🔥انها زوجتي2....🔥
👑By:FATIMA Z-F👑
دخلات لشقة بخجل واضح فملامحها كأنها اول مرة كتزف و فعلا بالنسبة ليها اول مرة كيتملكها هاد شعور الغريب و لكن جميل وعاجبها بزااف...
شافتو حط ساروت فوق طبلة كيحيد لفيستا ديالو و كيرخف كرفاط و كيحل صدايف القامجة بهدوء هز راسو لقاها كتشوف فيه....
عصام غمزها : مالكِ....
هاجر بحرج بعدات عنيها منو : والو غير فصالتك زوينة ....
عصام كمش حجبانو وهبط عينو و طلعهم فيها : تا نتي فصالتك زوينة ....
بزربة هزات راسها و عنيها كيبريو : بصح مكنبانش غليضة ياك....
عصام بهدوء قرب ليها : اصلا جيتي زوينة بالغلظ وهكذا كانت فورمتك شحال هادي غير هاد لعام ضعافيتي ولكن دابا رجعتي لوزنك طبيعي....
بزربة عجبها راسها بغات تدخل لبيت وهو يشدها من يديها قنتها معاه عاض فمو ..
- فين غادة...
هاجر من نيتها : نمشيو نعسو...
عصام طلع فيها حجبانو: زعمة جايبك لهنا غي باش نعسو ....
هاجر كمشات حجبانها و خصرات سيفتها و قربات لعنقو بشوي كتشمش فيه و بزربة بعدات راسها جاتها ردة ....
- يعععععع ريحتك خاايبة ....
عصام عقلو طار مفهمش تصرفها وهو يبعد كيشمشم فراسو و رجع عينو ليها وهي هربات منو عاد طلعات معاها ريحتو خنقاتها..حطات زيف على نيفها وهزات صبعها لجهة ديال دوش ...
- سيير تغسل عاد اجي عندي ..ما تقربش ليا بريحتك هكذا....
دخلات ليه شك ولا كيشمش فراسو بحال لحمق وهي مخنزرة ...من شاف وجها حمر عرفها مكتفلاش وهو يدخل لدوش ..حيد حوايجو ودخل تحت رشاشة يغسل و يعاود تالحمو ضرو بكثرة صابون ...خرج رش عليه مزيل لعرق عاد لبس حوايجو و خرج ريحت صابون سابقاه..
دخل لبيت لقا حسها مقطوع وهو يخرج كيدور عليها بان ليه خيالها فالكوزينة وهو يدخل عندها بانت ليه مخشية فتلاجة كتجبد و تحط ...شاف فيها بدون فهم....
عصام: شكاديري....
هزات راسها ليه و مزال بعبايتها بلون ابيض مجرجراها فالارض و نطقات بعصبية...
- فيا جوع و ماعندك فهاد دار ما يتكال.....
عصام تبهض : عاد ساعة دابا باش تعشيتي ....
هاجر هزات كتفها كتغبن : واا فيااا جوووع شغادي ندييير بغيت ناكل هئ اهئ....
قرب ليها وهو ما فاهم والو كانت جالسة معاه فطبلة وحدة من حطو لعشا و شافها كيف كلات من الحلويات و شوا وصلاد و طارط وعواصر وزادت عليهم بسطيلة ديال الحوت كلات ديالها و ديالو و نص من ديال حاتم و دابا كتقول ليه مزال فيا جوع ...جابت ليه تمام ....
هز ليها راسها لعندو كيتحقق من عنيها..
- واش صافا ....
هاجر بطفلولية شوية اتبدا تبكي ليه و بصوت طفولي قالت...
- تشهيت ناكل بابوش و نشرب لما ديالو ....
#تتبع
أنت تقرأ
💔#قلــبان_لا_يلتقـيــــان💔 ( مكتملة )
Romance..................... 💍#انها_زوجتي2💍...................... ..................💔#قلــبان_لا_يلتقـيــــان💔..................... ......................... 👑by:FATIMA Z-F👑.................. بعد نجاح الكبير لي حققاتو قصة #انها_زوجتي مع الازواج الم...
