..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
دخل بسيارتو لفيلا ديالو و ورجال لابسين الاسود و مسلحين دايرين بالفيلا واضح مولاها رجل دولة ...خرج من سيارتو بملابس عادية ..داير نضارات شمسية وخطا خطوات تابتين لداخل..رغم انه فنفس عمر عصام الا انه كذالك من رجال الاعمال المشهورين و زيد عائلة لوزير عائلة غنية عن التعريف بالمغرب و صغير و الكبير كيعرفها..
عائلة عريقة من اصول فاسية و من جدود جدودهم لباس عليهم وعندهم مكانة كبيرة فدولة و مكيتزوجو غير بي بنت شكون وشكون ..
الوحيدين لي خرجو من جماعة ديال العائلة هو زهير لي تزوج بأسماء اخت صاحبو و متسوقش لأسم العائلي لان عصام كان واصل واسمو صايت و التاني هو عمو فؤاد لي تزوج بسلوى خالت هاجر وحيت كان الابن الاكبر مكان تا حد يقدر يوقف فوجهو وفور ما شاف سلوى وعجباتو مشا تزوجنا رغم ان مرزقهمش الله لولاد متخلاش عليها ومزال هو زوج الوفي و المحب لزوجتو ...عائلة متميزة بطيبة و تواضعها ...
دخل كيتنهد من الكلام لي داز بينو و بين عصام هاد صباح ...هز راسو فالجسد لي جالس فوق فوطوي دايرة رجل فوق رجل وجالسة حداها لالة الياقوت ...
اسماء فور ما شافتو داخل دورات وجها لجنب و هزات راسها لسما ...عض فمو من لداخل وتقدم بخطوات بسيطة راسم ابتسامة خفيفة على محيا وجهو....
زهير : نسيبتي العزيزة منورة ليا دار وانا اخر من يعلم ....
لياقوت هزات يديها محمرة فيه عنيها : كون كنت بصح عزيزة كنتي دير بوجهي و ما تعملش هاد لحالة لبنت شوف وجها كيف زرقتيه ليها تبغي نتا لي يضرب ليك ختك ...
زهير كمش حجبانو مزير شاف فاسماء : مكنتش باغي نضربها و وقعات فحالة غضب ما شعرتش بنفسي ا لالة الياقوت نتي عارفة اسماء حاطها فعيني و اليد لي تحط عليها نقطعها...
اسماء منفخة وعنيها ولاو كيبريو بدموع : اممم باينة ونتا ما خليتي فيا غير لي نسيتي ....
زهير حمر عينو فيها : اسماء راني مضربتكش بجهد وغير فحالت غضب ما وعيتش بنفسي ونتي عارفة اش درتي باش فقدت اعصابي معاك...
الياقوت جمعات الوقفة كترعد: اسمع اولد ناس بنتي عمر شي حد حط يدو عليها من صغرها تال كبرها ..وباش فأخر يامها تولي تصرفق فيها هكذا راه ما بقى ما يتقال ورا هادشي ولا تقالت عليك بنتي اولد ناس كاين خوها لي يهزها فوق راسو و يصرف عليها تا تموت ...
زهير كمش حجبانو : اش دانا لهادشي الالة الياقوت هذا مشكل و كيوقعو فيه كاع لي مزوجين وانا اييه غلطت من هزيت يدي لكن سولي بنتك اش دارت ....
الياقوت جرات اسماء لي كتبكي لعندها عنقتها كطبطب على ضهرها : صاافي ابنتي رخفي على روحك شوي من صباح ونتي تبكي ...
رجعاتها ورا ضهرها من شافت زهير جاي لعندها...
الياقوت هزات صبعها فوجهو محمرة عنيها فيه : شوف اولد ناس لعندك ما تقولو تسنا تا يرجع مول دار وتفاهم معاه اما بنتي مغاديش نخليها هنا وهي حالتها حالة ....
زهير شاف فأسماء لي حنكها حمر و صباعو مصورين فوجها ودموع هابطين كتبكي من نيتها و كتنخصص فأحضان مها خلات قلبو يتقطع عليها..بصوت ضعيف نطق...
زهير: اسماء واش لفراق هو لي غيحل مشاكلنا بالنسبة ليك...
اسماء ما شافتش جيهتو وبصوت مكسور نطقات : عافك اماما خرجيني من هنا ما بقيتش حاملة نشوف وجهو ....
الياقوت عنقاتها ومزال نضراتها قاصحين لزهير : الهضرة ماشي دابا وهاد الحالة لي درتيها لهاد لبنت غادي تندم عليها و اتندم مزيان ...
خرجاتها امام نضرات زهير لي عينو بقات جامدة على اسماء لي مشافتش فيه شوفة وهي خارجة بحالي ما كيعني ليها والو ...على وقفتو جلس فوق صداري وحط راسو على يديه ايطرطق من لداخل...
#بونوي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
