعها كانت تنهمر على جانبي وجهها وتبلل الوسادة...
تحركت منى نحوها بلهفة وهي تسألها:
تبيان حمدا لله بسلامتك..كفارة إن شاء الله...😢
وإقترب منها خالها وزوجته وأختها كانوا يحاولون الإطمئنان عليها شخص واحد سجد شكراً لله على سلامتها ولم يقوى على أن يقترب منها أو أن يتحرك.. كان ذلك الشخص هو وليد💔
كانت تبكي بمرارة وتحاول أن تتكلم لكن لم يكن كلامها مفهوماً،،
منى: إرتاحي يا تبيان،، ماتجهدي نفسك...واستغفري بس...
تبيان: عاوزة خالو مصطفى لو سمحتوا انتو اطلعوا برة...
خرج الجميع تقديراً لحالتها النفسية وتركوا معها مصطفى فقط حسب طلبها...
تبيان : ياخالو فهمني الحاصل ...ماممكن 😫
مصطفى: طيب أمك أمبارح إتصلت عليك كتير تلفونك مقفول..ورجعت لي انا وانا كلمتها بالحصل...والحمد لله لقت فرصة حجز حجزت وجاية بكرة الصباح باذن الله...وقالت لي اخليك لما هي تجي تتكلم معاك بنفسها...
تبيان: تتكلم تقول شنوووو😭😭 وانا بقدر أنتظر لحد بكرة؟؟؟؟ حرااام عليكم جاوبوني...
مصطفى:.....😢
قطع كلامهم دخول صلاح و وئام.... أشاحت تبيان وجهها عنهم ...وكان قلبها ينقبض كأنه سوف ينفجر...وكانت تحس بضيق شديد...
إقترب منها عمها صلاح والدموع تنفر من عينيه..بينما وقفت وئام بالقرب من الباب تبكي😭
صلاح: أعفي لينا يا تبيان يا بتي،،، رجاء غلطاااانه من ساسها لراسها...وأمك مرة بألف راجل مافي منها إتنين في الدنيا دي...
تبيان: لو عاوزني ارتاح وريني يا عمو الكلام دا حقيقة ولا لا؟
صلاح: اوريك شنو يا بتي ولا شنو؟؟؟😭
تبيان : وريني الحقيقة بس، انا من امبارح مافي زول راضي يجاوبني، وكمان خالو مصطفى بيقولي إنتظري أمك لبكرة...مااابقدر ماااابقدر😭😭😭
كانت تبكي بكاءً مريراً قطع قلوبهم...فقرر صلاح إخبارها بالحقيقة... جلس بالقرب منها وحاول أن يبدو متماسكاً...
صلاح: تبيان يا بتي... في الدنيا دي بتحصل حاجات غصباً عن الناس...وفي زول بيلقى نفسو في مواقف ما بإرادتو ولا ليه فيها يد... كلو بأمر ربنا....بس الواحد يخلي إيمانو قوي بربنا ويعرف إنه أمرو كلو خير...
أنا ح أحكي ليك الحصل كلوو بس اوعدني بعد أكمل كلامي تقفلي الموضوع
تبيان: انا أقفل الموضوع؟؟؟ موضوع ذي دا ما بتقفل أبداً، بس كدي أحكي لي الحاصل😢
صلاح: جدك اللي هو عمي سليمان( صابر والد تبيان وصلاح أخيه ... ومصطفي ...ورجاء زوجة صلاح كلهم أبناء عمومة)
كان في السوق...عندو محلات هناك...وكان اليوم يوم وقفة ...والزحمة كانت شدييدة...لاحظ لبت صغيرة عمرها حوالي 4 سنين دخلت المحل وهي بتبكي...مسكها وبقي يسأل فيها هي منو وبت منو وجات السوق مع منو...بس الطفلة كانت بتبكككي...
حاول يهديها ويسأل الناس الفي المحل إذا في زول تائهة منو بت...وطلع برة المحل وبقي يسأل في الشارع الفيه المحل إذا في زول تايهة منو بت...واستمر هو والعمال المعاه يفتشوا لأهلها لحد وقت متأخر من الليل في الآخر قرر عمي سليمان يسوقها ويمش القسم يعمل بلاغ...فعلا وداها القسم ....
