..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
حيرة معتالية وجهو الوسيم..بصدمة لقائها و قف و عينو عليها بينما هي فور ما شافتو هبطات كتجري ناسية الالم لي واقع فجزءها السفلي..تخطا طبلة بسرعة و تبعها ملهوف باغي يعرف اش جات دير هنا و تساؤلات كثيرة طاحت فبالو ....
هبط كيقلب عليها و عينو دايرين فكل مكان بحال شي واحد تالفة ليه شي حاجة مهمة ...شكلو حير الانضار لي عليه و اول وحدة قربات ليه هي لالة حليمة لي محتارة فحركاتو امام بابا دارها...
حليمة تبهضات : ولدي عماد اش كدير هنا مالك ماطلعتي لفوق عند ناس...
دور يدو على راسو بحيرة : كنت لفوق غير شفت شي حد كنعرفو لكن واقلة غير غلطت ...
حليمة : ما فيها باس اولدي و طلع قريب نحطو لعشا...
حرك راسو بتردد و طلع لخطوات بساط فدروج حتى سمع حليمة كتغوت بإسم لي هز قلبو من لداخل...
حليمة: زاينة عيطي على اريج هي لي اتهز بلاطو ديال حليب و الخواتم....
عماد شدها من دراعها و عينو حاملين تساؤل : كتعرفي اريج.....
قبل ماتنطق حليمة قاطعهم صوت ضعيف من لباب ..
اريج: حليمة عيطتي عليا ..."قربات و عنيها حمرين فعماد و بإبتسامة صفرة وجهاتها ليه مع كلمات"...خويا عماد لباس عليك ....
عماد بقى جامد فمكانو بدون رد فقط عينو عليها بدهشة كيفكر ان حليمة هي اخت سلوى ادا هي مرات راجل لي كان مع اريج " ...تحولو تعابيرو لصدمة ....
حليمة ما دات ما جابت شارت لاريج تبعها و دخلات تجبد خواتم ديال الخطاب و اريج تبعاتها مخنزرة ..حطات صبعها على فمها كتشير ليه يسكت و كملات طريقها خلاتو مصدوم ..كيشوف فجنابو و يرجع يشوف فالمكان لي مشات منو ....بزربة طلع كيجري عند سلوى جلس على ركابيها قدامها و هي كتشوف فيه بجنب عنيها...
سلوى: عماد بلاصت لعيالات هادي....
عماد ما تصوقش قرب حدا ودنيها كيهضر بصوت هامس....
- شنو كتيجك اريج ...
سلوى شافت فيه بشك وكيهمسو مع بعض خلاو كاع ناس يشوفو فيهم وهما ناسين راسهم ...
- نتا فين كتعرف اريج...
عماد : من بعد ونقوليك دابا اش كتجيك هاد خيتي واش عارفة اش كدير ورا ضهركم بعدا و لالا عارفين بعدا شمن مصيبة مدخلين لداركم ....
#تتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
