..................... 💍#انها_زوجتي2💍......................
..................💔#قلــبان_لا_يلتقـيــــان💔.....................
......................... 👑by:FATIMA Z-F👑..................
بعد نجاح الكبير لي حققاتو قصة #انها_زوجتي مع الازواج الم...
عصام ساط دخان من نيفو ونطق بلهجة قاصحة : شنو لي وقع ورايا....
زهير شاف فيه بنص عين : ديك ساعة طلقتو وكل واحد شد طريقو ما بقات بينك وبينها تا علاقة ....
عصام من تحت سنانو. : راني هضرت ا زهير نطق اش عندك...
زهير تنهد بجهد: من طلقتو نتا مشيتي لجنوب افريقيا و معودتيش رجعتي ولا عرفتي خبارها اما هي مشات لطنجة وعلى ما سمعت عمرها رجعات لرباط و مك كانت كل مرة كتمشي عندها لوطيل كدابز معاها قدام الموضفين ديالها وتوصفها بطماعة و بزاف الحوايج ....
عصام تزير وبانت ليه فوجهو بينما زهير مراقبو من جهة عنيه وهو نيت معندوش مع زواق الهضرة ولا دخل والخريج ..
بحالو بحال عصام عزيز عليه المعقول و يدخل فالموضوع نيشن بلا مقدمات وهادشي لي خلاه ناجح كوزير لمرتين متتاليتين ...رما لكارو من يدو وكمل هضرتو من شاف عصام ما نطق بتا حرف...
زهير : فنفس ريسطورو لي كنتو فيها كانت هي جالسة من كنتو مطلقين وداك نهار تلقات بمك وناض صداع وراك عارف مك كيف دايرة هزات عليها يديها وحيت هاجر كانت مريضة ديك ساعة بسخانة وزيد مريضة بالقلب مقدراتش تحامي على نفسها وغير ناس لي هزوها وداوها لكلينيك....
خرج عصان عينو بجهد : كفااااااش...
زهير : كيف سمعتي وه كنضن هادشي لي خلاها دير ديك الحالة من شافت الياقوت قدامها فنفس لبلاصة لي ضرباتها فيه وكنضن هادشي علاش دارت ديك الحالة .... و انا وختك من سقنا لخبار مشينا نشوفوها فكلينيك ولكن من سولنا عليها لقيناها مكيناش وبأنه جا شي طبيب سميتو عهد العمراني خرجها من المشفى وحولها لمصحة ديال باه فطنجة .."سكت كيفكر "..اممم كنضن سميت باه زياد العمراني و ختك لصقاتني نديها لطنجة نشوفها و من مشينا لفيلا عندها خبراتنا الخدامة انها مسافرة ومن قلبت فالمطار على سميتها لقيتها مقطعة لبيي لأمريكا مع نفس الشخص لي خرجها من لكلينيك عهد العمراني...."هز فيه زهير عينو"...هادشي لي كاين....
زهير :متنساش كنتو مطلقين ا عصام وديك ساعة ضروري ما تشوف حياتها مع واحد اخر حنا معرفينش علاقتهم مزيان ولكن هاجر فقدات داكرة ما عاقلة تا على حد وهاد عهد العمراني نساتو و معندهاش فداكرة فمن الاحسن متسرعش وخلي ليام يبينو ليك كلشي....
عصام هز راسو لسما ونطق من تحت سنانو : الوليدة دارت هادشي كلو ورا ضهري...
زهير حط يدو على كتفو : الام كتبقى ام ا عصام وخا تقول لي تقول لو رجع زمان لور اتعاود دير نفس الحوايج ..حسن جلس مع راسك و فكر مزيان وحاول ترجع شمل من جديد و تجمع نتا و مراتك و مك تحت سقف واحد و فدار وحدة وعطي لخاطر لكل وحدة ...
زهير حط راسو على سيارة وتنهد بجهد باين تا هو هاز فقلبو : لعيالات هما هادو معندهمش لعقل لي يفكرو فيه بحالنا وكيتبعو العاطفة ديالهم كثر من لازم ..."دور صبعو على شعرو "..ولكن سرنا حنا لي مزوجين غير بالبراهش......
عصام شعل كارو اخر و مردش على كلام زهير هو من اصلو مكيدخلش ما بين صاحبو و ختو و كيبقى بعيد.. وتا زهير عارفو كيف داير وتا هو متشكاش عارف عصام واصلة ليه لعضم وغارق تال ودنيه بالمشاكل مغاديش يزيدو تا بمشاكلو و يقول ليه هضر مع ختك راها زادت فيه و عيقات....
"تتبع"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