سلم على الضابط المناوب اللي قابلوا ببشاشة لأنو بعرفو شخصياً عمي سليمان محلاتو قريبة من القسم وعلاقتو معاهم حلوة..
كلم الضابط بموضوع البت وسالو عن الإجراءات اللي مفروض تتعمل شنو؟
جاوبوا الضابط:
طيب يا عم سليمان عندنا إجراءات لازم تتعمل ... اول اجراء يتم تسليم الطفلة دي لينا هنا في القسم ونحن نتحفظ عليه و نفتح يومية اجراءات وننشر عنها بوسائل الاعلام مع صورتها
إذا لم يظهر لها أهل يتم تحويلها لدار الرعاية الاجتماعية وهناك يتم تسجيله ويفتح لها ملف بعد بحث حالتها وسؤالها شخصياً جات من وين وأهلها منو وبيتهم وكدا ..
في حالة عدم التوصل لاهلها نهائيا تقوم الدار بتسميته باسم ويلحق باحدي دور الرعاية
ويتعمل بلاغ...
اذا تبرع احد بتبنيه لديهم اجراءات وتوثيقات لامر التبني وتعهدات على الشخص المتبني بحسن الرعاية والتربية وتتابع حالته للتأكد من انه بوضع جيد فمتي ثبت اهمال او سوء معاملة يتم سحبه منه وإعادته للدار....
هي كانت بس بتقوليهم ماما وبابا...وإسمها بتقول (زا) واضح كان عندها مشكلة في الكلام...المهم وداها عملوا البلاغ وصورها علي أساس لو أهلها جو يتعرفوا عليها وبودوا الصور للجرائد..ولأنو بكرة العيد أقنع عم سليمان الضابط الموجود في القسم إنه يسوقها معاه البيت تعيد معاهم ولو أهلها جو يسألوا عنها بيتو ومحلاتو معروفين لناس القسم بتاع السوق...و الضابط كتب ورقه بالكلام دا وعمي سليمان مضى عليها وكلم الناس الشغالين في المحل لو جاء زول يسأل عن بت تايهة يجوه في البيت...
المهم مرت الأيام ومافي زول جاء سأل من البت...وزوجة عمي سليمان كانت والدة مصطفى بس وفي الولادة حصل ليها نزيف وشالو الرحم..أقنعت عمي إنه يمش المحكمة ويسجل البت في إسمو(يتبناها)
إتعملت الإجراءات كلها وأمك بقت بت عمو سليمان...وبقينا اولاد عم...والموضوع دا إتنسى...لحد ما أبوك قرر يتزوجها...
وهنا حصلت الكارثة...أمي وابوي ربنا يرحمهم رفضوا وحكوا لينا القصة ...أبوك إتمسك بيها ذيادة وقال هي ماعندها ذنب في الحصل ليها ... وأبوي حلف ليه إذا إتزوجها يتبرى منو...
عمي سليمان قال لأمك إنت أيوة مابتي من صلبي لكن انا ربيتك علي يدي...والعاوزاه أنا معاك...
وإتزوجوا أمك وأبوك غصباً عن أهلي كلهم... ودا سبب حرمان أبوك من الميراث😢😢
_________
لا تعاقب أحداً على شئ ليس له فيه يد...كالأصل والفصل...والحسب والنسب،،، بل عاقبه على تعامله وأخلاقه فهذا في يده ومن صنعه!!😢😢
يتبع......
أنت تقرأ
شر النفوس و لا الزمن🔞
Randomالرواية دي قد تكون جريئة شوية، علشان كدا بنبهك لو ما لونك المفضل إتخطيها�� المقدمة:- أصبحنا نعاني الكثير من المشاكل في عصرنا هذا وكل شخص يرى أن هنالك سبب في تلك المشاكل، بعضهم يعزوها إلى العولمة، وبعضهم الى الظروف، والبعض الآخر يرى أن الجامعات والد...
