..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
طفلة بعمر الزهور على مشارف السن الرابع عشر ذات يوم وجدت نفسي قاتلة لروحي...البراءة.. برائتي و شرفي،شرف والدي أصبح في خبر كان... بإرادتي إنغمست في بحر الخطيئة و غرقت فيه أغرق و أستمر في الغرق و أغرق و لا منقذ لي لا ضمير و لا خوف و لا و لا و لا حتى وجدت نفسي في وحل العهر و الدناءة و الندم بدأ ... يتآكلني الندم و الحسرة ، أصبحت عاهرة بإرادة.. أ حقا بإرادة!! لا أظن ، بلى بإرادتي ألبست روحي ثوب العهر و تقمصت دور العاهرات المحترفات... و أسفي على روحي ... على تعب والداي...نفسي مشاعر رهيبة،مخيفة،أحتقر نفسي،أشمئز من جسدي روحي بريئة من ذمتي...ذمتي !!! لا حق لي على نفسي بعد فأنا أنتمي للائحة #القواصر... 🌼بقلمي🖋:#الغالية_ل 🌼
خرجو لباركو و كمال هاز طبسيل ديال الحلوى مشكلة وكاس اتاي حطهم فوق طبلة قدام سمير وجلس فالكرسي لمقابل ليه ..
كمال : كول بعدا راك باين مزال بلا فطور ......
سمير شبك يدو و ملامحو ممفرزينش كيتهربو من سي كمال مقادرش يشوف فوجهو و بندم قال ....
- سي كمال نتا عارفني من نهار دخلت لعائلة وانا تيقة و كلشي شاهد على هادشي و اريج حسيتها طرف مني وحاجة غالية عندي بزاف ..
كمال حرك راسو : عارف اولدي هادشي كلشي شفتو بعيني...
سمير تزير كثر : انا درت غلط كبير اسي كمال و ما عرفتش كيف ندير نصلحو وجيت عندك نيشن على الله يتصلح على يديك ..."سكت شوي عاد قال"..انا و ار...
فوسط ينطق اسمها دخلات عليهم سمية مقطعاه و شافت فراجلها مخزرة ...
سمية : شفتك جالس و ديك صخرة لي لتحت شكون ايطلعها انا ...
كمال : انهضر مع الخدامة دياول القهوة يجيو يعاونوك ...
شاف فسمير لي وقف من صونا ليه تليفون جاوب ومن صوت الاخر عرفوه عصام لي كان كيطلب من سمير يجي عندو لوطيل ...قطع و دخل تليفون لجيبو و نضراتو ممفهومينش بغا يكمل كلامو لكن قاطعو كمال ...
كمال : خاصك تمشي تشوف سي عصام علاش باغيك ومن بعد نهضرو...
جمع الوقفة تابع مراتو لي كتشوف فيه نضرات ديال الموت وعلى سعدو ايهبط يطلع ليها صخرة لي بغات و مدهاش بزاف فكلام سمير و داير فبالو يهضرمعاه من بعد...كانو كاملين كيعاملو سمير واحد منهم يتيقو فيه هو و ميتقيوش فواحد من عائلتهم و من دمهم و لحمهم ولهدا تا واحد فيهم ما يقدر يتخيل ولا فكوابيسو ان سمير يقدر يدير داكشي مع اريج.. خدا ساروت من أيوب و ركب فسيارتو وشد طريقو لعند عصام و هو ايطرطق ..حاس براسو مقجوج و حلقو ناشف .....
متكية فوق ناموسية و عنيها على خالتها لي جالسة على طرف ناموسية شادة تليفون بين يديها ..هزات يديها جرات لكم ديال بينوار لحرير لي لابسة هاجر...
اريج بصوت متعب : مالكي اخالتي ...
هاجر تكات حداها ناعسين على جنب وكل وحدة كتشوف فالاخرى كان واحد شبه غريب بيناتهم و نفس لون العنين فقط الاختلاف فلون شعر لي صبغاتو اريج هاربة من واقع انها شبه خالتها ....هاجر بصوتها المبحوح قالت ....
-حاسة براسي مخنوقة ...
اريج : علاش ...
هاجر : حاسة هاد زواج مغاديش يكمل وعصام غادي يعاود يخليني كيف خلاني فالاول ..
اريج بخوف : علاش كتقولي هاد الهضرة اخالتي ...
هاجر حطات يديها على قلبها كيضرها : من دخلت لدار و تفارقت معاه وهادشي واقف ليا هنا بحال شي حد كيدفعني لهاوية ومعندي فين تشبت ....
اريج تزيرات : تا حاجة ما أتوقع أصلا عمي عصام كيبغيك و نتي مزوجة بيه هدا غير عرس كتعلني لناس انك رجعتي لراجلك ....
هاجر محساش براحة ...حاسة ان هناك حلقة مفرغة فداكرتها كتشوف غير تشاش مكيناش هناك رؤية واضحة و بدون وعي خرجات من فمها جملة ...
-ما حدو كيبغيني علاش طلقني من الأول ....
اريج الصمت غمضات عنيها ودارت راسها ناعسة بينما من لداخل غير ربي لي عالم بحالتها ..بقات هاجر كتشوف فيها بهدوء..غطاتها و وقفات كتشوف راسها بالمرأة...كانت الخطوبة اتم فليل وحاليا مزال غير وقت ضهر والطابق لي هي فيه مكان معاها تا حد كيدخلو ليه غير سمية و حليمة بينما بنات العائلة ما شافوها ما شافتهم ...حيدات بينوار و لبسات قفطان بيض يطيح عليها سر مع بلغة فنفس لون ..دارت فبالها انه ايكونو غير لعيالات وهي تخرج بلا مدير زيف و شعرها كيتموج على ضهرها بشكل ساحر فايت المؤخرة ديالها بطولتو كيلمع ...فدروج وقف عليها جسد طويل و غليض ..ببطء هزات راسها وجات عنيها مع ولد عمها عبدالله لي كان باغي يتزوج بيها قبل عصام ...
فور ما جات قدامو تخربق ليه لون فوجهو و المشية تلف فيها و قلبو بدا كيخبط بين ضلعو بجهد ..حل فمو ينطق وهي تطل عليهم مرا من دروج و وجها حمر ....
هاجر بدون فهم طلعات و دخلات بلا ما تعطيها خو كلامها خلات لمرا كتغدد من لداخل رجعات عنيها لعبدلله لي بقات عينو على ضهر هاجر بلا ما يحشم و لا يستحي..بزربة رجع عينو من شاف مراتو كتخنزر فيه...
عبدلله : بنت عمي و عزيزة عليا بزاف مسكينة الله يشافيها ...
خرج خلاها كتغدد كانت عارفاه باغي يدير هاجر هي لمرا تانية من طلقات من راجلها وغير هي لا كانت سادة بابها عليه ..دخلات كتجر فرجليها وعنيها على هاجر لي كتهضر مع مها ممصوقاش لبنات لعائلة لي عنيهم عليها و فلبسها و دهب لي دايرة فعنقها و يديها ...
"تتبع"...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
